SignIn
Kerala Kaumudi Online
Saturday, 24 October 2020 10.33 PM IST

സൈബീരിയയിൽ മാമത്തിന്റെ ഫോസിലുകൾ കണ്ടെത്തി

woolly-mammoth-

മോസ്കോ: ആനയുടെ മുൻ തലമുറക്കാരായ മാമത്തിന്റെ ഫോസിലുകൾ വടക്കൻ സൈബീരിയയിൽ കണ്ടെത്തി. യമലോ-നെനെറ്റ്സ് പ്രവിശ്യയിലെ പെഷെവെലവാറ്റോ തടാകക്കരയിൽ കന്നുകാലികളെ മേയ്ക്കുന്നവരാണ് വൂളി മാമത്തിന്റെ അവശിഷ്ടങ്ങൾ കണ്ടെത്തിയത്. ഇവർ വിവരം അറിയിച്ചതിനെ തുടർന്ന്, റഷ്യൻ ശാസ്ത്രജ്ഞരെത്തി മാമത്തിന്റെ അവശിഷ്ടങ്ങൾ ശേഖരിക്കുകയാണ്. തലയോട്, താടിയെല്ല്, വാരിയെല്ലുകൾ, കേടു സംഭവിക്കാത്ത കാലുകളുടെ ഭാഗങ്ങൾ എന്നിവയാണ് കണ്ടെത്തിയിരിക്കുന്നത്. ഖനനത്തിലൂടെ വേറെ ചില അസ്ഥികളും കണ്ടെത്തി. മാമത്തുകളുടെ അസ്ഥികൾ പൂ‍ർണമായും കണ്ടെത്താൻ അപൂ‍ർവമായേ കഴിഞ്ഞിട്ടുള്ളൂവെന്നും ഇവയെപ്പറ്റി കൂടുതൽ മനസിലാക്കുന്നതിന് ഇത് സാഹായിക്കുമെന്നും ശാസ്ത്രജ്ഞർ അഭിപ്രായപ്പെട്ടു. സൈബീരിയയിലെ വിവിധ പ്രദേശങ്ങളിൽ മഞ്ഞുപാളികൾക്കടിയിൽ നിന്നും നേരത്തേയും മാമത്തുകളുടെ അവശിഷ്ടങ്ങൾ കണ്ടെത്തിയിരുന്നു.

ആരാണ് വൂളി മാമത്തുകൾ?

ആനകളിലെ വംശനാശം സംഭവിച്ച മാമത്തുകൾക്കിടയിലെ ഒരു വിഭാഗമാണ് വൂളി മാമത്തുകൾ. ശരീരം രോമാവൃതമായതിനാലാണ് ആ പേര് ഇവയ്ക്ക് ലഭിച്ചത്. തുന്ദ്ര മാമത്ത് എന്നും ഇവയ്ക്ക് പേരുണ്ട്. 1,50,000 വർഷങ്ങൾക്ക് മുമ്പ് ജന്മംകൊണ്ട വൂളി മാമത്തുകൾക്ക് 10,000 വ‍ർഷങ്ങൾക്കു മുമ്പ് വംശനാശം സംഭവിച്ചു.

ഒരു ആഫ്രിക്കൻ ആനയുടെ ഭാരവും വലിപ്പവും ഉണ്ടായിരുന്ന വൂളി മാമത്തുകൾക്ക് പൊക്കം കുറവായിരുന്നു. പൂർണ വളർച്ചയെത്തിയ വൂളി മാമത്തുകൾക്ക് 2.8 മീറ്റർ ആയിരുന്നു ഉയരം. എട്ട് ടൺ വരെ ഭാരം. ശരീരത്തിൽ ഒരു മീറ്റർ നീളമുള്ള മുടികളുണ്ടായിരുന്നു. തൊലിയോട് ചേർന്ന് മറ്റൊരു പാളി മുടിയും ഇവയ്ക്ക് ഉണ്ടായിരുന്നു. ആനകളെക്കാൾ ചെറിയ ചെവിയായിരുന്നു ഇവയ്ക്ക്. അലാസ്കയിലും സൈബീരിയക്കടുത്തുള്ള റാങ്കൽ ദ്വീപിലുമായി വൂളി മാമത്തുകൾ ജീവിച്ചിരുന്നെന്നും കണക്കാക്കപ്പെടുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, WORLD, WORLD NEWS, MAMMOTH
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.