SignIn
Kerala Kaumudi Online
Saturday, 31 October 2020 10.40 AM IST

നിയന്ത്രണങ്ങളോടെ സിനിമാ തിയറ്ററുകൾ തുറക്കാമെന്ന് വാർത്താവിതരണ മന്ത്രാലയം

theatre

ന്യൂഡൽഹി: സാമൂഹിക സുരക്ഷാ അകലം അടക്കം മാർഗനിർദ്ദേശങ്ങൾ പാലിച്ച് അടുത്ത മാസം മുതൽ സിനിമാ തിയേറ്ററുകളും മൾട്ടിപ്‌ളക്‌സുകളും തുറന്നു പ്രവർത്തിക്കാൻ അനുവദിക്കണമെന്ന് കേന്ദ്ര വാർത്താ വിതരണ മന്ത്രാലയം(എം.ഐ.ബി) ആഭ്യന്തര മന്ത്രാലയത്തിന് ശുപാർശ നൽകി. സിനിമാ വ്യവസായവുമായി ബന്ധപ്പെട്ട വിവിധ സംഘടനാ പ്രതിനിധികളുമായി എം.ഐ.ബി സെക്രട്ടറി അമിത് ഖരെ നടത്തിയ ചർച്ചയ്‌ക്കു ശേഷമാണ് ശുപാർശ നൽകിയത്. ഇക്കാര്യത്തിൽ ആഭ്യന്തര സെക്രട്ടറി അജയ് ഭല്ലയാണ് അന്തിമ തീരുമാനമെടുക്കേണ്ടത്.

കൊവിഡ് രോഗവ്യാപനം ആരംഭിച്ച മാർച്ചിൽഅടച്ചിട്ട സിനിമാ തിയേറ്ററുകൾക്ക് സുരക്ഷാ കാരണങ്ങളാൽ പിന്നീട് പ്രവർത്തിക്കാൻ അനുമതി നൽകിയില്ല. കനത്ത പ്രതിസന്ധി നേരിടുന്നതിനാൽ കർശന മാർഗനിർദ്ദേശങ്ങൾ പാലിച്ച് തിയേറ്ററുകൾ തുറന്നു പ്രവർത്തിക്കാൻ അനുവദിക്കണമെന്ന് വീഡിയോ കോൺഫറൻസ് ചർച്ചയിൽ സംഘടനാ നേതാക്കൾ അറിയിച്ചു.

സുരക്ഷിതമായി സിനിമാ പ്രദർശനത്തിനുള്ള സംവിധാനങ്ങൾ ഒരുക്കാമെന്ന് മൾട്ടിപ്ളക്സുകളുടെ സംഘടന കേന്ദ്ര സർക്കാരിനെ അറിയിച്ചിരുന്നു. പേപ്പർരഹിത ടിക്കറ്റ്, ബുക്കിംഗ് വേളയിൽ അകലത്തിൽ സീറ്റുകൾ അനുവദിക്കൽ, തിയേറ്റർ ഹാൾ അണുവിമുക്തമാക്കാൻ അരമണിക്കൂർ വരെ ദൈർഘ്യമുള്ള ഇടവേള, ഒരു സമയത്ത് ഒരു സ്‌ക്രീനിൽ മാത്രം പ്രദർശനം തുടങ്ങിയവയാണ് പ്രധാനമന്ത്രിയുടെ ഓഫീസിനും നീതി ആയോഗിനും ഇവർ സമർപ്പിച്ച മാർഗരേഖയിലെ നിർദ്ദേശങ്ങൾ.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: THEATRE
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.