'ഈദ് മുബാറക്! സന്തോഷകരവും അനുഗ്രഹീതവുമായ ഈദ് ആശംസകൾ': ബലിപെരുന്നാൾ ആശംസകളുമായി ഷെയ്ഖ് മുഹമ്മദ്

ദുബായ്: യു.എ.ഇയിലെ ജനങ്ങൾക്ക് 'അങ്ങേയറ്റം സന്തോഷപ്രദവും അനുഗ്രഹീതവുമായ' ബലിപെരുന്നാൾ ആശംസിച്ച് ദുബായ് ഭരണാധികാരിയും യു.എ.ഇ പ്രധാന മന്ത്രിയും വൈസ് പ്രസിഡന്റുമായ ഷെയ്ഖ് മുഹമ്മദ് ബിൻ റാഷിദ് അൽ മഖ്‌തൂം. ട്വിറ്റർ വഴിയാണ് അദ്ദേഹം ഏവർക്കും 'ഈദുൽ അദ്‌ഹ' ആശംസകൾ പകർന്നത്.

كل عام وأنتم بخير .. كل عام وبلادنا وشعبنا بخير .. كل عام ومستقبلنا إلى خير .. كل عام وشعوب العالم في صحة وأمان واستقرار وخير ... pic.twitter.com/0uyNtMbr7L

— HH Sheikh Mohammed (@HHShkMohd) July 30, 2020

'ഈദ് മുബാറക്! ഏവർക്കും സന്തോഷദായകവും അനുഗ്രഹീതവുമായ ഈദ് ആശംസകൾ. പരമകാരുണ്യവാനായ അള്ളാഹു നമ്മുടെ രാജ്യത്തെയും ജനങ്ങളെയും ഭാവിയെയും നന്മ കൊണ്ടും സമൃദ്ധി കൊണ്ടും അനുഗ്രഹിക്കട്ടെ. ആരോഗ്യം, സമാധാനം, സ്ഥിരത, സമൃദ്ധി എന്നിവ അള്ളാഹുവിന്റെ അനുഗ്രഹത്താൽ നമ്മിലേക്ക് വന്നുചേരട്ടെ.' അദ്ദേഹം ട്വിറ്ററിൽ കുറിച്ചു.

വെള്ളിയാഴ്ച മുതലാണ് യു.എ.ഇയിലും കേരളത്തിലും ബലിപെരുന്നാളാഘോഷം നടക്കുക. കൊവിഡ് രോഗബാധയുടെ സാഹചര്യം കണക്കിലെടുത്ത് വളരെ കുറച്ചുപേർ മാത്രമാകും ഇപ്രാവശ്യം ഹജ് നിർവഹിക്കുന്നതിനായി എത്തുകയുള്ളൂ. ലോകത്തിന് മുഴുവൻ മഹാമാരിയിൽ നിന്ന് മോചനം തേടിയാണ് ഇത്തവണത്തെ ഹജ് നടക്കുക.