ബ്രിട്ടീഷ് ബീച്ചിൽ കരയ്ക്കടിഞ്ഞ ജീവിയെ കണ്ട് അമ്പരന്ന് ലോകം

ലണ്ടൻ: ബ്രിട്ടനിലെ ഐൻസ്ഡേൽ ബീച്ചിൽ കഴിഞ്ഞദിവസം കരയ്ക്കടി‌ഞ്ഞ വിചിത്രജീവിയുടെ മൃതശരീരം കണ്ട് അമ്പരന്ന് നിൽക്കുകയാണ് നാട്ടുകാരും ശാസ്ത്രലോകവും. 15 അടി ഉയരമുള്ള,​ കാഴ്ചയിൽ ഭീകരത തോന്നിക്കുന്ന ജീവിയുടെ മൃതശരീരം ജൂലായ് 29നാണ് ദുർഗന്ധം വമിക്കുന്ന നിലയിൽ കണ്ടെത്തിയത്.

എല്ലുകൾ പല ഭാഗത്ത് നിന്നും തൂങ്ങിക്കിടക്കുന്നുണ്ട്. ഫേസ്‌ബുക്കിലെ ഐൻസ്ഡേൽ കമ്മ്യൂണിറ്റി ഗ്രൂപ്പിൽ പോസ്റ്റ് ചെയ്തതോടെയാണ് ഭീകരജീവി വൈറലായത്. അതേസമയം,​ ഏതാണ് ഈ ജീവി എന്നത് സംബന്ധിച്ച് ചർച്ചകൾ സജീവമായിട്ടുണ്ട്. 500ലധികം കമന്റുകളാണ് പോസ്റ്റിന് താഴെ വന്നിരിക്കുന്നത്. ജീവിയുടെ സ്വത്വം ഇതുവരെ തിരിച്ചറിഞ്ഞിട്ടില്ല എന്ന് നാച്വറൽ ഇംഗ്ലണ്ടിലെ സീനിയർ അഡ്വൈസർ സ്റ്റീഫൻ ഐലിഫ് പറഞ്ഞതായി ദ സൺ റിപ്പോർട്ട് ചെയ്തു. 2017ൽ ഫിലിപ്പൈൻസിലെ ബീച്ചിലും ഇതുപോലൊരു ദുരൂഹ ജീവിയെ കണ്ടെത്തിയിരുന്നു.