SignIn
Kerala Kaumudi Online
Tuesday, 29 September 2020 8.40 AM IST

ബിസിനസ് സംതൃപ്‌തി നിരക്ക് 29 വർഷത്തെ താഴ്‌ചയിൽ

labour

ന്യൂഡൽഹി: കൊവിഡും ലോക്ക്ഡൗണും സൃഷ്‌ടിച്ച സമ്പദ്ഞെരുക്കം മൂലം ഇന്ത്യൻ വ്യവസായ-വാണിജ്യലോകത്ത് ശുഭപ്രതീക്ഷാ നിരക്ക് 1991ന് ശേഷമുള്ള ഏറ്റവും കുറഞ്ഞതലത്തിലേക്ക് കൂപ്പുകുത്തി. നടപ്പുനർഷത്തെ ആദ്യപാദമായ ഏപ്രിൽ-ജൂണിൽ 46.4 ശതമാനമായാണ് ബിസിനസ് കോൺഫിഡൻസ് ഇൻഡക്‌സ് (ബി.സി.ഐ) താഴ്‌ന്നതെന്ന് നാഷണൽ കൗൺസിൽ ഒഫ് അപ്ളൈഡ് എക്കണോമിക് റിസർച്ച് (എൻ.സി.എ.ഇ.ആർ) വ്യക്തമാക്കി.

മുൻവർഷത്തെ സമാനപാദത്തെ അപേക്ഷിച്ച് 62 ശതമാനവും 2019-20ലെ അവസാനപാദമായ ജനുവരി-മാർച്ചിലേതിനേക്കാൾ 40.1 ശതമാനവും കുറവാണിത്. ഇന്ത്യയുടെ വിവിധ മേഖലകൾ തിരിച്ചുള്ള ബി.സി.ഐ നിരക്കും ഗവേഷണ സ്ഥാപനമായ എൻ.സി.എ.ഇ.ആർ പുറത്തുവിട്ടിട്ടുണ്ട്. വടക്കേ ഇന്ത്യയിൽ ബി.സി.ഐ നിരക്ക് 25.1 ശതമാനം മെച്ചപ്പെട്ടപ്പോൾ കിഴക്കൻ സംസ്ഥാനങ്ങളിൽ 89.3 ശതമാനവും പടിഞ്ഞാറൻ സംസ്ഥാനങ്ങളിൽ 68.1 ശതമാനവും ഇടിഞ്ഞു. 53.9 ശതമാനമാണ് കേരളം ഉൾപ്പെടുന്ന ദക്ഷിണേന്ത്യയിലെ ഇടിവ്. അതേസമയം, കൊവിഡും ലോക്ക്ഡൗണും മൂലം മാർച്ചിലെയും ഏപ്രിലിലെയും വിശദാംശങ്ങൾ ശേഖരിക്കാൻ പ്രയാസം നേരിട്ടതിനാൽ, കണക്കുകൾ പൂർണമല്ലെന്നും എൻ.സി.എ.ഇ.ആർ വ്യക്തമാക്കിയിട്ടുണ്ട്.

തൊഴിലില്ലായ്‌മ സമ്മിശ്രം

മെട്രോ നഗരങ്ങളായ ന്യൂഡൽഹി, മുംബയ്, പൂനെ, കൊൽക്കത്ത, ബംഗളൂരു, ചെന്നൈ എന്നിവിടങ്ങളിലായി 600 വ്യവസായ-വാണിജ്യ കമ്പനികളിൽ നിന്ന് എൻ.സി.എ.ഇ.ആർ ശേഖരിച്ച വിവരപ്രകാരം, നടപ്പുവർഷം ഏപ്രിൽ-ജൂണിൽ അവിദഗ്ദ്ധ തൊഴിലവസരങ്ങൾ 6.7 ശതമാനം ഇടിഞ്ഞു. അതേസമയം, വിദഗ്ദ്ധ തൊഴിലവസരങ്ങളുടെ നിരക്ക് ജനുവരി-മാർച്ചിലെ 4.3 ശതമാനത്തിൽ നിന്ന് 18.2 ശതമാനമായി ഉയർന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BUSINESS, BUSINESS, BUSINESS CONFIDENCE
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.