SignIn
Kerala Kaumudi Online
Saturday, 23 January 2021 8.57 PM IST

നാട്ടുകാർ ദുരിതത്തിൽ, പ്രളയ ബാധിത മേഖലയിലേക്ക് ആഡംബര വാഹനത്തിൽ കിമ്മിന്റെ യാത്ര

kim-jong-un

സോൾ : വിചിത്ര നടപടികളിലൂടെയും വിവാദ പ്രവൃത്തികളിലൂടെയും എന്നും വാർത്തകളിൽ ഇടംനേടുന്നയാളാണ് ഉത്തര കൊറിയൻ ഭരണാധികാരി കിം ജോംഗ് ഉൻ. ഇപ്പോഴിതാ പ്രളയത്തിൽ മുങ്ങിയ ഗ്രാമത്തിലേക്ക് തന്റെ ആഡംബര എസ്.യു.വിയിൽ സന്ദർശനം നടത്തിയിരിക്കുകയാണ് കിം. വടക്കൻ ഹ്വാൻഘേ പ്രവിശ്യയിലെ പ്രളയ ദുരിതം വിലയിരുത്താനെത്തിയ കിം തന്റെ ലെക്സസ് എൽ.എക്സ് 570 കാറിൽ സഞ്ചരിച്ചാണ് പ്രളയബാധിത പ്രദേശത്തെ ജനങ്ങളെ അഭിവാദ്യം ചെയ്തത്.

ദിവസങ്ങളായി പെയ്ത കനത്ത മഴയുടെ ഫലമായി പ്രദേശത്തെ 700 ഓളം വീടുകൾക്കും 1,400 ഏക്കറോളം നെൽപ്പാടങ്ങൾക്കും നാശനഷ്ടം സംഭവിച്ചതായാണ് റിപ്പോർട്ട്. 180 ഓളം വീടുകൾ പൂർണമായി തകർന്നു. വ്യാപക കൃഷി നാശമുണ്ടായതോടെ രാജ്യത്തെ ഭക്ഷ്യ മേഖല പ്രതിസന്ധിയിലാണ്. പ്രദേശത്തെത്തിയ കിം അവശ്യ വസ്തുക്കളും ഭക്ഷണവും ഉൾപ്പെടെയുമുള്ള അടിയന്തിര സംവിധാനങ്ങൾ ജനങ്ങൾക്ക് നൽകാൻ ഉത്തരവിട്ടതായി ഉത്തരകൊറിയൻ വാർത്താ ഏജൻസി റിപ്പോർട്ട് ചെയ്യുന്നു.

ഉത്തര കൊറിയയിലേക്ക് ആഡംബര വസ്തുക്കൾ കയറ്റുമതി ചെയ്യുന്നത് ഐക്യരാഷ്ട്ര സംഘടനാ സെക്യൂരിറ്റി കൗൺസിൽ നിരോധനം ഏർപ്പെടുത്തിയിരുന്നു. എന്നാൽ നാട്ടുകാർ ദുരിതത്തിൽ കഴിയുമ്പോഴും കിമ്മിന്റെ ആഡംബരത്തിന് യാതൊരു കുറവുമില്ല. മേഴ്സിഡെസ് ബെൻസ്, റോൾസ് റോയ്സ് തുടങ്ങിയ ആഡംബര കാറുകളിലായിരുന്നു കിം ഇതിന് മുമ്പ് പ്രത്യക്ഷപ്പെട്ടിട്ടുള്ളത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, WORLD, WORLD NEWS, KIM JONG UN, NORTH KOREA, FLOODS, LUXURY SUV
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.