SignIn
Kerala Kaumudi Online
Thursday, 01 October 2020 9.23 PM IST

ന്യൂസിലൻഡ് ആശ്വാസ തീരത്തേക്ക്, കൊവിഡ് നിയന്ത്രണ വിധേയമായിരുന്ന വിയറ്റ്‌നാമിലും ആസ്ട്രേലിയയിലും വൈറസ് വീണ്ടും തലപൊക്കുന്നു

newzealand

വെല്ലിംഗ്ടൺ: ന്യൂസിലൻഡ് ആശ്വാസ തീരത്തേക്ക്. രാജ്യത്തിനകത്ത് കമ്മ്യൂണിറ്റി ട്രാൻസ്മിഷൻ ഇല്ലാതെ നൂറ് ദിവസം പിന്നിട്ടു. എന്നാൽ ആശ്വസിക്കാനായിട്ടില്ലെന്ന് അധികൃതർ മുന്നറിയിപ്പ് നൽകുന്നു. കൊവിഡിനെതിരായ വിജയകരമായ പോരാട്ടത്തിലൂടെ ന്യൂസിലൻഡ് ലോകത്തിലെ തന്നെ ഏറ്റവും സുരക്ഷിതമായ സ്ഥലങ്ങളിലൊന്നായി മാറി.

രാജ്യത്തെ ജനങ്ങളിപ്പോൾ ഏറെക്കുറെ സാധാരണ ജീവിതത്തിലേക്ക് മടങ്ങി. പക്ഷേ ആളുകൾ ഇപ്പോൾ പരിശോധന നിരസിക്കുന്നതിൽ അധികൃതർ ആശങ്കയിലാണ്. 'കമ്മ്യൂണിറ്റി ട്രാൻസ്മിഷൻ ഇല്ലാതെ 100 ദിവസം പിന്നിടുന്നത് ഒരു സുപ്രധാന നാഴികക്കല്ലാണ്. എന്നിരുന്നാലും ഞങ്ങൾക്ക് സമാധാനിക്കാൻ കഴിയില്ല, 'ആരോഗ്യ ഡയറക്ടർ ജനറൽ ഡോ. ആഷ്ലി ബ്ലൂംഫീൽഡ് പറഞ്ഞു.

അതേസമയം വൈറസ് നിയന്ത്രണവിധേയമായിരുന്ന വിയറ്റ്നാം, ആസ്‌ട്രേലിയ തുടങ്ങിയ രാജ്യങ്ങളിലിപ്പോൾ രോഗബാധിതരുടെ എണ്ണം കുതിച്ചുയരുകയാണ്. കഴിഞ്ഞദിവസം 812 പേർക്കാണ് വിയറ്റ്നാമിൽ പുതുതായി രോഗബാധ സ്ഥിരീകരിച്ചത്.

ജർമ്മനിയിലും സ്ഥിതി വഷളാവുകയാണ്. കഴിഞ്ഞ 24 മണിക്കൂറിനുള്ളിൽ രാജ്യത്ത് 555 പുതിയ കേസുകൾ റിപ്പോർട്ട് ചെയ്തു. ഇതോടെ രാജ്യത്ത് രോഗബാധിതരുടെ എണ്ണം 215,891 ആയി. ഇതുവരെ 9,196 പേരാണ് വൈറസ് ബാധമൂലം മരണമടഞ്ഞത്.

രോഗബാധിതരുടെ എണ്ണത്തിൽ രണ്ടാം സ്ഥാനത്തുള്ള ബ്രസീലിൽ മൂന്ന് ദശലക്ഷം പേർക്കാണ് ഇതുവരെ കൊവിഡ് സ്ഥിരീകരിച്ചത്. മരണസംഖ്യ ഒരുലക്ഷം പിന്നിട്ടു. രാജ്യത്തെ പ്രധാന നഗരങ്ങളിലും ഗ്രാമപ്രദേശങ്ങളിലും കൊവിഡ് കേസുകൾ വർദ്ധിക്കുകയാണ്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, WORLD, WORLD NEWS, DEATH, AUSTRALIA COVID 19, NWEZILAND, VIATNAM, BRAZIL, COVID DEATH, AUSTRALIA
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.