SignIn
Kerala Kaumudi Online
Thursday, 01 October 2020 6.03 AM IST

നഗരങ്ങളിൽ തൊഴിലവസരം സൃഷ്‌ടിക്കും; രണ്ടാംഘട്ട സാമ്പത്തിക പാക്കേജ് അടുത്ത മാസം പ്രഖ്യാപിക്കുമെന്ന് സൂചന

nirmala-seetharaman-modi

ന്യൂഡൽഹി: കൊവിഡ് വ്യാപനത്തിൽ നിന്ന് രാജ്യത്തെ കരകയറ്റാനുള്ള കേന്ദ്രസർക്കാരിന്റെ ഉത്തേജന പാക്കേജിന്റെ രണ്ടാംഘട്ടം അടുത്ത മാസം പ്രഖ്യാപിച്ചേക്കുമെന്ന് സൂചന. അടിസ്ഥാന സൗകര്യ വികസനം, നിർമ്മാണമേഖല എന്നിവയ്ക്കായും പാക്കേജിൽ പ്രാധാന്യം നൽകുകയെന്നാണ് വിവരം. നഗരങ്ങളിലെ പാവപ്പെട്ടവർക്ക് തൊഴിൽ ലഭ്യമാക്കാനുള്ള പദ്ധതിയുണ്ടാകുമെന്നാണ് പ്രതീക്ഷിക്കുന്നത്. തൊഴിലുറപ്പ് പദ്ധതിയുടേതിന് സമാനമായിട്ടായിരിക്കും പദ്ധതിയെന്നാണ് കേന്ദ്രസർക്കാർ വൃത്തങ്ങൾ നൽകുന്ന സൂചന.

സ്വദേശത്തേയ്‌ക്ക് മടങ്ങിയ ഇതരസംസ്ഥാന തൊഴിലാളികൾ തിരിച്ചെത്താൻ നഗരങ്ങളിലെ തൊഴിലവസരം പ്രയോജനപ്പെടുമെന്നാണ് കേന്ദ്രസർക്കാർ കണക്കുകൂട്ടൽ. നിർമ്മാണ തൊഴിൽ മേഖലയിൽ മാത്രം 65 ലക്ഷം ഇതരസംസ്ഥാന തൊഴിലാളികൾക്ക് ജോലി ലഭ്യമാകുമെന്നാണ് കരുതുന്നത്. കൊവിഡ് വ്യാപനംമൂലമുള്ള തളർച്ചയിൽ നിന്ന് രാജ്യം വിമുക്തമായാൽ വികസനത്തിനുള്ള സാദ്ധ്യതകളുണ്ടാകും. അടിസ്ഥാന സൗകര്യം, നിർമ്മാണ മേഖല എന്നിവ കേന്ദ്രീകരിച്ച് പ്രഖ്യാപനങ്ങൾ കൂടിവരുമ്പോൾ സമ്പദ്ഘടനയിൽ ഉണർവ് പ്രകടമാകുമെന്നാണ് വിലിയിരുത്തൽ. ഉപഭോഗം വർദ്ധിക്കുകയും അതിലൂടെ തൊഴിലവസരങ്ങൽ ഉണ്ടാവുകയും ചെയ്യും. അതിന്റെ സാദ്ധ്യതകൾ തേടിയുള്ള നിക്ഷേപമാകും കേന്ദ്രം പ്രഖ്യാപിക്കുന്ന അടുത്ത പാക്കേജിലുണ്ടാവുകയെന്നതാണ് വിദഗ്‌ധർ പറയുന്നത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, CENTRAL PACKAGE, NIRMALA SEETHARAMAN, NARENDRA MODI, ECONOMIC PACKAGE
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.