SignIn
Kerala Kaumudi Online
Friday, 25 September 2020 6.48 AM IST

കെ.ടി ജലീലിന് ലോകായുക്ത നോട്ടീസ് ;റംസാൻ കിറ്റുമായി ബന്ധപ്പെട്ട വിവരങ്ങൾ ഹാജരാക്കണം

k-t-jaleel

തിരുവനന്തപുരം: മന്ത്രി കെ.ടി.ജലീലിന് ലോകായുക്ത നോട്ടിസ്. റംസാൻ കിറ്റുമായി ബന്ധപ്പെട്ട് യു.എ.ഇ കോൺസുലേറ്റുമായി നടത്തിയ ആശയവിനിമയ വിവരങ്ങൾ ഹാജരാക്കാൻ മന്ത്രിയോട് ലോകായുക്ത നിർദേശിച്ചു. ബന്ധപ്പെട്ട വിവരങ്ങൾ എല്ലാം ഈ മാസം 27ന് മുമ്പ് നൽകണമെന്നാണ് ആവശ്യം. അയോഗ്യനാക്കണമെന്ന് ആവശ്യപ്പെട്ടുള്ള ഹർജി ഫയലിൽ സ്വീകരിക്കാതിരിക്കാൻ കാരണമുണ്ടെങ്കിൽ ബോദ്ധ്യപ്പെടുത്തണം എന്നാണ് ലോകയുക്ത മന്ത്രിയോട് ആവശ്യപ്പെട്ടത്.

യൂത്ത് കോൺഗ്രസ് നേതാവ് രോഹിത് സമർപ്പിച്ച ഹർജിയുടെ മേലാണ് നടപടി. റംസാൻ കിറ്റുമായി ബന്ധപ്പെട്ട് മാദ്ധ്യമങ്ങളിൽ വന്ന വാർത്തകൾ ഉൾപ്പെടെയാണ് ഹർജി ഫയൽ ചെയ്‌തിരിക്കുന്നത്. ഏതെങ്കിലും തരത്തിലുള്ള ചട്ടലംഘനം നടന്നിട്ടുണ്ടോയെന്ന് ചീഫ്സെക്രട്ടറിയോടും ലോകായുക്ത ആരാഞ്ഞിട്ടുണ്ട്.

കെ.ടി ജലീൽ മതഗ്രന്ഥത്തിന്റെ മറവിൽ സ്വർണം കടത്തിയെന്ന് ബി.ജെ.പി സംസ്ഥാന അദ്ധ്യക്ഷൻ കെ.സുരേന്ദ്രൻ ആരോപിച്ചിരുന്നു. വാട്സാപ്പ് സന്ദേശത്തിന്റെ അടിസ്ഥാനത്തിൽ നയതന്ത്ര ലഗേജ് സ്വീകരിച്ചുവെന്ന ജലീലിന്റെ വിശദീകരണം തൃപ്തികരമല്ല. കള്ളക്കടത്ത് ബന്ധം ആരോപിക്കപ്പെടുന്ന ജലീൽ സ്വാതന്ത്ര്യദിനത്തിൽ പതാക ഉയർത്തരുതെന്നും സുരേന്ദ്രൻ ആവശ്യപ്പെട്ടു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KT JALEEL, LOKAYUKTHA NOTICE, RAMSAN KIT, GOLD SMUGGLING CASE, CHIEF SECRETARY, VISHVAS MEHTHA, YOTYH CONGRESS ROHITH
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.