SignIn
Kerala Kaumudi Online
Wednesday, 02 December 2020 6.07 PM IST

സ്വർണക്കടത്ത്: ഷംസുദ്ദീന്റെ മുൻകൂർ ജാമ്യാപേക്ഷയിൽ കസ്റ്റംസിന്റെ വിശദീകരണം തേടി

gold-smuggling-

കൊച്ചി : നയതന്ത്ര ചാനൽ വഴിയുള്ള സ്വർണക്കടത്തു കേസിൽ പ്രതിയായ സംജുവിന്റെ ബന്ധുവായ കോഴിക്കോട് സ്വദേശി ഷംസുദ്ദീൻ വീണ്ടും നൽകിയ മുൻകൂർ ജാമ്യാപേക്ഷയിൽ ഹൈക്കോടതി കസ്റ്റംസ് അധികൃതരിൽ നിന്ന് വിശദീകരണം തേടി.

ഇയാളെ നേരത്തെ ചോദ്യം ചെയ്യാൻ കസ്റ്റംസ് വിളിപ്പിച്ചപ്പോൾ മുൻകൂർ ജാമ്യാപേക്ഷ നൽകിയിരുന്നു. അറസ്റ്റ് ചെയ്യുന്നുണ്ടെങ്കിൽ മുൻകൂർ നോട്ടീസ് നൽകണമെന്ന നിർദ്ദേശത്തോടെ ജാമ്യാപേക്ഷ ഹൈക്കോടതി തീർപ്പാക്കിയിരുന്നു.

ആഗസ്റ്റ് 12 ന് ഹാജരായെങ്കിലും കസ്റ്റംസ് ഉദ്യോഗസ്ഥർ നിർബന്ധിച്ചു പല കാര്യങ്ങളും എഴുതി വാങ്ങിയെന്നും തനിക്ക് പരിചയമില്ലാത്ത ഒരാളുടെ ഫോട്ടോ കാണിച്ച് അറിയാമെന്ന് മൊഴി നൽകിയെന്ന് ഒപ്പിട്ടു വാങ്ങിയെന്നും ഷംസുദ്ദീന്റെ ഹർജിയിൽ പറയുന്നു.

നോട്ടീസ് നൽകിയിട്ടില്ലെങ്കിലും അറസ്റ്റ് ചെയ്യുമെന്ന് ആശങ്കയുണ്ടെന്നും ആരോഗ്യപരമായ കാരണങ്ങളാൽ ബിസിനസിൽ നിന്നൊക്കെ വിട്ടു നിൽക്കുന്ന തന്നെ ദ്രോഹിക്കുന്നതു തടയണമെന്നും ഹർജിയിൽ പറയുന്നു. നയതന്ത്ര ചാനൽ വഴി പ്രതികൾ കടത്തിക്കൊണ്ടു വന്ന സ്വർണം ജൂവലറി ഉടമയായ സംജു വിറ്റിരുന്നു. ഷംസുദ്ദീൻ വഴിയാണ് വില്പനയെന്ന സംജുവിന്റെ മൊഴി അനുസരിച്ചാണ് ഇയാളെ കസ്റ്റംസ് ചോദ്യം ചെയ്തത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: GOLD SMUGGLING
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.