SignIn
Kerala Kaumudi Online
Monday, 23 November 2020 9.42 PM IST

പോപ്പുലർ ഫൈനാൻസ് തട്ടിപ്പ്: മുഖ്യപ്രതികളുടെ മക്കൾ ഡൽഹിയിൽ അറസ്റ്റിൽ

popular-finance

പത്തനംതിട്ട: കോന്നി വകയാർ പോപ്പുലർ ഫൈനാൻസ് തട്ടിപ്പ് കേസിലെ മുഖ്യപ്രതികളുടെ രണ്ട് പെൺമക്കളെ വിദേശത്തേക്ക് കടക്കാനുള്ള ശ്രമത്തിനിടെ ഡൽഹി വിമാനത്താവളത്തിൽ നിന്ന് പിടികൂടി. മാനേജിംഗ് ഡയറക്ടർ തോമസ് ഡാനിയേലിന്റെയും പ്രഭാ തോമസിന്റെയും മക്കളായ റിനുവും റിയയുമാണ് ഇന്നലെ രാവിലെ പിടിയിലായത്. ആസ്ട്രേലിയയിലേക്ക് പോകാനായിരുന്നു ഇവർ വിമാനത്താവളത്തിലെത്തിയത്. തോമസിന്റെയും പ്രഭയുടെയും മക്കളും മരുമക്കളും ഉദ്യോഗസ്ഥരുമായ എട്ടുപേർ കേസിൽ പ്രതികളാണ്. തോമസിന്റെയും പ്രഭയുടെയും ലുക്ക് ഒൗട്ട് നോട്ടീസ് മാത്രമേ പരസ്യപ്പെടുത്തിയിരുന്നുള്ളു. മറ്റുള്ളവരുടേത് വിമാനത്തവളങ്ങൾക്കും മറ്റും രഹസ്യമായി കൈമാറിയിരുന്നു. ഇതറിയാതെയെത്തിയ റിനുവിനേയും റിയയേയും ഡൽഹി പൊലീസ് തടഞ്ഞുവച്ച് കോന്നി പൊലീസിൽ അറിയിക്കുകയായിരുന്നു.

കോന്നി സി.ഐ പി.എസ്.രാജേഷിന്റെ നേതൃത്വത്തിൽ ഡൽഹിയിലെത്തി ഇവരെ കസ്റ്റഡിയിലെടുത്തു. ഡൽഹി കോടതിയിൽ ഹാജരാക്കിയ ശേഷം ഇന്ന് വൈകിട്ടോടെ പത്തനംതിട്ടയിലെത്തിച്ചേക്കും.

സംസ്ഥാനത്തിനകത്തും പുറത്തുമുള്ള 1600ന് മേൽ നിക്ഷേപകരിൽ നിന്ന് 2000 കോടിയോളം രൂപയാണ് പോപ്പുലർ ഫൈനാൻസ് നിക്ഷേപമായി സമാഹരിച്ചത്. കോന്നി, പത്തനംതിട്ട സ്റ്റേഷനുകളിലായി നാനൂറിലധികം പരാതികളാണ് ലഭിച്ചത്. ഒളിവിൽ പോയ തോമസും പ്രഭയും രാജ്യം വിട്ടിട്ടില്ലെന്നാണ് പൊലീസ് പറയുന്നത്. ഇവരുടെ ഫോണുകൾ സ്വിച്ച് ഒാഫാണ്. കാലാവധി കഴിഞ്ഞിട്ടും പണം മടക്കിനൽകാതായതോടെയാണ് പരാതി ഉയർന്നത്.

 ഓഫീസ് ജപ്തി ചെയ്തു

വകയാർ പോപ്പുലർ ഫൈനാൻസ് ഓഫീസ് ജപ്തിചെയ്തു. നിക്ഷേപകനായ അടൂർ സ്വദേശി കെ.വി സുരേഷ് നൽകിയ ഹർജി പരിഗണിച്ച് സബ് കോടതിയുടേതാണ് നടപടി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: POPULAR FINANCE
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.