സിവിൽ സർവീസസ് 2020: അഡ്മിറ്റ് കാർഡ് പ്രസിദ്ധീകരിച്ചു

ന്യൂഡൽഹി: 2020ലെ സിവിൽ സർവീസസ് പ്രിലിമിനറി പരീക്ഷയുടെ അഡ്മിറ്റ് കാർഡ് പ്രസിദ്ധീകരിച്ച് യൂണിയൻ പബ്ലിക് സർവീസ് കമ്മീഷൻ (യു.പി.എസ്.സി). https://www.upsc.gov.in/ എന്ന വെബ്‌സൈറ്റ് വഴി ഉദ്യോഗാർത്ഥികൾക്ക് അഡ്മിറ്റ് കാർഡ് ഡൗൺലോഡ് ചെയ്യാം. ഒക്ടോബർ നാലിനാണ് പരീക്ഷ. അഡ്മിറ്റ് കാർഡ് ഡൗൺലോഡ് ചെയ്യുന്നതിൽ എന്തെങ്കിലും സാങ്കേതിക ബുദ്ധിമുട്ട് നേരിട്ടാൽ ഉദ്യോഗാർത്ഥികൾക്ക് web-upsc@nic.in എന്ന ഇ- മെയിൽ വിലാസത്തിൽ അറിയിക്കാം. പരീക്ഷാഹാളിൽ സാമൂഹികാകലവും വ്യക്തിശുചിത്വവും പാലിക്കാൻ വിദ്യാർത്ഥികൾ ശ്രദ്ധിക്കണമെന്നും മാസ്‌ക്, സാനിറ്റൈസർ എന്നിവയില്ലാത്തവരെ പരീക്ഷാ ഹാളിൽ കയറാൻ അനുവദിക്കില്ലെന്നും യു.പി.എസ്.സി അറിയിച്ചു. പ്രിലിമിനറി പരീക്ഷ പാസാകുന്നവർക്ക് 2021 ജനുവരി 8നാകും മെയിൻ പരീക്ഷ.