കണ്ണൂരിൽ 142 പേർക്ക് കൊവിഡ്, 118 പേർക്കും സമ്പർക്കത്തിലൂടെ

കണ്ണൂർ: ജില്ലയിൽ 142 പേർക്ക് ഇന്നലെ കൊവിഡ് ബാധ സ്ഥിരീകരിച്ചു. 118 പേർക്ക് സമ്പർക്കം മൂലമാണ് രോഗബാധ. ഒരാൾ വിദേശത്തു നിന്നും 20 പേർ ഇതര സംസ്ഥാനങ്ങളിൽ നിന്നും എത്തിയവരാണ്. മൂന്ന് ആരോഗ്യ പ്രവർത്തകർക്കും പുതുതായി രോഗം സ്ഥിരീകരിച്ചു.

ഇതോടെ ജില്ലയിൽ റിപ്പോർട്ട് ചെയ്യപ്പെട്ട കൊവിഡ് പോസിറ്റീവ് കേസുകൾ 3809 ആയി. ഇവരിൽ ഇന്നലെ രോഗമുക്തി നേടിയ 123 പേരടക്കം 2787 പേർ ആശുപത്രി വിട്ടു. കൊവിഡ് സ്ഥിരീകരിച്ച 26 പേർ ഉൾപ്പെടെ 37 പേർ മരണപ്പെട്ടു. ബാക്കി 985 പേർ ആശുപത്രികളിൽ ചികിത്സയിലാണ്.

ജില്ലയിൽ നിലവിൽ നിരീക്ഷണത്തിലുള്ളത് 11612 പേരാണ്. ഇതുവരെ 68458 സാമ്പിളുകൾ പരിശോധനയ്ക്ക് അയച്ചതിൽ 68308 എണ്ണത്തിന്റെ ഫലം വന്നു. 150 എണ്ണത്തിന്റെ ഫലം ലഭിക്കാനുണ്ട്.

123 പേർക്ക് രോഗമുക്തി
അഞ്ചരക്കണ്ടി കൊവിഡ് ട്രീറ്റ്‌മെന്റ് സെന്ററിൽ നിന്ന് 47 പേരും പാലയാട് സി.എഫ്.എൽ.ടി.സിയിൽ നിന്ന് 24 പേരും എം.ഐ.ടി. ഡി.സി.ടി.സിയിൽ നിന്ന് 20 പേരും തലശ്ശേരി ജനറൽ ആശുപത്രിയിൽ നിന്ന് 10 പേരും എൻ.ടി.ടി.എഫ് സി.എഫ്.എൽ.ടി.സിയിൽ നിന്ന് ഒമ്പത് പേരും കണ്ണൂർ ഗവ. മെഡിക്കൽ കോളേജ്, സ്‌പോർട്സ് ഹോസ്റ്റൽ സി.എഫ്.എൽ.ടി.സി എന്നിവിടങ്ങളിൽ നിന്ന് നാല് പേർ വീതവും കണ്ണൂർ ജില്ലാ ആശുപത്രിയിൽ നിന്ന് മൂന്ന് പേരും സെഡ് പ്ലസ് സി.എഫ്.എൽ.ടി.സി, മഞ്ചേരി എം.സി എന്നിവിടങ്ങളിൽ നിന്നും ഒരാൾ വീതവും രോഗമുക്തരായി

രോഗബാധിതർ 3809

രോഗമുക്തർ 2787

ചികിത്സയിൽ 985

നിരീക്ഷണത്തിൽ 11612