കണ്ണൂരിൽ 74 പേർക്ക് കൊവിഡ്

63 പേർക്ക് സമ്പർക്കത്തിലൂടെ

കണ്ണൂർ: ജില്ലയിൽ 74 പേർക്ക് ഇന്നലെ കൊവിഡ് 19 സ്ഥിരീകരിച്ചു. 63 പേർക്ക് സമ്പർക്കം മൂലമാണ് രോഗബാധ. ഒരാൾ വിദേശത്തു നിന്നും ആറു പേർ ഇതര സംസ്ഥാനങ്ങളിൽ നിന്നും എത്തിയവരാണ്. നാല് ആരോഗ്യ പ്രവർത്തകർക്കും രോഗം സ്ഥിരീകരിച്ചു.
ഇതോടെ ജില്ലയിലെ കൊവിഡ് പോസിറ്റീവ് കേസുകൾ 3883 ആയി. ഇവരിൽ ഇന്നലെ രോഗമുക്തി നേടിയ 140 പേരടക്കം 2927 പേർ ആശുപത്രി വിട്ടു. 918 പേർ ആശുപത്രികളിൽ ചികിത്സയിലാണ്.

ജില്ലയിൽ നിലവിൽ നിരീക്ഷണത്തിലുള്ളത് 11810 പേരാണ്. ഇതുവരെ 69705 സാമ്പിളുകൾ പരിശോധനയ്ക്ക് അയച്ചതിൽ 69602 എണ്ണത്തിന്റെ ഫലം വന്നു. 103 എണ്ണത്തിന്റെ ഫലം ലഭിക്കാനുണ്ട്.

140 പേർക്ക് രോഗമുക്തി

അഞ്ചരക്കണ്ടി കൊവിഡ് ട്രീറ്റ്‌മെന്റ് സെന്ററിൽ നിന്ന് 27 പേരും സെഡ് പ്ലസ് സി.എഫ്.എൽ.ടി.സിയിൽ നിന്ന് 25 പേരും സ്‌പോർട്സ് ഹോസ്റ്റൽ സി.എഫ്.എൽ.ടി.സിയിൽ നിന്ന് 21 പേരും പാലയാട് സി.എഫ്.എൽ.ടി.സിയിൽ നിന്ന് 19 പേരും എം.ഐ.ടി ഡി.സി.ടി.സിയിൽ നിന്ന് 13 പേരും കണ്ണൂർ ഗവ. മെഡിക്കൽ കോളേജിൽ നിന്ന് 10 പേരും ആയുർവേദ സി.എഫ്.എൽ.ടി.സിയിൽ നിന്ന് എട്ട് പേരും തലശ്ശേരി ജനറൽ ആശുപത്രിയിൽ ചികിത്സയിലായിരുന്ന അഞ്ചു പേരും കണ്ണൂർ മിംസിൽ ചികിത്സയിലായിരുന്ന നാല് പേരും കോഴിക്കോട് മിംസ്, നെട്ടൂർ സി.എഫ്.എൽ.ടി.സി എന്നിവിടങ്ങളിൽ നിന്ന് രണ്ട് പേർ വീതവും തിരുവനന്തപുരം കിംസ്, ആസ്റ്റർ മിംസ് കോഴിക്കോട്, കോഴിക്കോട് മെഡിക്കൽ കോളേജ്, കണ്ണൂർ ജില്ലാ ആശുപത്രി എന്നിവിടങ്ങളിൽ നിന്നും ഒരാൾ വീതവും രോഗമുക്തി നേടി.

രോഗബാധിതർ 3883

രോഗമുക്തർ 2927

ചികിത്സയിൽ 918