കൊവിഡിനെ തോല്പിച്ച് നടൻ ഡ്വെയ്ൻ ജോൺസണും കുടുംബവും

ന്യൂയോർക്ക് : കൊവിഡ് രോഗമുക്തരായെന്ന് ഹോളിവുഡ് നടൻ ഡ്വെയ്ൻ ജോൺസണും കുടുംബവും. ഡ്വെയ്ൻ, ഭാര്യ ലോറെൻ, മക്കളായ ജാസ്മിൻ (4), ടിയാന (2) എന്നിവർക്കാണ് കൊവിഡ് ബാധിച്ചത്. ഇൻസ്റ്റാഗ്രാം വീഡിയോയിലൂടെയാണ് ഡ്വെയ്ൻ ഇക്കാര്യം വ്യക്തമാക്കിയത്.

പോരാട്ടത്തിനൊടുവിൽ തങ്ങൾ രോ​ഗമുക്തരായെന്നും ഡ്വെയ്ൻ വ്യക്തമാക്കി. അടുത്ത കുടുംബ സുഹൃത്തുക്കളിൽ നിന്നാണ് ഇവർക്ക് രോ​ഗബാധയുണ്ടായതെന്ന് ഡ്വെയ്ൻ പറയുന്നു.

'ജീവിതത്തിലെ ഏറ്റവും മോശപ്പെട്ട സമയങ്ങളിലൂടെയാണ് ഞാനും കുടുംബവും കടന്നുപോയത്. കുട്ടികൾക്ക് കാര്യമായ രോ​ഗലക്ഷണങ്ങൾ ഉണ്ടായിരുന്നില്ലെങ്കിലും എനിക്കും ഭാര്യയ്ക്കും ബുദ്ധിമുട്ടുകൾ അനുഭവിക്കേണ്ടി വന്നു. മാസ്‌ക് ധരിച്ചും സാമൂഹിക അകലം പാലിച്ചും കൊവിഡിനെതിരെ എല്ലാവരും ജാഗ്രതപാലിക്കണം.'- ഡ്വെയ്ൻ പറഞ്ഞു.

തനിക്കെന്നും പ്രാഥമിക പരി​ഗണന കുടുംബത്തിന്റെ സുരക്ഷയാണെന്നും അതിനാൽ തന്നെ മുമ്പ് പലതരം മുറിവുകളും ഒടിവുകളും നേരിടേണ്ടി വന്നിട്ടുണ്ടെങ്കിലും കൊവിഡ് പോസിറ്റീവ് ആയത് വ്യത്യസ്തമായ അനുഭവമാണെന്നും ഡ്വെയ്ൻ പറഞ്ഞു.