എൻട്രൻസ് ഫലം 20ഓടെ

തിരുവനന്തപുരം: എൻജിനീയറിംഗ്, ഫാർമസി പ്രവേശന പരീക്ഷാ ഫലം ഈ മാസം ഇരുപതോടെ പ്രസിദ്ധീകരിക്കും. ജെ.ഇ.ഇ.യുടെ ആദ്യ അലോട്ട്‌മെന്റിനു ശേഷമാകും കേരളത്തിലെ സീ​റ്റ് അലോട്ട്‌മെന്റ് ആരംഭിക്കുക. എൻജിനീയറിംഗ് പ്രവേശനത്തിനുള്ള റാങ്ക് ലിസ്റ്റ് തയ്യാറാക്കുന്നതിന് യോഗ്യതാ പരീക്ഷയുടെ മാർക്ക് 10ന് വൈകിട്ട് 5വരെ ഓൺലൈനായി നൽകാം. കൊവിഡ് പശ്ചാത്തലത്തിൽ ബി.ടെക്. പ്രവേശന തീയതി നീട്ടാൻ അഖിലേന്ത്യാ സാങ്കേതിക വിദ്യാഭ്യാസ കൗൺസിലിൽ നിന്ന് സർക്കാർ അനുമതി നേടിയിട്ടുണ്ട്.