SignIn
Kerala Kaumudi Online
Saturday, 27 February 2021 9.52 PM IST

മുസ്ലീം ലീഗിൽ അധികാരത്താക്കോൽ വീണ്ടും കുഞ്ഞാലിക്കുട്ടിയിലേക്ക്

p-k-kunhalikutty

തിരുവനന്തപുരം: നിയമസഭാ തിരഞ്ഞെടുപ്പിന് ഇനി കഷ്ടിച്ച് 8 മാസത്തെ ഇടവേള മാത്രം ശേഷിക്കെ, മുസ്ലീം ലീഗിന്റെ കടിഞ്ഞാൺ വീണ്ടും പി.കെ. കുഞ്ഞാലിക്കുട്ടിയുടെ കൈകളിലെത്തുന്നത് യു.ഡി.എഫിൽ ഉളവാക്കുന്ന രാഷ്ട്രീയമാനങ്ങളേറെ.

തിരഞ്ഞെടുപ്പുകളുടെ ചുമതല നൽകിയാണ് കുഞ്ഞാലിക്കുട്ടിയെ ലീഗ് നേതൃത്വം വീണ്ടും സംസ്ഥാന രാഷ്ട്രീയത്തിലേക്ക് തിരിച്ചെത്തിക്കുന്നത്.കഴിഞ്ഞ ലോക്‌സഭാ തിരഞ്ഞെടുപ്പിൽ യു.പി.എയുടെ തിരിച്ചുവരവ് പ്രതീക്ഷിച്ചും , ലീഗിന് ദേശീയരാഷ്ട്രീയത്തിൽ നിർണായക റോൾ സ്ഥാപിച്ചെടുക്കാനുമാണ് തന്ത്രശാലിയായ കുഞ്ഞാലിക്കുട്ടിയെ പാർലമെന്റിലെത്തിച്ചത്.. എന്നാൽ,മോദിസർക്കാരിന്റെ തുടർഭരണത്തോടെ ദേശീയതലത്തിൽ തൽക്കാലം റോളില്ലാത്ത അവസ്ഥയിലാണ് കുഞ്ഞാലിക്കുട്ടിയുടെ മടക്കം.

കുഞ്ഞാലിക്കുട്ടിയുടെ അഭാവത്തിൽ യു.ഡി.എഫ് നിയമസഭാകക്ഷിയിൽ മുസ്ലീംലീഗിന് ഗൗരവം കുറഞ്ഞുപോയോയെന്ന സന്ദേഹം ഏറെ നാളുകളായി ലീഗ് നേതൃത്വത്തിനുണ്ട്. പരിണിതപ്രജ്ഞരായ മുതിർന്ന നേതാക്കളുടെ അഭാവം പാർട്ടി നിയമസഭാകക്ഷിയിലുമുണ്ട്. പ്രതിപക്ഷ ഉപനേതാവ് ഡോ.എം.കെ. മുനീറിൽ സമ്പൂർണ്ണവിശ്വാസം നേതൃനിരയിലില്ല. വരുന്ന നിയമസഭാ തിരഞ്ഞെടുപ്പിൽ യു.ഡി.എഫിന് തിരിച്ചുവരവ് പ്രതീക്ഷയുണ്ടായിരിക്കെ, രാഷ്ട്രീയ തന്ത്രജ്ഞനായ കുഞ്ഞാലിക്കുട്ടിയുടെ സാന്നിദ്ധ്യം ഇവിടെ അനിവാര്യമാണെന്ന് നേതൃത്വം കാണുന്നു.

യു.ഡി.എഫിലും പലപ്പോഴും കിങ്മേക്കറുടെ റോളിലാണിപ്പോൾ കുഞ്ഞാലിക്കുട്ടി. കെ.എം. മാണിയുടെ നിര്യാണത്തോടെ, യു.ഡി.എഫിലെ തലയെടുപ്പുള്ള നേതൃനിരയിലിപ്പോൾ പറയാവുന്ന പേര് കുഞ്ഞാലിക്കുട്ടിയുടേതാണ്. മാണിയുടെ വേർപാടിന് ശേഷം പൊട്ടിപ്പുറപ്പെട്ട കേരള കോൺഗ്രസ് തർക്കത്തിലും കോൺഗ്രസ് നേതൃത്വം മദ്ധ്യസ്ഥ റോളിനായി ക്ഷണിച്ചുവരുത്തുന്നത് കുഞ്ഞാലിക്കുട്ടിയോടാണ്.ജോസ് കെ.മാണിയെ പുറത്താക്കുന്നതായി മുന്നണി കൺവീനർ ബെന്നി ബെഹനാൻ പ്രഖ്യാപിച്ചത് എടുത്തുചാട്ടമായിപ്പോയെന്ന വികാരം കോൺഗ്രസിലും മുന്നണിയിലും ശക്തമായിരുന്നു. ഇക്കാര്യത്തിൽ നേതൃത്വത്തിന് ജാഗ്രതക്കുറവുണ്ടായെന്ന് വിശ്വസിക്കുന്നവരാണ് പലരും. കേരള കോൺഗ്രസ്-എമ്മിൽ തിരഞ്ഞെടുപ്പ് കമ്മിഷന്റെ വിധി ജോസ് കെ.മാണിക്ക് അനുകൂലമായതോടെ, അവരെ പിണക്കിയത് യു.ഡി.എഫിന് തിരിച്ചടിയുമായി. ഈ സംഭവവികാസങ്ങളിൽ ലീഗ് നേതൃത്വം തൃപ്തരല്ലെന്നാണ് വിവരം. ഭരണത്തിൽ യു.ഡി.എഫിന്റെ തിരിച്ചുവരവുണ്ടാകുന്ന പക്ഷം, ഉരുണ്ടുകൂടാനിടയുള്ള തർക്കങ്ങളിലെല്ലാം മദ്ധ്യസ്ഥനായി കുഞ്ഞാലിക്കുട്ടി ഇവിടെയുണ്ടാവണമെന്ന് എല്ലാവരും തിരിച്ചറിയുന്നു.

2005ൽ ഐസ്ക്രിം പാർലർ കേസ് വിവാദം സൃഷ്ടിച്ച തിരിച്ചടിയിൽ ഏറെക്കുറെ പിൻവാങ്ങേണ്ടി വന്ന നേതാവാണ് കുഞ്ഞാലിക്കുട്ടി. തൊട്ടടുത്ത വർഷം കുറ്റിപ്പുറത്ത് കുഞ്ഞാലിക്കുട്ടിയെ തോല്പിച്ചാണ് ലീഗ് വിമതൻ കെ.ടി. ജലീൽ സി.പി.എം സ്വതന്ത്രനായി ജയിച്ചുകയറിയത്. 2006ലെ തിരഞ്ഞെടുപ്പിൽ ലീഗിനും ഏറ്റുവാങ്ങേണ്ടി വന്നത് കനത്ത തിരിച്ചടി. 2011ൽ വേങ്ങര മണ്ഡലത്തിലേക്ക് മാറിയ കുഞ്ഞാലിക്കുട്ടിയുടേതും ലീഗിന്റേതും ഗംഭീര തിരിച്ചുവരവായിരുന്നു. ഉമ്മൻ ചാണ്ടി സർക്കാരിൽ വ്യവസായവകുപ്പ് മന്ത്രിയായ കുഞ്ഞാലിക്കുട്ടി, വിവാദങ്ങളിൽ നിന്ന് പൂർണ്ണമായും ഒഴിഞ്ഞുനിന്നു. 2016ലും തുടക്കത്തിൽ പ്രതിപക്ഷ ഉപനേതാവായിരുന്ന കുഞ്ഞാലിക്കുട്ടി ,ഇ. അഹമ്മദ് അന്തരിച്ച ഒഴിവിൽ പാർലമെന്റിലേക്ക് മത്സരിച്ച് ദേശീയരാഷ്ട്രീയത്തിലേക്ക് പോവുകയായിരുന്നു.

 കു​‍​ഞ്ഞാ​ലി​ക്കു​ട്ടി​ ​വീ​ണ്ടും സം​സ്ഥാ​ന​ ​രാ​ഷ്ട്രീ​യ​ത്തി​ലേ​ക്ക്

മ​ല​പ്പു​റം​:​ ​മു​സ്‌​ലീം​ ​ലീ​ഗ് ​അ​ഖി​ലേ​ന്ത്യാ​ ​ജ​ന​റ​ൽ​ ​സെ​ക്ര​ട്ട​റി​യും​ ​മ​ല​പ്പു​റം​ ​എം.​പി​യു​മാ​യ​ ​പി.​കെ.​കു​ഞ്ഞാ​ലി​ക്കു​ട്ടി​ ​വീ​ണ്ടും​ ​സം​സ്ഥാ​ന​ ​രാ​ഷ്ട്രീ​യ​ത്തി​ലേ​ക്ക്.​ ​കേ​ര​ള​ത്തി​ലെ​ ​തി​ര​ഞ്ഞെ​ടു​പ്പു​ക​ളു​ടെ​ ​ചു​മ​ത​ല​ ​കു​ഞ്ഞാ​ലി​ക്കു​ട്ടി​യെ​യും,​ ​ദേ​ശീ​യ​ത​ല​ത്തി​ലേ​ത് ​ഓ​ർ​ഗ​നൈ​സിം​ഗ് ​സെ​ക്ര​ട്ട​റി​ ​ഇ.​ടി.​മു​ഹ​മ്മ​ദ് ​ബ​ഷീ​ർ​ ​എം.​പി​യെ​യും​ ​ഇ​ന്ന​ലെ​ ​പാ​ണ​ക്കാ​ട്ട് ​ചേ​ർ​ന്ന​ ​ലീ​ഗ് ​ഉ​ന്ന​താ​ധി​കാ​ര​ ​സ​മി​തി​ ​യോ​ഗം​ ​ഏ​ൽ​പ്പി​ച്ചു.​ ​പാ​ർ​ട്ടി​ക്കു​ള്ളി​ലെ​ ​അ​തൃ​പ്തി​യു​ടെ​ ​പ​ശ്ചാ​ത്ത​ല​ത്തി​ൽ,​ ​നി​യ​മ​സ​ഭ​ ​തി​ര​ഞ്ഞെ​ടു​പ്പി​ൽ​ ​കു​ഞ്ഞാ​ലി​ക്കു​ട്ടി​ ​മ​ത്സ​രി​ക്കു​ന്ന​തി​പ്പോ​ൾ​ ​ച​ർ​ച്ച​യാ​ക്കേ​ണ്ടെ​ന്ന​ ​തീ​രു​മാ​ന​ത്തി​ലാ​ണ് ​നേ​തൃ​ത്വം.
ഇ.​അ​ഹ​മ്മ​ദ് ​എം.​പി​യു​ടെ​ ​നി​ര്യാ​ണ​ത്തെ​ ​തു​ട​ർ​ന്ന് 2017​ ​ഏ​പ്രി​ലി​ലെ​ ​ഉ​പ​തി​ര​ഞ്ഞെ​ടു​പ്പി​ലാ​ണ് ​കു​ഞ്ഞാ​ലി​ക്കു​ട്ടി​ ​മ​ല​പ്പു​റ​ത്ത് ​മ​ത്സ​രി​ച്ച് ​ലോ​ക്‌​സ​ഭ​യി​ലെ​ത്തി​യ​ത്.​ ​പി​ന്നാ​ലെ​ ​ന​ട​ന്ന​ ​തി​ര​ഞ്ഞെ​ടു​പ്പി​ലും​ ​വ​ലി​യ​ ​ഭൂ​രി​പ​ക്ഷ​ത്തോ​ടെ​ ​വി​ജ​യി​ച്ചു.​ ​ദേ​ശീ​യ​ ​രാ​ഷ്ട്രീ​യ​ത്തി​ൽ​ ​യു.​പി.​എ​ ​അ​ധി​കാ​ര​ത്തി​ലെ​ത്തി​യാ​ൽ​ ​കേ​ന്ദ്ര​മ​ന്ത്രി​ ​പ​ദ​വി​ ​ല​ക്ഷ്യ​മി​ട്ടാ​യി​രു​ന്നു​ ​ഈ​ ​നി​ക്കം.​ ​എ​ൻ.​ഡി.​എ​ ​അ​ധി​കാ​രം​ ​നി​ല​നി​റു​ത്തു​ക​യും,​ ​കോ​ൺ​ഗ്ര​സ് ​ദു​ർ​ബ​ല​മാ​വു​ക​യും​ ​ചെ​യ്ത​തോ​ടെ​ ​സം​സ്ഥാ​ന​ ​രാ​ഷ്ട്രീ​യ​ത്തി​ലേ​ക്ക് ​മ​ട​ങ്ങാ​നു​ള്ള​ ​താ​ത്പ​ര്യം​ ​കു​ഞ്ഞാ​ലി​ക്കു​ട്ടി​ ​പ്ര​ക​ടി​പ്പി​ച്ചി​രു​ന്നെ​ങ്കി​ലും​ ​പാ​ർ​ട്ടി​യി​ൽ​ ​നി​ന്ന് ​പി​ന്തു​ണ​ ​കി​ട്ടി​യി​രു​ന്നി​ല്ല.​ ​പൗ​ര​ത്വ​ ​ഭേ​ദ​ഗ​തി,​ ​മു​ത്ത​ലാ​ഖ് ​ബി​ല്ലു​ക​ളി​ലെ​ ​കു​ഞ്ഞാ​ലി​ക്കു​ട്ടി​യു​ടെ​ ​പ്ര​ക​ട​നം​ ​പ്ര​തീ​ക്ഷ​യ്ക്ക​നു​സ​രി​ച്ച് ​ഉ​യ​ർ​ന്നി​ല്ലെ​ന്ന​ ​വി​മ​ർ​ശ​ന​വു​മു​യ​ർ​ന്നു.​ ​മു​ത്ത​ലാ​ഖ് ​ബി​ല്ലി​ലെ​ ​ച​ർ​ച്ച​യി​ൽ​ ​പ​ങ്കെ​ടു​ക്കാ​തെ​ ​വി​വാ​ഹ​ ​സ​ൽ​ക്കാ​ര​ത്തി​നെ​ത്തി​യ​യെ​ന്ന​ ​വി​വാ​ദം​ ​ക​ത്തി​യ​തോ​ടെ​ ,​ ​നേ​തൃ​ത്വ​ത്തി​ന്റെ​ ​പ​ര​സ്യ​ ​ശാ​സ​ന​യ്ക്കും​ ​വി​ധേ​യ​നാ​യി​രു​ന്നു..
ക​ഴി​ഞ്ഞ​ ​കാ​ല​ങ്ങ​ളി​ൽ​ ​കു​ഞ്ഞാ​ലി​ക്കു​ട്ടി​ക്ക് ​തി​ര​ഞ്ഞെ​ടു​പ്പി​ന്റെ​ ​ചു​മ​ത​ല​ ​ന​ൽ​കി​യ​പ്പോ​ൾ​ ​വി​ജ​യം​ ​നേ​ടാ​ൻ​ ​പാ​ർ​ട്ടി​ക്കും​ ​മു​ന്ന​ണി​ക്കും​ ​ക​ഴി​ഞ്ഞി​ട്ടു​ണ്ടെ​ന്ന് ​യോ​ഗ​ ​ശേ​ഷം​ ​പാ​ണ​ക്കാ​ട് ​ഹൈ​ദ​ര​ലി​ ​ശി​ഹാ​ബ് ​ത​ങ്ങ​ൾ​ ​വാ​ർ​ത്താ​ലേ​ഖ​ക​രോ​ട് ​പ​റ​ഞ്ഞു.​ ​വ​രാ​ൻ​ ​പോ​കു​ന്ന​ത് ​തി​ര​ഞ്ഞെ​ടു​പ്പു​ക​ളു​ടെ​ ​ഘോ​ഷ​യാ​ത്ര​യാ​ണെ​ന്നും,​ ​വ​ലി​യ​ ​വെ​ല്ലു​വി​ളാ​യാ​ണ് ​നേ​രി​ടാ​നു​ള്ള​തെ​ന്നും​ ​കു​ഞ്ഞാ​ലി​ക്കു​ട്ടി​യും​ ​പ​റ​ഞ്ഞു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: P K KUNHALIKUTTY
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.