SignIn
Kerala Kaumudi Online
Saturday, 27 February 2021 5.43 PM IST

ചെറ്റപ്പാലം -വള്ളിയൂർക്കാവ് റോഡ് തകർന്നു; മൂന്നാം വർഷവും കുഴിയടച്ച് നാട്ടുകാർ

road
ചെറ്റപ്പാലം -വള്ളിയൂർക്കാവ് ബൈപാസ് റോഡിലെ കുഴികൾ അടയ്ക്കുന്ന നാട്ടുകാർ

മാനന്തവാടി: ചെറ്റപ്പാലം -വള്ളിയൂർക്കാവ് ബൈപാസ് റോഡിലെ കുഴികൾ യാത്രക്കാരുടെ നടുവൊടിക്കുന്നു. റോഡിലെ വലിയ ഗർത്തങ്ങൾ കാൽനടയാത്രക്കാർക്കു പോലും ഭീഷണിയായിട്ടുണ്ട്. കുഴികളിൽ മഴവെള്ളം കെട്ടികിടക്കുന്നതിനാൽ വാഹനങ്ങൾ കടന്ന് പോകുമ്പോൾ കാൽനടയാത്രക്കാരുടെ ദേഹത്തേക്ക് ചെളിവെള്ളം തെറിക്കുന്നത് പതിവായിട്ടുണ്ട്. ഇരുചക്രവാഹനങ്ങൾ കുഴികളിൽ വീണ് അപകടങ്ങളുണ്ടാവുന്നത് നിത്യകാഴ്ചയായി. വാഹനങ്ങൾ കുഴികളിൽ വീണ് കേടാവുന്നത് കാഴ്ചയല്ലാതായി. നിരവധി തവണ അധികൃതരുടെ ശ്രദ്ധയിൽപ്പെടുത്തിയിട്ടും നടപടിയുണ്ടാകാത്തതിനെ തുടർന്ന് മൂന്നാം വർഷവും കുഴിയടക്കാൻ നാട്ടുകാർ രംഗത്തെത്തിയിരിക്കുകയാണ്. ദിവസവും നൂറുകണക്കിന് വാഹനങ്ങൾ കടന്ന് പോകുന്ന ബൈപ്പാസ് റോഡാണ്. കർണ്ണാടകയിൽ നിന്ന് വരുന്ന വാഹനങ്ങൾ നഗരത്തിൽ പ്രവേശിക്കാതെ കോഴിക്കോട് ഭാഗത്തേക്ക് പോകുന്നത് ഈ ബൈപാസിലൂടെയാണ്. നഗരത്തിൽ ഗതാഗതക്കുരുക്ക് അനുഭവപ്പെടുമ്പോൾ വാഹനങ്ങളെ ഇതുവഴിയാണ് വഴിതിരിച്ച് വിടുന്നത്. മൂന്നാം വർഷവും പ്രശ്‌ന പരിഹാരമുണ്ടാകാത്തതിനെ തുടർന്നാണ് കരാറുകാരനായ മൊയ്തീൻകുട്ടി എന്ന കൊച്ചുവാണ് സിമന്റ് കട്ടകൾ നൽകിയും സൗജന്യമായി ജെ.സി.ബി ഉൾപ്പെടെയുള്ള വാഹനങ്ങൾ വിട്ട് നൽകിയും കുഴികൾ താത്ക്കാലികമായി അടച്ചത്. നഗരസഭ കൗൺസിലർ ഷീജ ഫ്രാൻസിസ്, നൗഷാദ്, ഷബീർ, ജോർജ്ജ്, ഷെമീമ, ലത്തീഫ് എന്നിവർ നേതൃത്വം നൽകി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, KOZHIKODE
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.