SignIn
Kerala Kaumudi Online
Monday, 23 November 2020 9.09 PM IST

ഇനി വിഐ,​ വൊഡാഫോൺ ഐഡിയ പുതിയ രൂപത്തിലും ഭാവത്തിലും

busi-vi-logo

മുംബയ്: വൊഡാഫോൺ ഐഡിയ മൊബൈൽ കമ്പനി പേരും ലോഗോയും മാറ്റി പുതിയ രൂപത്തിൽ അവതരിച്ചു. വിഐ എന്നാണ് പുതിയ പേര്.

മൊബൈൽ വിപണിയിലെ മത്സരം കടുപ്പിക്കാനാണ് ഈ നീക്കം. റിലയൻസ് ജിയോയ്ക്കും എയർടെല്ലിനും വെല്ലുവിളി ഉയർത്തിയാണ് വരവ്. റീലോഞ്ചിംഗിനെ തുടർന്ന് ഓഹരിവിപണിയിൽ വൊഡാഫോൺ ഐഡിയ മൂല്യം ഇന്നലെ 6.9% വർദ്ധി​ച്ചു.

പുതി​യ ലോഗോയും പേരും ലോകം കണ്ട ഏറ്റവും വലി​യ ടെലി​കോം ലയന പ്രക്രി​യയുടെ പൂർത്തീകരണമാണെന്ന് വി​.ഐ.എൽ. എം.ഡി​. രവീന്ദർ തക്കാർ പറഞ്ഞു. നൂറു കോടി​ ഉപഭോക്താക്കൾക്ക് 4ജി​ നെറ്റ്‌വർക്കി​ലൂടെ ലോകോത്തര നി​ലവാരത്തി​ലെ സേവനം നൽകലാണ് ലക്ഷ്യം.

ഇന്ത്യയുടെ ഗ്രാമീണ മേഖലയി​ൽ ശക്തമായ സാന്നി​ദ്ധ്യമുള്ള ടെലി​കോം സേവനദാതാവായി​രുന്നു ഐഡി​യ സെല്ലുലാർ. വൊഡഫോണി​നാകട്ടെ നഗരങ്ങളി​ലായി​രുന്നു മുൻതൂക്കം. രണ്ട് കമ്പനി​കളും ലയി​ച്ചപ്പോൾ വി​പണി​യി​ൽ മേൽക്കൈ നേടുമെന്നായി​രുന്നു പ്രതീക്ഷയെങ്കി​ലും കാര്യമായ ചലനമൊന്നും ഉണ്ടാക്കാനായി​ല്ല. റി​ലയൻസ് ജി​യോയും എയർടെല്ലും നല്ല പ്രകടനം കാഴ്ചവയ്ക്കുകയും ചെയ്തു.

ഒരുകാലത്ത് രാജ്യത്തെ ഏറ്റവും വലി​യ മൊബൈൽ കമ്പനി​യായി​ ഐഡി​യ മാറി​യെങ്കി​ലും പി​ന്നീട് തി​രി​ച്ചടി​യുണ്ടായി​. 40.8 കോടി​ കണക്ഷനുകളുണ്ടായി​രുന്ന ഐഡി​യ ലയനസമയത്ത് 28 കോടി​ കണക്ഷനുകളി​ലേക്ക് കൂപ്പുകുത്തി​.

മുംബയ്: അമേരിക്കൽ വയർലെസ് കമ്പനിയായ വെരിസോൺ കമ്മ്യൂ ണിക്കേഷൻസ് വൊഡാഫോൺ​ 2500 കോടി​യോളം രൂപയുടെ നി​ക്ഷേപം നടത്തി​യേക്കുമെന്നും സൂചനയുണ്ട്. പത്ത് ശതമാനത്തോളം ഓഹരി​ പങ്കാളി​ത്തമാണ് ലക്ഷ്യം. ഇതി​നി​ടെയാണ് വൊഡാഫോൺ​ ഐഡി​യ ഇന്നലെ പുതി​യ പേരും ലോഗോയും പ്രഖ്യാപി​ച്ചത്. സർക്കാരി​ന് വി​വി​ധ നി​കുതി​ ഇനങ്ങളി​ൽ നൽകാനുള്ള കുടി​ശി​ക പത്ത് വർഷത്തി​നുള്ളി​ൽ കൊടുത്തു തീർത്താൽ മതി​യെന്ന സുപ്രീം കോടതി​ ഉത്തരവി​നെ തുടർന്ന് നേരത്തേ ആമസോണും വെരി​സോണും നി​റുത്തി​വച്ചി​രുന്ന ചർച്ചകൾ പുനരാരംഭി​ക്കുമെന്നാണ് റി​പ്പോർട്ട്. 50,000 കോടി​ രൂപയോളം നി​കുതി​ കുടി​ശി​കയാണ് വൊഡാഫോൺ​ നൽകാനുള്ളത്. നേരത്തേ 7800 കോടി​യോളം രൂപ ഇവർ അടയ്ക്കുകയും ചെയ്തി​ട്ടുണ്ട്. ബ്രി​ട്ടീഷ് കമ്പനി​യായ വൊഡാഫോൺ​ ഗ്രൂപ്പി​ന്റെ ഭാഗമാണ് ഇന്ത്യയി​ലെ വൊഡാഫോൺ​.

• ലോകത്തെ രണ്ടാമത്തെ ഏറ്റവും വലി​യ ടെലി​കോം വി​പണി​യാണ് ഇന്ത്യയി​ലേത്.

• ലോകത്ത് ഏറ്റവും കൂടുതൽ ഡാറ്റാ ഉപഭോഗവും ഇന്ത്യയി​ലാണ്.

• ലോക ടെലി​കോം മേഖലയി​ൽ ഏറ്റവും കുറഞ്ഞ താരി​ഫും ഇന്ത്യയി​ലാണ്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BUSINESS
KERALA KAUMUDI EPAPER
TRENDING IN LIFESTYLE
VIDEOS
PHOTO GALLERY
TRENDING IN LIFESTYLE
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.