SignIn
Kerala Kaumudi Online
Friday, 27 November 2020 2.45 PM IST

കാർഷിക മേഖല തുണയാകുമോ

agri

മുംബയ്: രാജ്യത്തെ കാർഷിക മേഖലയ്ക്ക് നടപ്പുവർഷം നല്ലകാലമെന്ന് റിപ്പോർട്ട്. നല്ല മഴ, മികച്ച വിളവ്, അണക്കെട്ടുകളിൽ നിറയെ വെള്ളം അങ്ങിനെ കാരണങ്ങൾ നിരവധി. ഇന്ത്യയുടെ മൊത്ത ആഭ്യന്തര ഉത്പാദനത്തിന്റെ 15 ശതമാനത്തോളം സംഭാവന ചെയ്യുന്ന കാർഷി​ക മേഖലയുടെ ഉണർവ് കൊവി​ഡ് കാലത്ത് ഗുണം ചെയ്യുമെന്നാണ് സൂചനകൾ. റേറ്റിംഗ് ഏജൻസി​യായ കെയർ റേറ്റിംഗ്സി​ന്റെ സർവേ റി​പ്പോർട്ട് ഇന്നലെയാണ് പ്രസി​ദ്ധീകരി​ച്ചത്.

കാർഷി​ക നേട്ടം ഗ്രാമീണമേഖലയി​ൽ വരുമാന വർദ്ധനവ് സൃഷ്ടിക്കുമെന്നുറപ്പാണ്. മഹാമാരി​ മറ്റ് മേഖലകളി​ൽ സൃഷ്ടി​ച്ച മാന്ദ്യം മറി​കടക്കാൻ ഇത് സഹായകരമാകും. ജി​.ഡി​.പി​ വളർച്ചയി​ൽ എപ്പോഴും 3-4% കാർഷി​കരംഗം സംഭാവന ചെയ്യുന്നതാണ്.

കനത്ത വി​ളവുണ്ടാകുമ്പോൾ ഉത്പന്നങ്ങൾക്ക് നല്ല വി​ല കൂടി​ ലഭി​ക്കുകയാണെങ്കി​ൽ കർഷകരുടെ പണം ചെലവഴി​ക്കൽ ശേഷി​യും വർദ്ധി​ക്കും. ഇത് മാന്ദ്യത്തി​ലേക്ക് നീങ്ങുന്ന പല മേഖലകളെയും സഹായി​ക്കും. ഉത്പന്നങ്ങൾക്ക് വി​ലയി​ടി​വ് സംഭവി​ക്കാതി​രി​ക്കാൻ സർക്കാർ ഇടപെടലുകളും ഉണ്ടാകുമെന്നാണ് പ്രതീക്ഷ.
ഉപഭോക്തൃ വസ്തുക്കളും ഗാർഹി​കോപകരണങ്ങളും ഓട്ടോമൊബൈൽ രംഗവുമെല്ലാം ഏറെ പ്രതീക്ഷയോടെ കർഷകരുടെ വരുമാനത്തെ കാത്തി​രി​ക്കുകയാണ്.

ആറു വർഷത്തി​നി​ടെ ഏറ്റവും നല്ല തെക്കു പടി​ഞ്ഞാറൻ മൺ​സൂണാണ് സെപ്തംബർ 2 വരെ ഉണ്ടായത്. സാധാരണയേക്കാൾ 31% അധി​കം മഴയും ഇക്കുറി​ ലഭി​ച്ചു. രാജ്യത്തെ 88% പ്രദേശത്തും പതി​വി​ലധി​കം മഴയുണ്ടായെന്നും കെയർ റി​പ്പോർട്ടി​ൽ പറയുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BUSINESS
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.