SignIn
Kerala Kaumudi Online
Monday, 23 November 2020 9.46 PM IST

ജോക്കോ അയോഗ്യൻ

djokko

ദേഷ്യത്തിൽ അടിച്ച പന്ത് കൊണ്ട് വനിതാ ലൈൻ ജഡ്‌ജ് നിലത്ത് വീണു

ന്യൂയോർക്ക്: യു.എസ് ഓപ്പൺ ഗ്രാൻഡ് സ്ലാം ടെന്നിസ് ടൂർണമെന്റിൽ നിന്ന് ലോക ഒന്നാം നമ്പർ താരം നൊവക്ക് ജോക്കോവിച്ച് നാടകീയമായി പുറത്തായി. പാബ്ലോ കാരാനോ ബുസ്റ്റയ്ക്കെതിരെയുള്ള പ്രീക്വാർട്ടർ മത്സരത്തിനിടെ ഒരു പോയിന്റിന് പിന്നിൽ നിൽക്കവെ ദേഷ്യത്തിൽ പുറത്തേക്കടിച്ച പന്ത് വനിതാ ലൈൻ ജഡ്ജിയുടെ കഴുത്തിൽ കൊണ്ടതിനെത്തുടർന്നാണ് ജോക്കോവിച്ചിനെ അയോഗ്യനാക്കിയത്. സ്പാനിഷ് താരത്തോട് ഒന്നാം സെറ്റിൽ 5-6ന് പിന്നിൽ നിൽക്കുകയായിരുന്നു ജോക്കോവിച്ച് അപ്പോൾ. ജോക്കോവിച്ച് അടിച്ച പന്ത് കൊണ്ട് നിലത്ത് വീണ ജഡ്ജ് വേദനകൊണ്ട് നിലവിളിക്കുകയും ചെയ്തു. പെട്ടെന്ന് തന്നെ ജോക്കോവിച്ച് അടുത്തെത്തി ജഡ്ജിനെ ആശ്വസിപ്പിക്കുകയും ക്ഷമപറയുകയും ചെയ്തു. തുടർന്ന് പത്ത് മിനിട്ടോളം ടൂർണമെന്റ് റഫറി ലൈൻ ജഡ്ജുമായി ചർച്ച നടത്തുകയും പാബ്ലോ ബുസ്റ്റ വിജയിച്ചതായി പ്രഖ്യാപിക്കുകയുമായിരുന്നു. ഗ്രാൻഡ് സ്ലാം നിയമപ്രകാരം കോർട്ടിൽ വച്ച് എതിർ കളിക്കാരനോ റഫറിക്കോ കാണികൾക്കോ മറ്റാർക്കെങ്കിലും എതിരെയോ അപകടകരമായും അലക്ഷ്യമായും പന്തടിച്ചാൽ ആ കളിക്കാരൻ അയോഗ്യനാക്കപ്പെടും.

മനപൂർവ്വമല്ല താൻ പന്തടിച്ചതെന്നും ജഡ്ജിയുടെ ദേഹത്ത് അബദ്ദത്തിൽ കൊണ്ടതാണെന്നും റഫറിമാരെയും കോർഡിനേറ്ററെയും ബോദ്ധ്യപ്പെടുത്താൻ ജോക്കോ പലതവണ ശ്രമിച്ചെങ്കിലും ടൂർണമെന്റിന്റെ നിയമമനുസരിച്ചേ തങ്ങൾക്ക് നിലപാടെടുക്കാനാവൂ എന്ന് അവർ വ്യക്തമാക്കുകയായിരുന്നു. ഗ്രാൻഡ്‌സ്ലാം ചീഫ് സൂപ്പർവൈസറുടേയും മറ്റും നിലപാടും റഫറി തേടി.

അയോഗ്യനാക്കപ്പെട്ടെന്ന അറിയിപ്പ് വന്നതോടെ പാബ്ലോ ബുസ്റ്രയ്ക്ക് കൈ കൊടുത്ത് റഫറിയ്ക്ക് ഷേക്ക്ഹാൻഡ് നൽകാതെ ജോക്കോവിച്ച് പുറത്തേക്ക് പോവുകയായിരുന്നു. മാദ്ധ്യ പ്രവർത്തകരോടും സംസാരിക്കാതെ താരം നേരെ തന്റെ കാറിൽ കയറി ഹോട്ടൽ റൂമിലേക്ക് പോയി. അധികം വൈകാതെ തന്റെ ഇൻസ്റ്രഗ്രാം അക്കൗണ്ടിലൂടെ ജോക്കോവിച്ച് ക്ഷമാപണം നടത്തി. ജോക്കോവിച്ച് പുറത്തായതോടെ ഇത്തവണ യു.എസ് ഓപ്പൺ പുരുഷ സിംഗിൾസ് കിരീടം ഇതുവരെ നേടിയിട്ടില്ലാത്ത ഒരാൾ സ്വന്തമാക്കുമെന്ന കാര്യം ഉറപ്പായി.

പ്രൈസ്‌ മണി നഷ്ടം

ഇത്തവണത്തെ യു.എസ് ഓപ്പണിൽ നിന്ന് നേടിയ റാങ്കിംഗ് പോയിന്റുകളും പ്രൈസ് മണിയും ജോക്കോയ്ക്ക് നഷ്ടമാകുമെന്ന് ടൂർണമെന്റ് കമ്മിറ്രി പുറത്തിറക്കിയ പത്രക്കുറിപ്പിൽ വ്യക്തമാക്കി. 1990ൽ ആസ്ട്രേലിയൻ ഓപ്പണിനിടെ ജോൺ മക്കെൻ റോയും 1995ൽ വിംബിൾഡണിൽ ജെറമി ബേറ്റ്‌സിനൊപ്പം കളിക്കുകയായിരുന്ന ടിം ഹെൻമാനും കോർട്ടിലെ മാന്യതയില്ലാത്ത പെരുമാറ്റത്തിന്റെ പേരിൽ നടപടി നേരിട്ടുണ്ട്.

ഒരു നിമിഷത്തെ പിഴ

പ​തി​നെ​ട്ടാം​ ​ഗ്രാ​ൻ​ഡ് ​സ്ലാം​ ​കി​രീ​ടം​ ​ല​ക്ഷ്യ​മി​ട്ടെ​ത്തി​യ​ ​മൂന്ന് തവണ​ ​യു.​എ​സ് ​ഓ​പ്പ​ൺ​ ​നേടിയിട്ടുള്ള​ ​ജോ​ക്കോ​വി​ച്ചി​ന് ​ഫെ​ഡ​റ​റു​ടേ​യും​ ​ന​ദാ​ലി​ന്റെ​യും​ ​അ​ഭാ​വ​ത്തി​ൽ​ ​ഇ​ത്ത​വ​ണ​ ​ചാ​മ്പ്യ​ൻ​പ​ട്ടം​ ​എ​ളു​പ്പം​ ​സ്വ​ന്ത​മാ​ക്കാ​നാ​കു​മെ​ന്നാ​യി​രു​ന്നു​ ​വി​ല​യി​രു​ത്ത​ൽ​. ​എ​ന്നാ​ൽ​ ​ഒ​രു​ ​നി​മി​ഷ​ത്തെ​ ​അ​ശ്ര​ദ്ധ​ ​എ​ല്ലാ​ ​ത​ക​ർ​ക്കു​ക​യാ​യി​രു​ന്നു.

കൊവിഡ് വിവാദം
ജോക്കോവിച്ച് കഴിഞ്ഞയിടെ കൊവിഡ് നിർദ്ദേശങ്ങൾ ലംഘിച്ച് പ്രദർശന ടെന്നിസ് മത്സരം സംഘടിപ്പിച്ചത് വിവാദമായിരുന്നു. ടൂർണമെന്റിൽ പങ്കെടുത്ത ജോക്കോവിച്ച് ഉൾപ്പെടെ കൊവിഡ് ബാധിതരാവുകയും ചെയ്തു.

ബാഡ് ബോയ്

നേരത്തേയും ജോക്കോവിച്ച് നിയന്ത്രണം വിട്ട് കുഴപ്പങ്ങൾ ഉണ്ടാക്കിയിട്ടുണ്ട്. 2016ലെ ഫ്രഞ്ച് ഓപ്പണിൽ തോമസ് ബർഡിച്ചുമായുള്ള മത്സരത്തിനിടെ ദേഷ്യം നിയന്ത്രിക്കാനാകാതെ ജോക്കോ വലിച്ചെറിഞ്ഞ റാക്കറ്റ് ലൈൻ ജഡ്‌ജിന്റെ തൊട്ടരികിലൂടെയാണ് പോയ്ത്. ആ വർഷം തന്നെ ഡൊമനിക്ക് തീമിനെതിരായ എ.ടി.പി ഫൈനൽസിനിടെ ജോക്കോവിച്ച് അടിച്ച പന്ത് ഗാലറിയിൽ മുൻനിരയിലുണ്ടായിരുന്ന സ്റ്രാഫിന്റെ മുഖത്താണ് കൊണ്ടത്.

ആ​ ​ സം​ഭ​വത്തിന്റെ​ ​പേ​രി​ൽ​ ​വ​ലി​യ​ ​ദു​:​ഖ​വും​ ​ശൂ​ന്യ​ത​യും​ ​അ​നു​ഭ​വ​പ്പെ​ടു​ന്നു.​ ​ലൈ​ൻ​ ​ജ​ഡ‌്ജി​നെ​പ്പ​റ്രി​ ​അ​ന്വേ​ഷി​ച്ച​പ്പോ​ൾ​ ​കു​ഴ​പ്പ​മി​ല്ലെ​ന്നാ​ണ് ​അ​റി​ഞ്ഞ​ത്.​ ​ദൈ​വ​ത്തി​ന് ​ന​ന്ദി.​ ​ഇ​ത്ത​ര​മൊ​രു​ ​ബു​ദ്ധി​മു​ട്ട് ​അ​വ​ർ​ക്ക് ​നേ​രി​ട്ട​തി​ൽ​ ​അ​തി​യാ​യ​ ​ഖേ​ദ​മു​ണ്ട്.​ ​അ​വ​രു​ടെ​ ​സ്വ​കാ​ര്യതയെ​ ​ബ​ഹു​മാ​നി​ക്കു​ന്ന​തി​നാ​ൽ​ ​ ​പേ​ര് ​വെ​ളി​പ്പെ​ടു​ത്തു​ന്നി​ല്ല.​ ​ഒ​ന്നും​ ​മ​ന​പൂ​ർ​വ​മാ​യി​രു​ന്നി​ല്ല.​ ​തെ​റ്റ് ​പ​റ്രി​പ്പോ​യി​ ​എ​ല്ലാ​വ​രോ​ടും​ ​ക്ഷ​മ​ ​ചോ​ദി​ക്കു​ന്നു.​ ​ഒ​രു​ ​മ​നു​ഷ്യ​ൻ​ ​എ​ന്ന​ ​നി​ല​യി​ലും​ ​ക​ളി​ക്കാ​ര​നെ​ന്ന​ ​നി​ല​യി​ലും​ ​ഈ​ ​തെ​റ്റി​ൽ​ ​നി​ന്ന് ​പാ​ഠ​മു​ൾ​ക്കൊ​ണ്ട് ​മു​ന്നോ​ട്ട് ​പോ​കും.​ ​യു.​എ​സ് ​ഓ​പ്പ​ണി​നോ​ടും​ ​അ​തി​ന്റെ​ ​ഭാ​ര​വാ​ഹി​ക​ളോ​ടും​ ​മാ​പ്പു​ ​പ​റ​യു​ന്നു.​ ​എ​ന്നെ​ ​എ​പ്പോ​ഴും​ ​പി​ന്തു​ണ​യ്ക്കു​ന്ന​ ​എ​ന്റെ​ ​ടീ​മി​നോ​ടും​ ​കു​ടും​ബ​ത്തി​നോ​ടും​ ​ആ​രാ​ധ​ക​രോ​ടും​ ​ഞാ​നേ​റെ​ ​ക​ട​പ്പെ​ട്ടി​രി​ക്കു​ന്നു.​ ​എ​ല്ലാ​വ​ർ​ക്കും​ ​ന​ന്ദി,​ ​എ​ന്നോ​ട് ​ക്ഷ​മി​ക്കു​ക.
ജോ​ക്കോ​വി​ച്ചി​ന്റെ​ ​
ഇ​ൻ​സ്റ്ര​ഗ്രാം​ ​കു​റി​പ്പി​ൽ​ ​നി​ന്ന്

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, SPORTS, DJOKKO DISQUALIFIED
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.