അണുനശീകരണത്തിന് കുടുംബശ്രീയും

കോട്ടയം: കൊവിഡ് അണുനശീകരണത്തിൽ ഇനി കോട്ടയം നഗരസഭയിലെ കുടുംബശ്രീവനിതകളും പങ്കാളികളാകും. ആഗരസഭയിലെ ആദ്യ ഡീപ് ക്ലീനിംഗ് ഡിസിൻഫിക്ഷൻ സർവീസ് ടീം അംഗങ്ങൾക്കുള്ള പരിശീലനം നഗരസഭാ ഹാളിൽ പൂർത്തിയായി.
കൊവിഡ് വ്യാപനം രൂക്ഷമാകുന്ന പശ്ചാത്തലത്തിൽ പ്രതിരോധപ്രവർത്തനം വിപുലമാക്കുന്നതിന്റെ ഭാഗമായി സർക്കാർ ഓഫീസുകൾ, സ്വകാര്യ സ്ഥാപനങ്ങൾ, പൊതു സ്വകാര്യ വാഹനങ്ങൾ, ഫസ്റ്റ് ലൈൻ കൊവിഡ് ട്രീറ്റ്‌മെന്റ് സെന്ററുകൾ, ക്വാറന്റൈൻ സെന്ററുകൾ, വീടുകൾ, മാർക്കറ്റ്, മറ്റുപൊതു ഇടങ്ങൾ എന്നിവ ടീം അണുവിമുക്തമാക്കും. പരിശീലനത്തിന്റെ ഭാഗമായി നഗരസഭാ ഓഫീസും ഹാളും അണുവിമുക്തമാക്കി. പൊതു ജനങ്ങൾക്കായി സ്ക്വയർഫീറ്റിന് 3രൂപ നിരക്കിലും, സ്വകാര്യ വാഹങ്ങൾ ഉൾപ്പെടെ 350 രൂപ മുതലും അണുനശികരണം നടത്തി നൽകും.