കാസർകോട് 166 പേർക്ക് കൊവിഡ്

കാസർകോട്: ജില്ലയിൽ 166 പേർക്ക് കൂടി കൊവിഡ് 19 പോസിറ്റീവായി. സമ്പർക്കത്തിലൂടെ 163 പേർക്കും ഇതരസംസ്ഥാനത്ത് നിന്നെത്തിയ രണ്ടാൾക്കും വിദേശത്ത് നിന്നെത്തിയ ഒരാൾക്കുമാണ് ഇന്നലെ കൊവിഡ് സ്ഥിരീകരിച്ചത്. 92 പേർ ഇന്നലെ രോഗമുക്തരായി.

വീടുകളിൽ .5330 പേരും സ്ഥാപനങ്ങളിൽ 1249 പേരുമുൾപ്പെടെ ജില്ലയിൽ ആകെ നിരീക്ഷണത്തിലുള്ളത് 6579 പേരാണ്. പുതിയതായി ഇന്നലെ 968 പേരെ കൂടി നിരീക്ഷണത്തിലാക്കി. 6408 പേർക്കാണ് ജില്ലയിൽ ഇതുവരെ കൊവിഡ് സ്ഥിരീകരിച്ചത്. ഇതിൽ 605 പേർ വിദേശത്ത് നിന്നെത്തിയവരും 444 പേർ ഇതരസംസ്ഥാനത്ത് നിന്നെത്തിയവരുമാണ്. 5359 പേർക്ക് സമ്പർക്കത്തിലൂടെയാണ് രോഗം സ്ഥിരീകരിച്ചത്. 4498 പേർ ഇതുവരെ രോഗമുക്തരായി. കൊവിഡ് ബാധിച്ച് ജില്ലയിൽ ഇതുവരെ മരിച്ചത് 45 പേരാണ്.

തദ്ദേശസ്ഥാപനങ്ങൾ തിരിച്ചുള്ള രോഗബാധിതർ: ചെമ്മനാട് 17, ഉദുമ 6, ഈസ്റ്റ് എളേരി 2, അജാനൂർ 14, പിലിക്കോട് 23, ചെങ്കള 22, മൊഗ്രാൽപുത്തൂർ1, നീലേശ്വരം 4, കുമ്പള 4, കാഞ്ഞങ്ങാട് 12, എൻമകജെ 3, മധൂർ 3, ബദിയഡുക്ക 3, തൃക്കരിപ്പൂർ 6, മടിക്കൈ 2, കാസർകോട് 4, മഞ്ചേശ്വരം 8, പടന്ന 3, കിനാനൂർ കരിന്തളം 1, കോടോംബേളൂർ 5, പുല്ലൂർ പെരിയ 10, പള്ളിക്കര 1, പുത്തിഗെ 7, പൈവളിഗെ 3, കള്ളാർ 1, കാറഡുക്ക 1.