SignIn
Kerala Kaumudi Online
Sunday, 28 February 2021 1.30 AM IST

എം.പി, എം.എൽ.എ സ്ഥാനങ്ങൾ രാജി വയ്ക്കില്ലെന്ന് ജോസ് പക്ഷം

jose-k-mani

കോട്ടയം: കേരളാ കോൺഗ്രസ് -എമ്മിനെ പടിക്കുപുറത്ത് നിറുത്താൻ യു.ഡി.എഫ് തീരുമാനിച്ചിട്ടും, രാഷ്ട്രീയ നിലപാട് വ്യക്തമാക്കാതെ ജോസ് കെ. മാണി. എൽ.ഡി.എഫുമായി ചർച്ചയിലേക്ക് പോയിട്ടില്ലെന്നും, രാഷ്ട്രീയ തീരുമാനം സമയമാവുമ്പോൾ പ്രഖ്യാപിക്കുമെന്നും ജോസ് പറഞ്ഞു.

അതേസമയം, യു.ഡി.എഫ് വിട്ട് ഇടതുപക്ഷത്തേക്ക് പോകുന്ന പക്ഷം എം.പി, എം.എൽ.എ സ്ഥാനങ്ങൾ രാജിവയ്ക്കണമെന്ന പ്രതിപക്ഷ നേതാവ് രമേശ് ചെന്നിത്തലയുടെയും പി.ജെ.ജോസഫിന്റെയും ആവശ്യം ജോസ് പക്ഷം തള്ളി. കേരള കോൺഗ്രസ് -എം വോട്ട് വാങ്ങി കോൺഗ്രസ് നേതാക്കളും ജോസഫ് പക്ഷ എം.എൽഎമാരും ജയിച്ചിട്ടുണ്ടെന്നും, അവർ ആദ്യം രാജി വയ്ക്കട്ടെയെന്നും പാർട്ടി ചീഫ് വിപ്പ് റോഷി അഗസ്റ്റിൻ എം.എൽ.എ പറഞ്ഞു. പാർട്ടി വിപ്പ് ലംഘിച്ച പി.ജെ.ജോസഫ്, മോൻസ് ജോസഫ് എന്നിവരെ അയോഗ്യരാക്കണമെന്ന് ആവശ്യപ്പെട്ട് വെള്ളിയാഴ്ച സ്പീക്കർക്ക് കത്ത് നൽകും. ആരോഗ്യ കാരണങ്ങളാൽ സഭയിൽ ഹാജരാകാതിരുന്ന സി.എഫ്.തോമസിനെതിരേ നടപടി വേണ്ടെന്നാണ് തീരുമാനം.

 ഞങ്ങൾ പോയതല്ല, പടിയടച്ച് പുറത്താക്കിയതാണ്: ജോസ്

യു.ഡി.എഫിൽ നിന്ന് തങ്ങൾ പുറത്തു പോയതല്ലെന്നും, ഇനി മുന്നണിയിൽ വേണ്ടെന്ന് പ്രഖ്യാപിച്ച് പടിയടച്ച് പുറത്താക്കുകയാണുണ്ടായതെന്നും ജോസ് കെ. മാണി എം.പി വാർത്താസമ്മേളനത്തിൽ പറഞ്ഞു. കെ.എം. മാണിയുടെ ജീവിതാന്ത്യം കേരളാ കോൺഗ്രസിന്റെയും രാഷ്ട്രീയ അന്ത്യമാകണമെന്ന് ആഗ്രഹിച്ചവരുടെ അജൻഡ വ്യക്തമായിരിക്കുന്നു. ഞങ്ങൾ ഒരിക്കൽപ്പോലും മുന്നണിയെ ചതിച്ചിട്ടില്ല. യു.ഡി.എഫ് രൂപീകരണകാലം മുതൽ ഒപ്പം നിന്ന പ്രസ്ഥാനത്തോട് രാഷ്ട്രീയ വഞ്ചനയാണ് കാട്ടിയത്. ഞങ്ങൾ ചതിച്ചെന്ന് ആരോപിക്കുന്നവർ, പാലാ ഉപതിരഞ്ഞെടുപ്പിൽ യു.ഡി.എഫിന്റെ പരാജയം ഉറപ്പാക്കിയ ജോസഫ് വിഭാഗത്തിന്റെ രാഷ്ട്രീയ വഞ്ചനയെക്കുറിച്ച് ഒരക്ഷരം മിണ്ടുന്നില്ല. ജോസഫിന് കെ.എം.മാണിയുടെ രാഷ്ട്രീയ പൈതൃകം ചാർത്തിക്കൊടുത്തവർ കേരളാ കോൺഗ്രസ് പ്രവർത്തകരുടെ ആത്മാഭിമാനത്തെ ചോദ്യംചെയ്യുകയാണ്. മാണിയുടെ മഹത്വത്തെക്കുറിച്ച് ഇന്നാവർത്തിക്കുന്നവർ ചെയ്തതിനെക്കുറിച്ച് മാണി സാർ തന്നെ പറഞ്ഞിട്ടുണ്ട്- ജോസ് പറഞ്ഞു.

 ര​ണ്ടി​ല​ ​ചി​ഹ്ന​ത്തി​ന് പി.​ജെ.​ ജോ​സ​ഫ് ഹൈ​ക്കോ​ട​തി​യിൽ

കേ​ര​ള​ ​കോ​ൺ​ഗ്ര​സ്-​എം​ ​പാ​ർ​ട്ടി​ ​പേ​രും​ ​ര​ണ്ടി​ല​ ​ചി​ഹ്ന​വും​ ​കേ​ന്ദ്ര​ ​തി​ര​ഞ്ഞെ​ടു​പ്പ് ​ക​മ്മി​ഷ​ൻ​ ​ജോ​സ് ​കെ.​ ​മാ​ണി​ ​വി​ഭാ​ഗ​ത്തി​ന് ​ന​ൽ​കി​യ​തി​നെ​തി​രേ​ ​പി.​ജെ.​ജോ​സ​ഫ് ​ഹൈ​ക്കോ​ട​തി​യി​ൽ​ ​ഹ​ർ​ജി​ ​ന​ൽ​കി.​തി​ര​ഞ്ഞെ​ടു​പ്പ് ​ക​മ്മി​ഷ​ന്റെ​ ​ന​ട​പ​ടി​ ​നി​യ​മ​പ​ര​മാ​യി​ ​നി​ല​നി​ൽ​ക്കാ​ത്ത​തി​നാ​ൽ​ ​പു​ന​പ​രി​ശോ​ധി​ക്ക​ണ​മെ​ന്നാ​ണ് ​ആ​വ​ശ്യം.
ജോ​സ് ​കെ.​ ​മാ​ണി​ ​പാ​ർ​ട്ടി​ ​ചെ​യ​ർ​മാ​ൻ​ ​പ​ദ​വി​ ​ദു​രു​പ​യോ​ഗം​ ​ചെ​യ്തെ​ന്നാ​രോ​പി​ച്ച് ​ജോ​സ​ഫ് ​പ​ക്ഷം​ ​ഇ​ടു​ക്കി​ ​കോ​ട​തി​യെ​ ​സ​മീ​പി​ച്ചി​രു​ന്നു.​ ​കേ​സ് ​നി​ല​നി​ൽ​ക്കെ​യാ​ണ് ​തി​ര​ഞ്ഞെ​ടു​പ്പ് ​ക​മ്മി​ഷ​ന്റെതീ​രു​മാ​നം​ ​ചോ​ദ്യം​ ​ചെ​യ്ത് ​ഹൈ​ക്കോ​ട​തി​യി​ൽ​ ​എ​ത്തി​യി​രി​ക്കു​ന്ന​ത്. .

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: JOSE K MANI
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.