SignIn
Kerala Kaumudi Online
Tuesday, 20 October 2020 8.19 AM IST

കേരളത്തിലെ ഈ ഗ്രാമത്തിൽ ദളിതർക്ക് മുടിവെട്ടാൻ അനുവാദമില്ല, പുതിയ തലമുറയിൽപ്പെട്ടവർ ജാതി വിവേചനത്തെ ചോദ്യം ചെയ്‌തതിന് ശേഷം നടന്നത്

barber-shop

ഇടുക്കി: കേരളത്തിലെ ഒരു ഗ്രാമത്തിൽ വർഷങ്ങളായി നിലനിന്നിരുന്ന അനാചാരത്തിന് പൂട്ടിട്ട് പഞ്ചായത്തും പട്ടികജാതി ക്ഷേമ സമിതിയും. സംസ്ഥാനത്തെ അതിർത്തി ഗ്രാമമായ വട്ടവടയിലാണ് വർഷങ്ങളായി കടുത്ത ജാതി വിവേചനം നിലനിന്നിരുന്നത്. താഴ്ന്ന ജാതിയിലുള്ളവർക്ക് മുടിയും താടിയും വെട്ടാൻ ഇവിടത്തെ ബാർബർ ഷോപ്പുകളിൽ വിലക്കായിരുന്നു.

കാലങ്ങളായി ഇവിടെ ജാതി വിവേചനമുണ്ടായിരുന്നെങ്കിലും ഈ അടുത്ത കാലത്ത് മാത്രമാണ് വിഷയത്തിൽ പ്രതിഷേധമുണ്ടാകുന്നത്. ഇതുവരെ ഗ്രാമത്തിലെ വിവേചനത്തിനെതിരെ ആരും പരാതി പറയാൻ തയ്യാറായിരുന്നില്ല. തമിഴ്നാട്ടിൽ നിന്ന് കുടിയേറി വനപ്രദേശത്തോട് ചേർന്ന് താമസിക്കുന്നവരോടായിരുന്നു ബാർബർ ഷോപ്പിലെ വിവേചനം. ചക്ലിയ സമുദായത്തിൽപ്പെട്ടവരാണ് ഇവർ.

ചക്ലിയ സമുദായക്കാർ നേരിടുന്ന ജാതിവിവേചനം നേരിട്ട്‌ മനസിലാക്കുന്നതിന് പട്ടികജാതി ക്ഷേമസമിതി (പി.കെ.എസ്.) സംസ്ഥാന സെക്രട്ടറി കെ.സോമപ്രസാദ് എം.പി.യുടെ നേതൃത്വത്തിലുള്ള സംഘം ഇന്നലെ വട്ടവട സന്ദർശിച്ചിരുന്നു. വിവേചനം നേരിടുന്നവരിൽനിന്ന്‌ സംഘം വിവരങ്ങൾ ചോദിച്ചറിഞ്ഞു. ഒടുവിലാണ് പഞ്ചായത്തുമായി ചർച്ച നടത്തി പ്രശ്‌നപരിഹാരം തേടാൻ പട്ടികജാതി ക്ഷേമസമിതി തീരുമാനിക്കുന്നത്.

700 കുടുംബങ്ങളിലെ പുരുഷന്മാരാണ് ജാതിവിവേചനത്തിന്റെ പേരിൽ പതിറ്റാണ്ടുകളായി അവഗണന നേരിടുന്നത്. ചക്ലിയ വിഭാഗത്തിൽപ്പെട്ടവർ 40 കിലോമീറ്റർ സഞ്ചരിച്ച് മൂന്നാറിലെത്തിയാണ് മുടി വെട്ടിയിരുന്നത്. പുതിയ തലമുറയിൽപ്പെട്ടവർ പഞ്ചായത്തിൽ പരാതിയുമായി എത്തിയതോടെയാണ് വിഷയം പുറത്തറിയുന്നത്. തുടർന്നാണ് പട്ടികജാതി ക്ഷേമസമിതിയും മറ്റും പ്രശ്നത്തിൽ ഇടപെട്ടത്. നിലവിൽ ജനങ്ങൾക്കിടയിൽ ജാതി വിവേചനത്തോടെ പ്രവർത്തിച്ചിരുന്ന ബാർബർ ഷോപ്പ് പൂട്ടുകയും പൊതു മുടിവെട്ട് കേന്ദ്രം തുടങ്ങാനും തീരുമാനമായതായി പഞ്ചായത്ത് അറിയിച്ചു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KERALA BARBERSHOP, VATTAVADA, IDUKKI BARBER SHOP, CASTE DESCIMINATION IN KERALA, DALITH
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.