ടോയ്ലറ്റിനുള്ളിലെ പെരുമ്പാമ്പ് യുവാവിന്റെ ജനനേന്ദ്രിയത്തിൽ കടിച്ചു

ബാങ്കോക്ക്: രാവിലെ ടോയ്‌ലറ്റിൽ കയറിയ പതിനെട്ടുകാരന്റെ ജനനേന്ദ്രിയത്തിൽ കടിച്ച് പെരുമ്പാമ്പ്. തായ്ലാ‌ൻഡിലെ നോന്ദബുരിയിലാണ് സംഭവം. ടോയ്ല‌റ്റ് സീ‌റ്റിനിടെ പതുങ്ങിയിരുന്ന നാലടി നീളമുള്ള വിഷമില്ലാത്ത പെരുമ്പാമ്പാണ് ലിംഗത്തിൽ കടിച്ചുതൂങ്ങിക്കിടന്നത്.

വേദന കൊണ്ട് പുളഞ്ഞ യുവാവ് എഴുന്നേറ്റ് വട്ടം കറങ്ങിയപ്പോഴേക്കും പാമ്പ് കടിവിട്ട്, ദൂരേക്ക് തെറിച്ച് പോയി. ചോരയൊലിപ്പിച്ച് നിന്ന യുവാവിനെ അടുത്തുള‌ള ബാംഗ്‌യായി ആശുപത്രിയിലെത്തിച്ചു. ഡോക്‌ടർമാർ ഉടൻ ചികിത്സ നൽകി. തിരികെ വീട്ടിലെത്തിയ ശേഷം പരിശോധിച്ചപ്പോഴാണ് ടോയ്‌ല‌റ്റ് സീ‌‌റ്റിനടിയിൽ പതുങ്ങിയിരിക്കുന്ന പാമ്പിനെ കണ്ടെത്തിയത്. നാലടിയോളം നീളമുള‌ള പാമ്പിനെ മൃഗ സംരക്ഷകരെത്തി പിടികൂടി കാട്ടിൽ മോചിപ്പിച്ചു.

ടോയ്‌ലറ്റിനോട് ചേർന്നുള‌ള ഡ്രെയിനേജ് കുഴലിലൂടെയാകാം പാമ്പ് അകത്ത് കടന്നതെന്ന് കരുതുന്നതായി മൃഗസംരക്ഷകർ അറിയിച്ചു. പാമ്പിന്റെ ആക്രമണത്തിനിരയായ പതിനെട്ടുകാരൻ സുഖംപ്രാപിച്ച് വരികയാണെന്ന് അമ്മ അറിയിച്ചു.