കാസർകോട്: ജില്ലയിൽ 102 പേർക്ക് കൂടി കൊവിഡ് 19 പോസിറ്റീവായി. സമ്പർക്കത്തിലൂടെ 100 പേർക്കും ഇതരസംസ്ഥാനത്ത് നിന്നെത്തിയ രണ്ടു പേർക്കുമാണ് ഇന്നലെ കൊവിഡ് സ്ഥിരീകരിച്ചത്. 131 പേർക്കാണ് കൊവിഡ് നെഗറ്റീവായതെന്ന് ജില്ലാ മെഡിക്കൽ ഓഫീസർ അറിയിച്ചു.
6920 പേർക്കാണ് ജില്ലയിൽ ഇതുവരെ കൊവിഡ് സ്ഥിരീകരിച്ചത്. ഇതിൽ 618 പേർ വിദേശത്ത് നിന്നെത്തിയവരും 455 പേർ ഇതരസംസ്ഥാനത്ത് നിന്നെത്തിയവരുമാണ്. 5847 പേർക്ക് സമ്പർക്കത്തിലൂടെയാണ് രോഗം സ്ഥിരീകരിച്ചത്. 4901 പേർക്ക് ഇതുവരെ കൊവിഡ് നെഗറ്റീവായി. 1970 പേരാണ് ജില്ലയിൽ നിലവിൽ ചികിത്സയിലുള്ളത്. വീടുകളിൽ 5939 പേരും സ്ഥാപനങ്ങളിൽ 1401 പേരുമുൾപ്പെടെ ജില്ലയിൽ ആകെ നിരീക്ഷണത്തിലുള്ളത് 7340 പേരാണ്.
ഇന്നലെ പോസിറ്റീവായവരുടെ തദ്ദേശസ്വയംഭരണ സ്ഥാപനം തിരിച്ചുള്ള കണക്ക്: കാഞ്ഞങ്ങാട് 14, ചെങ്കള 7, ചെറുവത്തൂർ 8, പുത്തിഗെ 2, പിലിക്കോട് 5, പടന്ന 3, ഉദുമ 8, കാസർകോട് 8, പള്ളിക്കര 3, ചെമ്മനാട് 7, നീലേശ്വരം 5, കിനാനൂർ കരിന്തളം 3, ബദിയഡുക്ക 3, എൻമകജെ 2, മൊഗ്രാൽപുത്തൂർ 2, മുളിയാർ 1, മംഗൽപാടി 5, കോടോംബേളൂർ 3, അജാനൂർ 2, മധൂർ 4, കള്ളാർ 1, കയ്യൂർ ചീമേനി 1, ഈസ്റ്റ് എളേരി 1, പുല്ലൂർ പെരിയ 3.
രോഗബാധിതർ 6920
രോഗമുക്തർ 4901
നിരീക്ഷണത്തിൽ 7340