SignIn
Kerala Kaumudi Online
Thursday, 03 December 2020 7.22 AM IST

കൊവിഡ് മരുന്നിൽ മലയാളിയുടെ വിജയത്തിന് കാത്തിരിക്കാം,​ 60 നാൾ

pnb-covd

കൊച്ചി: തൃശൂർ സ്വദേശിയായ പി.എൻ. ബൽറാം സ്വന്തം പേരിൽ (പി.എൻ.ബി) കൊച്ചിയിൽ തുടങ്ങിയ മരുന്ന് ഗവേഷണ സ്ഥാപനത്തിന്റെ പരീക്ഷണം വിജയിച്ചാൽ കൊവിഡ് ചികിത്സയ്ക്കുള്ള ലോകത്തെ ആദ്യമരുന്ന് മലയാളിയുടെ പേരിലാവും. പി.എൻ.ബി -001 (ജി.പി.പി. ബലാഡോൾ) എന്ന് പേരിട്ട മരുന്നിന്റെ രണ്ടാം ഘട്ട ക്ലിനിക്കൽ പരീക്ഷണത്തിന് ഡ്രഗ്സ് കൺട്രോളർ ജനറലിന്റെ അനുമതി ലഭിച്ചിട്ടുണ്ട്.

74 പേരിൽ നടത്തിയ ആദ്യപരീക്ഷണം വിജയിച്ചതോടെയാണ് രണ്ടാംഘട്ടം പൂനെ ബി.എം.ജെ മെഡിക്കൽ കോളേജിൽ വെന്റിലേറ്ററിൽ കഴിയുന്ന 40 കൊവിഡ് രോഗികളിൽ നടത്തുന്നത്. 60 ദിവസമാണ് പരീക്ഷണകാലം. മൂന്നാംഘട്ടത്തിൽ ആറ് മെഡിക്കൽ കോളേജുകളിലായി 350 കൊവിഡ് രോഗികളിൽ പരീക്ഷിക്കും. രണ്ടാംഘട്ടം വിജയിച്ചാൽ തന്നെ മരുന്ന് പുറത്തിറക്കാനുള്ള നടപടികൾ തുടങ്ങാം. പരീക്ഷണശാലകളും ലബോറട്ടറികളും ബംഗളൂരുവിലും ഹൈദരാബാദിലും ബ്രിട്ടനിലുമാണ്.

മരുന്നിന്റെ മേന്മ

  • ശ്വാസകോശ അസ്വസ്ഥതയ്‌ക്ക് ഫലപ്രദം
  • ഡെങ്കി വൈറസ് പഠനത്തിലും മികച്ചഫലം.
  • പനിയും ശരീരവേദനയും കുറയ്‌ക്കും

ഇന്ത്യക്ക് അഭിമാനം

ഐക്യരാഷ്ട്രസഭയുടെ ഫുഡ് ആൻഡ് ഡ്രഗ്സ് അഡ്മിനിസ്ട്രേഷൻ മരുന്നിൽ താത്പര്യം പ്രകടിപ്പിച്ചിട്ടുണ്ട്. ബ്രിട്ടീഷ് സർക്കാരും പരീക്ഷണത്തിന് സന്നദ്ധമാണ്.

60 ദിവസം നിർണായകം

'' വിജയിച്ചാൽ കൊവിഡ് ചികിത്സയ്‌ക്കുള്ള ലോകത്തെ ആദ്യ മരുന്നായിരിക്കും.രണ്ടാംഘട്ടത്തിലെ അറുപതു ദിവസങ്ങൾ നിർണായകമാണ്. വാക്‌സിൻ അല്ലാതെ പരീക്ഷിക്കുന്ന ആദ്യ മരുന്നാണിത്. ഓരോ ഇന്ത്യക്കാരനും, അതിലേറെ ഓരോ മലയാളിക്കും അഭിമാനിക്കാം''

-പി.എൻ. ബൽറാം,സി.ഇ.ഒ,

പി.എൻ.ബി വെസ്‌പർ ലൈഫ് സയൻസ് പ്രൈവറ്റ് ലിമിറ്റഡ്.

എട്ട് ആനയെ നടയ്ക്കിരുത്തിയ

ഗുരുവായൂരപ്പ ഭക്തൻ

ഗുരുവായൂരപ്പ ഭക്തനായ ബൽറാം കണ്ണന്റെ സന്നിധിയിൽ എട്ട് ആനയെ നടയ്‌ക്കിരുത്തിയിട്ടുണ്ട്.
20 ാം വയസിൽ തോഷിബ കമ്പനിയുമായി സഹകരിച്ച് ടെൽട്രോണിക്‌സ് ടെലിവിഷൻ നിർമ്മാണത്തിലൂടെയാണ് സംരംഭകനായത്. ഇപ്പോൾ 67 വയസ്. 1984ൽ കോർ, ഓൺസ്‌ക്രീൻ ഡിസ്‌പ്ലേ ടെലിവിഷനുകൾ, 1986ൽ വി.സി.ആർ, ഡി.ടി.എച്ച് സാറ്റലൈറ്റ് സംവിധാനം, 1989ൽ പെറ്റ് ബോട്ടിലുകൾ എന്നിവയുടെ നിർമ്മാണം. 1997ൽ ''സൈബൽ ഹെർബൽ ലബോറട്ടറീസ് '' സ്ഥാപിച്ച് ആയുർവേദ മരുന്നുനിർമ്മാണം.

2011ലാണ് അലോപ്പതിയിലേക്ക് തിരിഞ്ഞത്. പടിഞ്ഞാറേത്തലയ്ക്കൽ നാണു എഴുത്തച്ഛൻ, ലക്ഷ്‌മി ദമ്പതികളുടെ മകനാണ്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: COVID VACCINE
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.