കൊവിഡ്: ചികിത്സയിലുള്ളവർ 30,000 കടന്നു, ഇന്നലെ 3139 പേർക്ക് രോഗം

തിരുവനന്തപുരം: സംസ്ഥാനത്ത് കൊവിഡ് വ്യാപനം ശക്തമാകുന്നതിനിടെ ചികിത്സയിലുള്ളവരുടെ എണ്ണം 30,000 കടന്നു. ഇന്നലെ 3139 പേർക്ക് രോഗം സ്ഥിരീകരിച്ചതോടെ ആകെ ചികിത്സയിലുള്ളവർ 30,072 പേരായി. ഇന്നലെ 2921 പേർക്കാണ് സമ്പർക്കത്തിലൂടെ രോഗം ബാധിച്ചത്. 251 പേരുടെ ഉറവിടം വ്യക്തമല്ല.

ഒമ്പതാണ് ഇന്നലത്തെ ടെസ്റ്റ് പോസിറ്റിവിറ്റി റേറ്റ്. 100 പേരിൽ ഒമ്പത് പേർ രോഗികളാകുന്ന സ്ഥിതിയാണിപ്പോൾ. ഏറ്റവും ഉയർന്ന നിരക്കാണ് ഇന്നലെ രേഖപ്പെടുത്തിയത്. 56 ആരോഗ്യ പ്രവർത്തകരും രോഗബാധിതരായി. 14 മരണവും റിപ്പോർട്ട് ചെയ്തു.

അതേസമയം 1855 പേർ രോഗമുക്തരായി. 24 മണിക്കൂറിനിടെ 34,786 സാമ്പിളുകളാണ് പരിശോധിച്ചത്. ഇന്നലെയും രോഗബാധിതർ തലസ്ഥാനത്താണ് കൂടുതൽ. ജില്ലയിൽ 412 പേർ രോഗബാധിതരായി.

 ആകെ രോഗികൾ- 10,8278

 രോഗമുക്തർ- 77,703

 ആകെ മരണം- 439