SignIn
Kerala Kaumudi Online
Thursday, 04 March 2021 12.38 AM IST

വലിയ വാക്കിൽ പ്രശംസിക്കുമോയെന്ന് ചേതൻ, കടിച്ചാൽ പൊട്ടാത്ത വാക്കുമായി തരൂർ

chetan-bhagat-shashi-thar

ന്യൂഡൽഹി: വലിയ ഇംഗ്ളീഷ് വാക്കുപയോഗിച്ച് പ്രശംസിക്കാമോയെന്ന് ചോദിച്ച എഴുത്തുകാരൻ ചേതൻ ഭഗത്തിനെകടിച്ചാൽ പൊട്ടാത്ത വാക്കുകളിൽ പുകഴ്ത്തി ശശി തരൂർ എം.പി.

കഴിഞ്ഞ ദിവസം ദേശീയ മാദ്ധ്യമത്തിൽ ഇന്ത്യയിൽ എഴുതിയ ചേതന്റെ കോളം വായിച്ചാണ് തരൂർ അഭിനന്ദിച്ചത്.

'നമ്മുടെ രാജ്യത്തെ ബാധിക്കുന്ന പ്രശ്‌നങ്ങളെപറ്റിയും അതിൽ നാം ചെയ്യേണ്ടതെന്നും ചേതൻ കൃത്യമായി പറഞ്ഞു. രചനയുടെ ലാളിത്യവും വ്യക്തതയുമാണ് ചേതന്റെ മഹത്വം. അദ്ദേഹത്തിന്റെ സന്ദേശം വ്യക്തമാണ്. സർക്കാരിലെ അദ്ദേഹത്തിന്റെ ആരാധകർ ഇക്കാര്യങ്ങൾ മനസിലാക്കുമെന്ന് ഞാൻ പ്രതീക്ഷിക്കുന്നു''-

എന്നായിരുന്നു തരൂർ കുറിച്ചത്.

ഇതിന് മറുപടിയായി 'എന്നെ തരൂർ അഭിനന്ദിച്ചതിൽ സന്തോഷമുണ്ടെന്നും അടുത്ത തവണ തരൂരിന് മാത്രം സ്വന്തമായ കുറച്ച് വലിയ വാക്കുകൾ ഉപയോഗിച്ച് എന്നെ പുകഴ്ത്തണമെന്നും' ചേതൻ ഭഗത്ത് ട്വീറ്റ് ചെയ്തു.

ഇത് ശ്രദ്ധയിൽപെട്ട തരൂർ തന്റെ സ്വതസിദ്ധമായ ശൈലിയിൽ കടുത്ത വാക് പ്രയോഗം നടത്തുകയായിരുന്നു.

''തീർച്ചയായും ചേതൻ ഭഗത്, നിങ്ങൾ നീളമുള്ള വാക്കുകൾ ഉപയോഗിക്കുന്നയാളോ പൊങ്ങച്ചം പറയുന്ന ആളോ അല്ലെന്ന് വ്യക്തമാണ്. താങ്കളുടെ ആശയങ്ങൾ പൊടിപ്പും തൊങ്ങലുകളുമില്ലാത്തതും വളച്ചുകെട്ടിപ്പറയാത്തതും പ്രകടനപരതയില്ലാത്തതുമാണ് . ഇന്നത്തെ കോളത്തിലെ തെളിഞ്ഞ ഉൾക്കാഴ്ചയെ ഞാൻ അഭിനന്ദിക്കുന്നു.'' എന്നാണ് ചിരപരിചിതമല്ലാത്ത ഇംഗ്ളീഷ് വാക്കുകൾ ഉപയോഗിച്ച് തരൂർ പറഞ്ഞത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, PLEASE PRAISE USING BIG WORDS: SHASHI THAROOR RESPONDS TO CHETAN BHAGATS REQUEST
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.