SignIn
Kerala Kaumudi Online
Tuesday, 20 October 2020 6.35 AM IST

അനിശ്ചിതത്വത്തിൻ നങ്കൂരം

asheekal
മന്ത്രി രാമചന്ദ്രൻ കടന്നപ്പള്ള ഉന്നത ഉദ്യോഗസ്ഥർക്കൊപ്പം അഴീക്കൽ തുറമുഖം സന്ദർശിച്ചപ്പോൾ (ഫയൽ ഫോട്ടോ)

കണ്ണൂർ: വികസന ചരിത്രത്തിൽ നാഴികക്കല്ലായി മാറാവുന്ന അഴീക്കൽ തുറമുഖത്തോട് മുഖം തിരിച്ച് അധികൃതർ. ആറു പതിറ്റാണ്ടായിട്ടും തുറമുഖ വികസനം പാതിവഴിയിൽ നങ്കൂരമിട്ടിരിക്കയാണ്. തുറമുഖത്തിന്റെ സമഗ്ര വികസനത്തിനായി നിരവധി പദ്ധതികൾ പ്രഖ്യാപിച്ചുവെങ്കിലും ഒന്നും കരക്കടുത്തില്ല. പ്രഖ്യാപിക്കുന്ന പദ്ധതികളാകട്ടെ കടലിൽ കല്ലിട്ട പോലെയും.

ചരക്കു കപ്പലുകൾ യഥേഷ്ടം വരികയും വ്യവസായ രംഗത്തു പുത്തൻ ഉണർവ് സൃഷ്ടിക്കാൻ കഴിയുകയും ചെയ്യുമെന്ന സ്വപ്നമാണ് തുറമുഖ വികസനം പാതിവഴിയിലായതോടെ കടലെടുത്തത്. വികസന പ്രവർത്തനങ്ങൾ നടക്കുന്നുണ്ടെന്നു അധികൃതർ പറയുന്നുണ്ടെങ്കിലും 2013 ന് ശേഷം ഇവിടെ എത്ര കപ്പൽ വന്നുവെന്നോ എത്ര ചരക്കുകൾ കയറ്റി, ഇറക്കിയെന്നോ പറയാൻ അധികൃതർക്ക് ആവുന്നില്ല.

30 കണ്ടെയ്നർ കയറ്റാൻ കഴിയുന്ന ഗ്ലോറിഫൈ ബാർജ് സ്ഥാപിക്കണമെന്ന നിർദേശം ഇനിയും ഇവിടെ നടപ്പിലായിട്ടില്ല.

അഴീക്കൽ തുറമുഖമെന്ന ആവശ്യത്തിന് 60 വർഷം പ്രായമുണ്ട്. 500 കോടി രൂപയുടെ വികസന പ്രവർത്തനങ്ങൾ സമയബന്ധിതമായി നടത്തണമെന്നും സ്പെഷ്യൽ ഓഫീസറെ നിയമിക്കണമെന്നും ആവശ്യം ഉയർന്നിരുന്നു. റവന്യു വകുപ്പിന്റെ കൈയിലുള്ള 200 ഏക്കർ ഭൂമി തുറമുഖ വകുപ്പിന് കൈമാറണമെന്നും ലക്ഷദ്വീപ് അധികാരികളുടെ താല്പര്യ പ്രകാരമുള്ള ഗതാഗത സംവിധാനം ഉണ്ടാകണമെന്നും ആവശ്യം ഉയർന്നിട്ടും വർഷങ്ങളായി. കണ്ണൂരിൽ വിമാനത്താവളം യാഥാർത്ഥ്യമായതോടെ അഴീക്കൽ തുറമുഖത്തിന് പ്രാധാന്യമേറെയാണ്.

നടപ്പാക്കാത്ത പ്രഖ്യാപനങ്ങൾ

 500 ഏക്കർ ഭൂമി ഏറ്റെടുക്കണമെന്ന നിർദേശം

ക്രൂസെജ് ടെർമിനൽ

 കപ്പൽച്ചാൽ ആഴം കൂട്ടാൻ ഡ്രഡ്ജിംഗ്

 ഇറക്കുമതി,കയറ്റുമതി വർദ്ധിപ്പിക്കാൻ ട്രേഡ് മീറ്റ്

വാഗമണ്ഡലത്തു നിന്നും അഴീക്കൽ തുറമുഖത്തേക്ക് മലയോര ഹൈവേ വന്നാൽ മുഖച്ഛായ തന്നെ മാറുന്ന വികസനം യാഥാർഥ്യമാകും.

സി.ജയചന്ദ്രൻ, പ്രസിഡന്റ്, കേരള ചേംബർ

.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, KANNUR, ASHEEKAL
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.