കണ്ണൂരിൽ 247 പേർക്ക് കൊവിഡ്

215 പേർക്ക് സമ്പർക്കത്തിലൂടെ

കണ്ണൂർ: ജില്ലയിൽ 247 പേർക്ക് ഇന്നലെ കൊവിഡ് ബാധ സ്ഥിരീകരിച്ചു. ഇവരിൽ 215 പേർക്ക് സമ്പർക്കം മൂലമാണ് രോഗം. ഒരാൾ വിദേശത്തു നിന്നും 20 പേർ ഇതര സംസ്ഥാനങ്ങളിൽ നിന്നും എത്തിയവരും 11 പേർ ആരോഗ്യ പ്രവർത്തകരുമാണ്.

ഇതോടെ ജില്ലയിൽ റിപ്പോർട്ട് ചെയ്യപ്പെട്ട കൊവിഡ് പോസിറ്റീവ് കേസുകൾ 6754 ആയി. ഇവരിൽ ഇന്നലെ രോഗമുക്തി നേടിയ 173 പേരടക്കം രോഗം ഭേദമായവരുടെ എണ്ണം 4384 ആയി.

1167 പേർ ഹോം ഐസൊലേഷനിലും 895 പേർ വിവിധ ആശുപത്രികളിലും സി.എഫ്.എൽ.ടി.സി.കളിലുമായി ചികിത്സയിലാണ്. ജില്ലയിൽ നിലവിൽ നിരീക്ഷണത്തിലുള്ളത് 14668 പേരാണ്. ജില്ലയിൽ നിന്ന് ഇതുവരെ 94939 സാമ്പിളുകൾ പരിശോധനയ്ക്ക് അയച്ചതിൽ 94427 എണ്ണത്തിന്റെ ഫലം വന്നു. 512 എണ്ണത്തിന്റെ ഫലം ലഭിക്കാനുണ്ട്.