SignIn
Kerala Kaumudi Online
Saturday, 24 October 2020 11.15 PM IST

കൊവിഡ് വ്യാപിക്കുമ്പോഴും സുരക്ഷയില്ലാതെ തൊഴിലുറപ്പ്

work
അമ്പലപ്പാറയിലെ റോഡോരങ്ങളിൽ സുരക്ഷാ മുൻകരുതലില്ലാതെ ജോലി ചെയ്യുന്ന തൊഴിലുറപ്പ് തൊഴിലാളികൾ.

ഒറ്റപ്പാലം: കൊവിഡ് വ്യാപന ഭീതി നിലനിൽക്കുമ്പോഴും അമ്പലപ്പാറയിൽ സുരക്ഷാ മുൻകരുതലില്ലാതെ തൊഴിലുറപ്പ് പ്രവർത്തനങ്ങൾ ചെയ്യുന്നത് വ്യാപകം.

റോഡരികിലെ അഴുക്ക് ചാലുകളിലെ മാലിന്യം നീക്കാൻ കൈയുറകൾ, ഷൂ എന്നിവയൊന്നും ധരിക്കാതെ യാതൊരു മുൻകരുതലുകളും സ്വീകരിക്കാതെയാണ് തൊഴിലാളികൾ ജോലി ചെയ്യുന്നത്.

പല സ്ഥലങ്ങളിലെയും ചെളിയും മണ്ണും നീക്കം ചെയ്യേണ്ടതിന് പുറമെ പഴകിയ ഭക്ഷണാവശിഷ്ടങ്ങൾ, കോഴി വേസ്റ്റ് തുടങ്ങിയവ നീക്കേണ്ടി വരുന്ന തൊഴിലാളികൾക്ക് സുരക്ഷാ സംവിധാനമില്ലാത്തത് ഏറെ ദുരിതത്തിലാക്കുന്നു.

മാലിന്യം തള്ളുന്ന നിരവധി സ്ഥലങ്ങളും ഇവർക്ക് ശുചീകരിക്കേണ്ടി വരാറുണ്ട്. ഇത് പകർച്ചവ്യാധി പടരുന്നതിനും കാരണമാകുന്നു. സ്ഥിരമായി റോഡരിക് വൃത്തിയാക്കേണ്ടി വരുന്നതുകൊണ്ട് കുറച്ച് തൊഴിലാളികൾ സ്വന്തം കൈയിൽ നിന്ന് പണം മുടക്കിയാണ് കൈയുറ വാങ്ങി ധരിച്ച് പണിയെടുക്കുന്നത്. ഓരോ സംഘത്തിലും 15ലധികം പേരാണ് വിവിധ സ്ഥലങ്ങളിൽ ജോലി ചെയ്യുന്നത്.

പഞ്ചായത്തിൽ 11 വാർഡുകളിലായി ഏകദേശം 300 തൊഴിലാളികളാണ് കഴിഞ്ഞ മൂന്ന് ദിവസമായി ജോലിയെടുക്കുന്നത്. ഇവരിൽ ഭൂരിഭാഗം പേർക്കും സുരക്ഷയ്ക്ക് ആവശ്യമായ ഒരു സംവിധാനങ്ങളുമില്ല. അമ്പലപ്പാറ, മുരുക്കുംപറ്റ, കടമ്പൂർ, വാണി വിലാസിനി, മേലൂർ ഭാഗങ്ങളിലാണ് തൊഴിലുറപ്പ് തൊഴിലാളികൾ ചേർന്ന് റോഡരികിലെ അഴുക്കുചാലുകൾ വൃത്തിയാക്കുകയും, പുതിയവ നിർമ്മിക്കുകയും ചെയ്യുന്നത്.

നിർദേശം നൽകും

തൊഴിലുറപ്പുകാർ സുരക്ഷാ മുൻകരുതലുകളില്ലാതെ ജോലിയെടുക്കുന്നത് ശ്രദ്ധയിൽപ്പെട്ടിട്ടുണ്ട്. തൊഴിലാളികൾക്ക് വേണ്ട കൈയുറകൾ അടക്കമുള്ള സാധനങ്ങൾ നൽകാൻ നിർദ്ദേശം നൽകും.

-കെ.കെ.കുഞ്ഞൻ,

പഞ്ചായത്ത് പ്രസിഡന്റ്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, PALAKKAD
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.