SignIn
Kerala Kaumudi Online
Friday, 30 October 2020 10.33 AM IST

ഇ മെയിൽ വഴി സൈബർ ആക്രമണം; എൻ.ഐ.സിയുടെ 100 കമ്പ്യൂട്ടറുകൾ ചോർത്തി ​

nic

ന്യൂഡൽഹി:പ്രധാനമന്ത്രി ഉൾപ്പെടെയുള്ള ഉന്നതരുടെയും ദേശീയ സുരക്ഷ പോലെ നിർണായക വകുപ്പുകളുടെയും പൗരന്മാരുടെയും വിവരങ്ങൾ സൂക്ഷിക്കുന്ന രാജ്യത്തെ ഏറ്റവും വലിയ ഡേറ്റ ഏജൻസിയും കേന്ദ്ര - സംസ്ഥാന സർക്കാരുകളുടെ ഐ. ടി സേവനങ്ങളുടെ സിരാകേന്ദ്രവുമായ നാഷണൽ ഇൻഫർമാറ്റിക്സ് സെന്ററിന്റെ ( എൻ. ഐ. സി )​ നൂറോളം കംപ്യൂട്ടറുകൾ ഹാക്ക് ചെയ്ത്

വിവരങ്ങൾ മോഷ്‌ടിച്ചതായി റിപ്പോർട്ട്. ഈ മാസം ആദ്യം നടന്ന സൈബർ ആക്രമണത്തെ പറ്റി

ഡൽഹി പൊലീസ് സ‌്പെഷ്യൽ സെൽ കേസെടുത്ത് അന്വേഷണം തുടങ്ങി.

പ്രധാനമന്ത്രി നരേന്ദ്ര മോദി,​ ദേശീയ സുരക്ഷാ ഉപദേഷ്‌ടാവ് അജിത് ഡോവൽ മുതിർന്ന സർക്കാർ ഉദ്യോഗസ്ഥർ തുടങ്ങിയവരുടെ വിവരങ്ങളും ആക്രമണം നടന്ന കംപ്യൂട്ടറുകളിൽ ശേഖരിച്ചിരുന്നു.അജിത് ഡോവലുമായി ബന്ധപ്പെട്ട വിവരങ്ങൾ ചോർന്നതായി സൂചനയുണ്ടെങ്കിലും സ്ഥിരീകരിച്ചിട്ടില്ല.ഇതോടെ രാജ്യത്തിന്റെ സൈബർ സെക്യൂരിറ്റിയെ പറ്റിയും ആശങ്ക പരന്നു.

ആക്രമണം ഇ - മെയിൽ വഴി

ഡൽഹിയിൽ ഐ. ടി,​ ഇലക്ട്രോണിക്‌സ് മന്ത്രാലയത്തിലെ ഒരു ജീവനക്കാരന് ബംഗളുരുവിലെ ഒരു ഐ.ടി കമ്പനിയുടെ പേരിൽ വന്ന ഇ -മെയിൽ തുറന്നപ്പോൾ കംപ്യൂട്ടർ ഹാക്ക് ചെയ്യപ്പെട്ടെന്നാണ് വിവരം.ഇ - മെയിലിലെ വൈറസ് ലിങ്കിൽ ക്ലിക്ക് ചെയ്തതോടെ ആ കംപ്യൂട്ടറിലെ വിവരങ്ങൾ ചോർന്നു. പിന്നീട് കംപ്യൂട്ടർ നെറ്റ്‌വർക്കിലേക്ക് ആക്രമണം ബാധിച്ചു.ഇ- മെയിലിന്റെ ഐ.പി വിലാസം പരിശോധിച്ച എൻ.ഐ.സിയുടെ സൈബർ സുരക്ഷാ വിഭാഗം വിദേശ കമ്പനികളുടെ ജോലികൾ ചെയ്യുന്ന ബംഗളുരുവിലെ ഐ. ടി കമ്പനിയുടെ പേരിൽ അമേരിക്കയിൽ നിന്ന് വ്യാജ സെർവറിലൂടെയാണ് ഇ - മെയിൽ അയച്ചതെന്ന് കണ്ടെത്തിയിട്ടുണ്ട്.

ഇ- മെയിൽ തുറക്കാൻ കഴിയുന്നില്ലെന്ന് ജീവനക്കാരൻ പരാതിപ്പെട്ടതിനെ തുടർന്ന് നടത്തിയ പരിശോധനയിലാണ് ഹാക്കിംഗ് സംശയം ബലപ്പെട്ടത്.

ചൈനീസ് നിരീക്ഷണത്തിന് പിന്നാലെ

ചൈനീസ് സർക്കാരുമായും ചൈനീസ് കമ്മ്യൂണിസ്റ്റ് പാർട്ടിയുമായും ബന്ധമുള്ളസെൻഹുവാ ഡേറ്റാ ഇൻഫർമേഷൻ കമ്പനി രാഷ്‌ട്രപതി, പ്രധാനമന്ത്രി, സൈനിക മേധാവി തുടങ്ങി ഇന്ത്യയിലെ ആയിരത്തോളം പ്രമുഖരെ നിരീക്ഷിക്കുന്നതായി റിപ്പോർട്ടുണ്ടായിരുന്നു. അതിന് പിന്നാലെ എൻ.ഐ.സിയുടെ കംപ്യൂട്ടറുകൾ ഹാക്ക് ചെയ്യപ്പെട്ടതിന് ഏറെ പ്രാധാന്യമുണ്ട്. ചൈനീസ് കമ്പനിയുടെ നിരീക്ഷണം അന്വേഷിക്കാൻ ദേശീയ സൈബർ സുരക്ഷാ കോർഡിനേറ്റർ അദ്ധ്യക്ഷനായ വിദഗ്ദ്ധ സമിതിക്ക് കേന്ദ്രസർക്കാർ രൂപം നൽകിയിട്ടുണ്ട്. കേന്ദ്രസർക്കാർ ഇന്ത്യയിലെ ചൈനീസ് അംബാസഡർ സൺ വെയ്ദോംഗിനെ അതൃപ്‌തി അറിയിക്കുകയും ചെയ്‌തിരുന്നു.

എൻ.ഐ.സിയുടെ ചുമതലകൾ

@സർക്കാരിന്റെ ഐ. ടി സാങ്കേതിക,​ നെറ്റ്‌വർക്കിംഗ് ജോലികൾ

@സർക്കാരിന്റെ ഇ - മെയിൽ,​ വിഡിയോ കോൺഫറൻസിംഗ്,​ വെബ് ഹോസ്റ്റിംഗ്

@സർവകലാശാലകൾക്കും സർക്കാർ ഏൻസികൾക്കും ഇന്റർനെറ്റ് സൗകര്യം

@വിവിധ മേഖലകളിലെ ഡേറ്റ ശേഖരിക്കൽ

" സൈ​ബ​ർ​ ​ആ​ക്ര​മ​ണ​ങ്ങ​ളി​ൽ​ ​സ്വ​കാ​ര്യ​ ​വി​വ​ര​ങ്ങ​ൾ​ ​ചോ​ർ​ത്തി​ക്കൊ​ണ്ടി​രി​ക്കു​ക​യാ​ണ്.​ ​ഏ​തു​ത​രം​ ​സൈ​ബ​ർ​ ​ആ​ക്ര​മ​ണ​ത്തി​നും​ ​ന​മ്മ​ൾ​ ​ഇ​ര​യാ​കാം.​ ​അ​തി​നാ​ൽ​ ​ഉ​ത്ത​ര​വാ​ദി​ത്ത​ത്തോ​ടെ​ ​ഇ​ന്റ​ർ​നെ​റ്റ് ​ഉ​പ​യോ​ഗി​ക്ക​ണം"


അ​ജി​ത് ​ഡോ​വ​ൽ,​ ​ദേ​ശീ​യ​ ​സു​ര​ക്ഷാ​ ​ഉ​പ​ദേ​ഷ്ടാ​വ്
(​പൊ​ലീ​സി​ന്റെ​ ​കൊ​ക്കൂ​ൺ​ ​വെ​ർ​ച്വ​ൽ​ ​സൈ​ബ​ർ​ ​കോ​ൺ​ഫ​റ​ൻ​സി​ൽ​ ​പ​റ​ഞ്ഞ​ത്)

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, HACKED
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.