വൈറലായി ഭൂമിയിലെ മാലാഖയുടെ പാട്ട്

വാഷിംഗ്ടൺ: കാൻസർ കോശങ്ങൾ തന്നെ കാർന്നു തിന്നുന്നതിടയ്ക്ക് ഒരു കുളിർകാറ്റ് പോലെയാണ് ഭൂമിയിലെ മാലാഖയുടെ പാട്ട് ആ അമ്മയ്ക്ക് അനുഭവപ്പെട്ടത്. സമൂഹമാദ്ധ്യമങ്ങൾ വികാരനിർഭരമായ ആ മുഹൂർത്തത്തെ നെഞ്ചോട് ചേർക്കുകയും ചെയ്തു.

കാൻസർ രോ​ഗിയായ വയോധികയെ സാന്ത്വനിപ്പിക്കാൻ പാട്ടുപാടിക്കൊടുക്കുന്ന നഴ്സാണ് വീഡിയോയിലുള്ളത്. സ്ത്രീ ബെഡിൽ കിടക്കുന്നതിൽ നിന്നാണ് വീഡിയോ ആരംഭിക്കുന്നത്. ഇവരോട് ചേർന്നിരിക്കുന്ന നഴ്സാണ് സാന്ത്വന​ഗാനം പാടുന്നത്. വയോധികയുടെ കൈ ചേർത്തുപിടിച്ച് കണ്ണീരടക്കാൻ പാടുപെട്ടാണ് നഴ്സ് പാടുന്നത്. നഴ്സിന്റെ ​ഗാനം ആസ്വദിച്ച് കിടക്കുന്ന വയോധിക ഒടുവിൽ ഒപ്പം പാടുന്നതും കാണാം.

ട്വിറ്ററടക്കമുള്ള സമൂഹമാദ്ധ്യമങ്ങളിൽ ഈ വീഡിയോ വെറലായിക്കഴിഞ്ഞു. നഴ്സിന്റേയും വയോധികയുടേയും പേരുവിവരങ്ങൾ ലഭ്യമല്ലെങ്കിലും നിരവധി പേരാണ് നഴ്സിന്റെ പ്രവൃത്തിയെ അഭിനന്ദിച്ചത്.