SignIn
Kerala Kaumudi Online
Monday, 26 October 2020 5.50 PM IST

വിദേശഫണ്ട് സ്വീകരിക്കുന്നതിന് ഇനി ആധാർ നിർബന്ധം,​ നിയമഭേദഗതി ബിൽ പാർലമെന്റ് പാസാക്കി

pic

ന്യൂഡൽഹി: വിദേശ രാജ്യങ്ങളിൽ നിന്നും സംഭാവന സ്വീകരിക്കുന്നതിനുളള നിയമഭേദഗതി ബിൽ പാർലമെന്റ് പാസാക്കി. വിദേശ ഫണ്ട് സ്വീകരിക്കുന്നതിനായി സ്വകാര്യ സംഘടനകൾക്ക് ആധാർ നിർബന്ധമാക്കിയതുമായി ബന്ധപ്പെട്ട ബില്ലാണ് പാർലമെന്റ് പാസാക്കിയത്.

ഫോറിൻ കോൺട്രിബ്യൂഷൻ റെഗുലേഷൻ ആക്ടിൽ (എഫ്.സി.ആർ.എ) ഭേദഗതി വരുത്തിയതോടെ സ്വകാര്യ സന്നദ്ധ സംഘടനകൾക്ക് ഇനി മുതൽ വിദേശ രാജ്യങ്ങളിൽ നിന്നും സംഭാവന സ്വീകരിക്കണമെങ്കിൽ ആധാർ നിർബന്ധമാണ്. രാജ്യസഭ നേരത്തെ പാസാക്കിയ ബിൽ ഇന്ന് ലോക്സഭ പാസാക്കുകയായിരുന്നു. നിയമഭേദഗതിയിലൂടെ വിദേശ ഫണ്ടിന്റെ ദുരുപയോഗം തടയാന്‍ കഴിയും. പല സംഘടനകളും വിദേശ ഫണ്ട് സ്വകാര്യ ആവശ്യങ്ങള്‍ക്കായി ദുരുപയോഗം ചെയ്യുന്നുണ്ടെന്ന് കണ്ടെത്തിയതിനെ തുടർന്നാണ് കേന്ദ്രം നിയമത്തിൽ ഭേദഗതിവരുത്തിയത്. പണം സ്വീകരിക്കുന്ന സംഘടനയുടെ എല്ലാ ഭാരവാഹികൾക്കും ആധാർ നിർബന്ധമാക്കാനാണ് ബില്ലിൽ പറയുന്നത്.

കഴിഞ്ഞ പത്ത് വർഷത്തിനിടയിൽ വിദേശ ഫണ്ടിന്റെ വാർഷിക വരവ് ഇരട്ടിയാണെന്നാണ് കണക്കുകൾ സൂചിപ്പിക്കുന്നത്. എന്നാൽ സംഭാവന സ്വീകരിക്കുന്ന പല സംഘടനകളും രജിസ്റ്റർ ചെയ്തതോ അനുമതി നൽകിയ ആവശ്യത്തിനായോ ഈ പണം ഉപയോഗിക്കുന്നില്ലെന്ന് കണ്ടെത്തിയിരുന്നു. ഇതേതുടർന്നാണ് സർക്കാർ നടപടി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, PARLIAMENT
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.