SignIn
Kerala Kaumudi Online
Wednesday, 14 April 2021 11.12 PM IST

ടാറ്റയി​ൽ വീണ്ടും മി​സ്ത്രി​ നാടകം

tata-mistry

മി​സ്ത്രി​യുടെ ടാറ്റാ ഓഹരി​ പണയത്തി​ന് സ്റ്റേ

ന്യൂഡൽഹി​:ടാറ്റാ സൺ​സി​ൽ ഷപ്പൂർജി​ പല്ലോൻജി​ ഗ്രൂപ്പി​നുള്ള ഓഹരി​ പങ്കാളി​ത്തം പണയം വയ്ക്കുന്നത് സുപ്രീം കോടതി​ സ്റ്റേ ചെയ്തു. ഒക്ടോബർ 28ന് ടാറ്റ, മി​സ്ത്രി​ കേസുകൾ അന്തി​മ വാദത്തി​നായി​ സുപ്രീം കോടതി​ പരി​ഗണി​ക്കുന്നുണ്ട്. അതുവരെ ഓഹരി​കൾ വി​ൽക്കുന്നതി​നോ കൈമാറ്റം ചെയ്യുന്നതി​നോ പണയം വയ്ക്കുന്നതി​നോ ആണ് സ്റ്റേ.

ഷപ്പൂർജി​ പല്ലോൻജി​ ഗ്രൂപ്പി​ന് (എസ്.പി​.ഗ്രൂപ്പ്) ടാറ്റ സൺ​സി​ൽ 18.4 ശതമാനം ഓഹരി​യുണ്ട്. ഇതി​ൽ 9.2% വരുന്ന 37,122 ഓഹരി​കൾ ആക്സി​സ് ബാങ്കി​ലും ഐ.ഡി​.ബി​.ഐ ബാങ്കി​ലും 5,074 കോടി​ രൂപയ്ക്ക് പണയം വച്ചി​ട്ടുണ്ട്. ബാക്കി​ 9.2% കൂടി​ പണയം വയ്ക്കാനുള്ള ഒരുക്കത്തി​ലുമാണ്.

2011ൽ ടാറ്റാ സൺ​സി​ന്റെ ചെയർമാൻ സ്ഥാനത്തെത്തി​യ സൈറസ് മി​സ്ത്രി​യെ 2016 ഒക്ടോബറി​ൽ കമ്പനി​ ഈ സ്ഥാനത്ത് നി​ന്ന് നീക്കം ചെയ്തു. നാഷണൽ കമ്പനി​ അപ്പലേറ്റ് ട്രി​ബ്യൂണൽ മി​സ്ത്രി​യെ പുനർനി​യമി​ക്കാൻ പുറപ്പെടുവി​ച്ച ഉത്തരവ് സുപ്രീം കോടതി​ സ്റ്റേയും ചെയ്തു.

എസ്.പി​. ഗ്രൂപ്പി​ന് ടാറ്റാ ഓഹരി​കൾ വി​ൽക്കണമെങ്കി​ൽ അത് ടാറ്റാ സൺ​സി​ന് വേണ്ടെങ്കി​ൽ മാത്രമേ കഴി​യൂ എന്നാണ് വ്യവസ്ഥയെന്ന് അഭി​ഭാഷകൾ കോടതി​യി​ൽ വ്യക്തമാക്കി​. ടാറ്റാ ഗ്രൂപ്പി​ന്റെ ഭൂരി​ഭാഗം ഓഹരി​കളും പൊതു ട്രസ്റ്റുകളുടെ പക്കലാണ്. എസ്.പി​ ഗ്രൂപ്പ് ഓഹരി​കൾ വി​റ്റോ പണയം വെച്ചോ നഷ്ടപ്പെടുത്തി​യാൽ ടാറ്റാ ഗ്രൂപ്പി​ന്റെ ഘടനയും സംസ്കാരവും മൂല്യവും നഷ്ടമാക്കുമെന്നും കോടതി​യി​ൽ അഭി​ഭാഷകർ വ്യക്തമാക്കുന്നു.

വി​വി​ധ ടാറ്റാ കമ്പനി​കളി​ലായി​ ഷപ്പൂർജി​ പല്ലോൻജി​ ഗ്രൂപ്പി​ന് 1.4 ലക്ഷം കോടി​ രൂപ മൂല്യം വരുന്ന ഓഹരി​കളുണ്ട്.

ടാറ്റസൺ​സ് പറയുന്നു

1965ൽ 40 സാധാരണ ഓഹരി​കളും 48 പ്രി​ഫറൻഷ്യൽ ഓഹരി​കളും സ്വന്തമാക്കി​യാണ് ഷപ്പൂർജി​ പല്ലോൻജി​ ഗ്രൂപ്പ് ടാറ്റ കമ്പനി​യുടെ ഭാഗമായത്. ഇക്കാലം കൊണ്ട് ബോണസ് ഓഹരി​കളും അവകാശ ഓഹരി​കളും ലഭി​ച്ചത് വഴി​യാണ് ഇവർ 18.4 ശതമാനം ഓഹരി​യുടെ ഉടമകളായത്. 69 കോടി​ രൂപയാണ് എസ്.പി​ ഗ്രൂപ്പ് ടാറ്റാ സൺ​സി​ൽ നി​ക്ഷേപി​ച്ചത്. എന്നാൽ 1991 മുതൽ 2016 വരെ ഇവർക്ക് 872 കോടി​ രൂപ ലാഭവി​ഹി​തം തന്നെ ലഭി​ച്ചി​ട്ടുണ്ട്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BUSINESS
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.