കുളിക്കുന്നതിനിടെ ബാത്ത് റൂമിൽ ക്യാമറ കണ്ട യുവതി ഞെട്ടി, സംഭവം പാറശാല കൊവിഡ് നിരീക്ഷണ കേന്ദ്രത്തിൽ, കേസെടുത്ത് പൊലീസ്

തിരുവനന്തപുരം: കൊവിഡ് നീരീക്ഷണ കേന്ദ്രത്തിൽ യുവതിയുടെ നഗ്നചിത്രം പകർത്താൻ ശ്രമിച്ച യുവാവ് പിടിയിൽ. നെയ്യാറ്റിൻകര ചെങ്കൽ സ്വദേശി ഷാലു(26)വാണ് പൊലീസിന്റെ പിടിയിലായത്. പാറശ്ശാല ശ്രീകൃഷ്ണ ഫാർമസി കൊവിഡ് സെന്ററിലാണ് സംഭവം.

കുളിക്കുന്നതിനിടെയാണ് യുവതി ബാത്ത് റൂമിൽ ഒളിപ്പിച്ച മൊബൈൽ ക്യാമറ കണ്ടത്. തുടർന്ന് യുവതി ഇക്കാര്യം അധികൃതരെ അറിയിച്ചു. പാറശാല പൊലീസ് സ്ഥലത്തെത്തി നടത്തിയ അന്വേഷണത്തിലാണ് ഷാലുവിനെ പിടികൂടുന്നത്. കൊവിഡ് പരിശോധനാഫലം നെഗറ്റീവായതിനെ തുടർന്ന് വീട്ടിലേക്ക് പോകാൻ തയ്യാറാവുന്നതിനിടെയാണ് ഇയാൾ പൊലീസിന്റെ പിടിയിലാകുന്നത്. പ്രതിയെ ചോദ്യം ചെയ്ത് വരികയാണ്.