SignIn
Kerala Kaumudi Online
Friday, 23 October 2020 12.16 AM IST

കരട് വിജ്ഞാപനത്തിന് 67ദിവസം കൂടി കാലാവധി

prakash-javadekar

ന്യൂഡൽഹി: കസ്തൂരിരംഗൻ റിപ്പോർട്ടിന്റെ അടിസ്ഥാനത്തിൽ പരിസ്ഥിതി ലോല പ്രദേശങ്ങൾ നിജപ്പെടുത്തിയുള്ള കരടു വിജ്ഞാപനത്തിന് 67 ദിവസം കൂടി കാലാവധിയുണ്ടാകുമെന്ന് കേന്ദ്ര വനം പരിസ്ഥിതി മന്ത്രി പ്രകാശ് ജാവദേക്കർ അറിയിച്ചു. മാർച്ച് 23 മുതൽ മെയ് 31 വരെയുള്ള ലോക്ക്ഡൗൺ കാലാവധി ഒഴിവാക്കിയാണ് കാലാവധി 67 ദിവസം കൂടി നീട്ടുക.

സംസ്ഥാനങ്ങളുമായി നടത്തുന്ന തുടർ ചർച്ചകളുടെ അടിസ്ഥാനത്തിൽ അന്തിമ വിജ്ഞാപനം പുറപ്പെടുവിക്കുമെന്ന് ഡീൻ കുര്യാക്കോസ് എം.പിയുമായുള്ള കൂടിക്കാഴ്‌ചയിൽ കേന്ദ്രമന്ത്രി അറിയിച്ചു.

വനം പരിസ്ഥിതി മന്ത്രാലയങ്ങൾ ഇറക്കിയ കരടു വിജ്ഞാപനങ്ങളിൽ കാർഷികമേഖല അടക്കം ബഫർസോൺ പരിധിയിൽ വന്നത് തിരുത്തണമെന്ന് എം.പിമാരായ ഡീൻ കുര്യാക്കോസും കെ.മുരളീധരനും ആവശ്യപ്പെട്ടു. ഇടുക്കിയിൽ നാലു വില്ലേജുകളിൽ 10000 ഏക്കറിലധികം കൃഷിഭൂമിയും കണ്ണൂർ കോഴിക്കോട് ജില്ലകളിലെ മലബാർ വന്യമൃഗ സംരക്ഷണ കേന്ദ്രത്തിന് ചു​റ്റുമുള്ള ജനങ്ങൾ തിങ്ങിപ്പാർക്കുന്ന കൃഷിഭൂമിയും പരിസ്ഥിതി ലോലമായി പ്രഖ്യാപിച്ചു. മലയാളത്തിൽ വിജ്ഞാപനം ഇറക്കാത്തതും ബുദ്ധിമുട്ടുണ്ടാക്കുന്നെന്നും അവർ കൂട്ടിച്ചേർത്തു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, PRAKASH JAVADEKAR
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.