ആശങ്ക ഉയർന്ന് തന്നെ 389 പേർക്ക് കൊവിഡ്

കോട്ടയം : ജില്ലയിൽ പുതിയതായി ലഭിച്ച 4808 കൊവിഡ് പരിശോധനാ ഫലങ്ങളിൽ 389 എണ്ണം പോസിറ്റീവ്. ഏറ്റവും ഉയർന്ന പ്രതിദിന രോഗനിരക്കാണിത്. രോഗം ഭേദമായ 175 പേർ കൂടി ആശുപത്രി വിട്ടു. 381 പേർക്ക് സമ്പർക്കത്തിലൂടെയാണ് രോഗം ബാധിച്ചത്. ഇതിൽ അഞ്ചുപേർ മറ്റു ജില്ലക്കാരാണ്. ഒരു ആരോഗ്യ പ്രവർത്തകയും സംസ്ഥാനത്തിന് പുറത്തുനിന്നെത്തിയ ഏഴു പേരും രോഗബാധിതരായി. രോഗബാധിതരിൽ 216 പുരുഷൻമാരും, 131 സ്ത്രീകളും, 42 കുട്ടികളും ഉൾപ്പെടുന്നു. 68 പേർ 60 വയസിന് മുകളിൽ പ്രായമുള്ളരാണ്. ഇത് ആകെ രോഗികളുടെ എണ്ണത്തിൻറെ 17.5 ശതമാനം വരും. നിലവിൽ 3355 പേരാണ് ചികിത്സയിലുള്ളത്. ഇതുവരെ 9277 പേർ രോഗബാധിതരായി. 5916 പേർ രോഗമുക്തി നേടി. 20104 പേർ ക്വാറന്റൈനിൽ കഴിയുന്നുണ്ട്.

കൂടുതൽ ആർ‌പ്പൂക്കരയിൽ
ആർപ്പൂക്കര ഗ്രാമപഞ്ചായത്തിലാണ് ഏറ്റവുമധികം പേർക്ക് സമ്പർക്കം മുഖേന രോഗം സ്ഥിരീകരിച്ചത്. ഇവിടെ രോഗം ബാധിച്ച 94 പേരിൽ 77 പേർ നവജീവൻ ട്രസ്റ്റിലെ ജീവനക്കാരും അന്തേവാസികളുമാണ്. കോട്ടയം : 35, ചങ്ങനാശേരി : 26, കങ്ങഴ, കറുകച്ചാൽ, വാഴപ്പള്ളി : 12, മാടപ്പള്ളി : 10, ഈരാറ്റുപേട്ട, തൃക്കൊടിത്താനം : 8, ഏറ്റുമാനൂർ, കല്ലറ, പനച്ചിക്കാട്, രാമപുരം, ഉദയനാപുരം : 7, കുമരകം, വെള്ളാവൂർ : 6 എന്നിവയാണ് രോഗബാധ കൂടുതലായി റിപ്പോർട്ട് ചെയ്ത മറ്റു കേന്ദ്രങ്ങൾ.