കാസർകോട് 224 പേർക്ക് കൊവിഡ്

കാസർകോട്: ജില്ലയിൽ 224 പേർക്ക് കൂടി കൊവിഡ് സ്ഥിരീകരിച്ചു. സമ്പർക്കത്തിലൂടെ 207 പേർക്കും ഇതരസംസ്ഥാനത്ത് നിന്നെത്തിയ ആറ് പേർക്കും വിദേശത്ത് നിന്നെത്തിയ 11 പേർക്കുമാണ് രോഗബാധ. 78 പേർക്ക് ഇന്നലെ നെഗറ്റീവായി.

9639 പേർക്കാണ് ജില്ലയിൽ ഇതുവരെ കൊവിഡ് സ്ഥിരീകരിച്ചത്. ഇതിൽ 697 പേർ വിദേശത്ത് നിന്നെത്തിയവരും 526 പേർ ഇതരസംസ്ഥാനത്ത് നിന്നെത്തിയവരും 8413 പേർക്ക് സമ്പർക്കത്തിലൂടെയുമാണ് രോഗം സ്ഥിരീകരിച്ചത്. 7356 പേർക്ക് ഇതുവരെ രോഗം ഭേദമായി. 2205 പേരാണ് നിലവിൽ ചികിത്സയിലുള്ളത്. ഇതിൽ 1130 പേർ വീടുകളിലാണ്.

വീടുകളിൽ 3382 പേരും സ്ഥാപനങ്ങളിൽ 977 പേരുമുൾപ്പെടെ ജില്ലയിൽ നിരീക്ഷണത്തിലുള്ളത് 4359 പേരാണ്. പുതിയതായി 670 പേരെ കൂടി ഇന്നലെ നിരീക്ഷണത്തിലാക്കി. സെന്റിനൽ സർവ്വേ അടക്കം പുതിയതായി 1270 സാമ്പിളുകൾ കൂടി പരിശോധനയ്ക്ക് അയച്ചു. 319 പേരുടെ പരിശോധനാ ഫലം ലഭിക്കാനുണ്ട്.