SignIn
Kerala Kaumudi Online
Friday, 26 February 2021 8.38 PM IST

എൻ.ഡി.എ മാർച്ചിൽ സംഘർഷം: ആറ് പ്രവർത്തകർക്കും 15 പൊലീസുകാർക്കും പരിക്ക്

marc
പത്തനംതിട്ട കളക്ടറേറ്റിലേക്ക് എൻ.‌ഡി.എ നടത്തിയ മാർച്ച് പൊലീസ് തടഞ്ഞപ്പോൾ

പത്തനംതിട്ട: മന്ത്രി കെ.ടി. ജലീലിന്റെ രാജിയാവശ്യപ്പെട്ട് എൻ.ഡി.എ. ജില്ലാകമ്മിറ്റിയുടെ നേതൃത്വത്തിൽ പത്തനംതിട്ട കളക്ടറേറ്റിലേക്ക് നടത്തിയ പ്രതിഷേധ മാർച്ചിൽ സംഘർഷം. പൊലീസ് ലാത്തിചാർജ് നടത്തി. ആറന്മുള മണ്ഡലം പ്രസിഡന്റ് അഭിലാഷ് ഓമല്ലൂർ, ജനറൽ സെക്രട്ടറി സൂരജ് ഇലന്തൂർ, വൈസ് പ്രസിഡന്റ് വിദ്യാധിരാജൻ, ശ്യാം, സുരേഷ് പെരുമ്പേട്ടി, ജയകുമാർ എന്നിവർക്ക് പരിക്കേറ്റു. പ്രവർത്തകരുമായുള്ള ഉന്തിലും തള്ളിലും പത്തനംതിട്ട എസ്.എച്ച്.ഒ. ന്യൂമാൻ അടക്കം 15 പൊലീസുകാർക്കും പരിക്കേറ്റിട്ടുണ്ട്.
ഇന്നലെ ഉച്ചയ്ക്ക്12ന് അബാൻ ജംഗ്ഷനിൽ നിന്നാരംഭിച്ച പ്രകടനം കളക്ടറേറ്റിന് മുന്നിൽ പൊലീസ് ബാരിക്കേഡ് കെട്ടി തടഞ്ഞു. ബാരിക്കേഡ് മറിച്ചിടാൻ ശ്രമിച്ച പ്രവർത്തകർക്കെതിരെ പൊലീസ് രണ്ട് വട്ടം ജലപീരങ്കി പ്രയോഗിച്ചു. ഇതോടെ പ്രവർത്തകർ റോഡിൽ കുത്തിയിരുന്ന് പൊലീസിനെതിരെ മുദ്രാവാക്യം വിളിച്ചു. പത്തനംതിട്ട ഡിവൈ.എസ്.പി. കെ. സജീവിന്റെ നേതൃത്വത്തിൽ പൊലീസ് സംഘം പ്രവർത്തകരെ ബലം പ്രയോഗിച്ച് അറസ്റ്റ് ചെയ്ത് നീക്കി. പൊലീസിനേക്കാൾ പ്രവർത്തകരുടെ എണ്ണമായിരുന്നു കൂടുതൽ. ഒരു വാനിലും മൂന്ന് പൊലീസ് ജീപ്പിലുമായി പ്രവർത്തകരെ നീക്കം ചെയ്തു. ബാക്കിയുണ്ടായിരുന്ന പ്രവർത്തകരെ നീക്കാനായി വീണ്ടും പൊലീസ് വാനെത്തിച്ചപ്പോഴാണ് സംഘർഷവും ലാത്തിചാർജുമുണ്ടായത്. അറസ്റ്റ് ചെയ്ത് നീക്കുന്നതിനെ ചോദ്യം ചെയ്ത് പ്രവർത്തകർ പൊലീസുകാരെ ഉന്തിമാറ്റി. ലാത്തി വീശിയതോടെ പ്രവർത്തകർ ചിതറിയോടി.
ബി.ജെ.പി. സംസ്ഥാന അദ്ധ്യക്ഷൻ കെ. സുരേന്ദ്രൻ മാർച്ച് ഉദ്ഘാടനം ചെയ്തു. ജില്ലാ വൈസ് വൈസ് പ്രസിഡന്റ് എം.എസ്. അനിൽ അദ്ധ്യക്ഷനായിരുന്നു. ദക്ഷിണ മേഖലാ ജനറൽ സെക്രട്ടറി ഷാജി ആർ. നായർ, ജില്ലാ ജനറൽ സെക്രട്ടറിമാരായ വിജയകുമാർ മണിപ്പുഴ, വി.എ. സൂരജ്, ജില്ലാ ഭാരവാഹികളായ ബിന്ദു പ്രസാദ്, മിനി ഹരികുമാർ, ജയ ശ്രീകുമാർ, പി.ആർ. ഷാജി, വിഷ്ണു മോഹൻ, ടി കെ പ്രസന്നകുമാർ, ജയശ്രീ ഗോപി, വിനോദ് തുടങ്ങിയവർ നേതൃത്വം നൽകി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, KOLLAM, GENERAL
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.