കൊവിഡ് മുക്തർ അരക്കോടി

ന്യൂഡൽഹി: രാജ്യത്തെ കൊവിഡ് മുക്തരുടെ എണ്ണം 50 ലക്ഷം പിന്നിട്ടു. കഴിഞ്ഞ 11 ദിവസത്തിനിടെ 10 ലക്ഷം പേർ രോഗമുക്തരായി. കഴിഞ്ഞ 24 മണിക്കൂറിനിടെ 74,893 പേർക്ക് രോഗം ഭേദമായി. രോഗമുക്തരുടെ എണ്ണം ചികിത്സയിലുള്ളവരുടേതിനേക്കാൾ 5 മടങ്ങ് കൂടുതലാണ്. രോഗമുക്തി നിരക്ക് 82.58 ശതമാനമായി ഉയർന്നു.

പുതുതായി രോഗമുക്തരായവരിൽ 73 ശതമാനവും മഹാരാഷ്ട്ര, കർണാടക, ആന്ധ്രാപ്രദേശ്, ഉത്തർപ്രദേശ്, തമിഴ്നാട്, ഡൽഹി, കേരളം, ഒഡിഷ, പശ്ചിമ ബംഗാൾ, പഞ്ചാബ് എന്നീ സംസ്ഥാനങ്ങളിലാണ്. 13,000 രോഗമുക്തരോടെ മഹാരാഷ്ട്രയാണ് പട്ടികയിൽ മുന്നിൽ.
അതേസമയം, കഴിഞ്ഞ 24 മണിക്കൂറിനിടെ രാജ്യത്ത് 82,170 പേർ രോഗികളായി.1,039 കൊവിഡ് മരണം റിപ്പോർട്ട് ചെയ്തു.

 ആകെ രോഗികൾ 61 ലക്ഷവും മരണം 96,000വും കടന്നു.

 ഗോവ ഡി.ജി.പി മുകേഷ് കുമാർ മീണയ്ക്ക് കൊവിഡ്.