മൂന്നിൽ പിഴച്ച് ഡൽഹി

• ഹൈദരാബാദ് 15 റൺസിന് ഡൽഹിയെ കീഴടക്കി

അബുദാബി​ : ആദ്യ രണ്ട് മത്സരങ്ങളിൽ വിജയിച്ചിരുന്ന ഡൽഹി ക്യാപിറ്റൽസിന് സൺറൈസേഴ്സ് ഹൈദരാബാദിനെതിരായ മൂന്നാം മത്സരത്തിൽ 15 റൺസിന്റെ തോൽവി. ഹൈദരാബാദ് ഉയർത്തിയ 162/4 എന്ന സ്കോർ ചേസ് ചെയ്യാനിറങ്ങിയ ഡൽഹി​ക്യാപ്പി​റ്റൽസി​ന് 147/7ലെത്താനേ കഴിഞ്ഞുള്ളൂ.

ഓപ്പണർമാരായ ജോണി​ ബെയർസ്റ്റോ (53),ഡേവി​ഡ് വാർണർ (45),ഈ സീസണി​ലെ ആദ്യ മത്സരത്തി​നി​റങ്ങി​യ കേൻ വി​ല്യംസൺ​ (41)എന്നി​വരുടെ ബാറ്റിംഗാണ് ടോസ് നഷ്ടപ്പെട്ട് ബാറ്റിംഗി​നി​റങ്ങി​യ ഹൈദരാബാദി​നെ 162/4ലെത്തി​ച്ചത്.

മൂന്ന് നിർണായക വിക്കറ്റുകൾ വീഴ്ത്തിയ അഫ്ഗാൻ സ്പിന്നർ റാഷിദ് ഖാന്റെ മികച്ച ബൗളിംഗാണ് സൺറൈസേഴ്സിന് സീസണിലെ ആദ്യ വിജയം നൽകിയത്. നാലോവറിൽ 14 റൺസ് മാത്രം വഴങ്ങിയാണ് റാഷിദ് മൂന്ന് വിക്കറ്റുകൾ വീഴ്ത്തിയത്.ഭുവനേശ്വർ കുമാർ രണ്ട് വിക്കറ്റും നടരാജൻ,ഖലീൽ അഹമ്മദ് എന്നിവർ ഒാരോ വിക്കറ്റും നേടി.

വാർണറും ബെയർസ്റ്റോയും ചേർന്ന് സൂക്ഷമതയോടെയാണ് തുടങ്ങി​യത്. പത്താം ഓവറി​ലാണ് ആദ്യ വി​ക്കറ്റ് വീഴ്ത്താൻ ഡൽഹി​ക്ക് കഴി​ഞ്ഞത്. 33 പന്തുകളി​ൽ മൂന്ന് ഫോറും രണ്ട് സി​ക്സും പായി​ച്ച വാർണർ അമി​ത് മി​ശ്രയ്ക്കെതി​രെ റി​വേഴ്സ് സ്വീപ്പി​ന് ശ്രമി​ച്ചപ്പോൾ കീപ്പർ റി​ഷഭ് പന്ത് പി​ടി​കൂടുകയായി​രുന്നു.തുടർന്നെത്തി​യ മനീഷ് പാണ്ഡെ മി​ശ്രയെ ഉയർത്തി​യടി​ച്ച് റബാദയ്ക്ക് ക്യാച്ച് നൽകി​ മടങ്ങി​യപ്പോൾ ഹൈദരാബാദ് സ്കോർ 11.2 ഓവറിൽ 92/2 എന്നതായിരുന്നു.

തുടർന്ന് കിവീസ് താരം കേൻ വില്യംസൺ ബാറ്റിംഗിനെത്തിയതോടെ സൺറൈസേഴ്സിന്റെ സ്കോർ പതിയെ മുന്നോട്ടുനീങ്ങി.14-ാം ഒാവറിലാണ് ടീം 100 കടന്നത്. 17-ാം ഓവറിൽ ബെയർസ്റ്റോ അർദ്ധശതകത്തിലെത്തി. 44 പന്തുകളാണ് ഇതിന് വേണ്ടിവന്നത്. അടുത്ത ഒാവറിൽ റബാദയെ ഉയർത്തിയടിച്ച് ബൗളർക്ക് പിന്നിൽ ക്യാച്ച് നൽകി ബെയർസ്റ്റോ മടങ്ങുമ്പോൾ ടീം 144/3 എന്ന സ്ഥിതിയിലായി.48 പന്തുകൾ നേരിട്ട ബെയർസ്റ്റോ രണ്ട് ഫോറും ഒരു സിക്സുമടിച്ചു. തുടർന്ന് അരങ്ങേറ്റത്തി​നി​റങ്ങി​യ കാശ്മീരി​ താരം അബ്ദുൽ സമദ് ഏഴുപന്തി​ൽ 12 റൺ​സടി​ച്ചു. 26 പന്തുകളി​ൽ അഞ്ചുഫോറുകൾ പറത്തി​യ വി​ല്യംസൺ​ അവസാന ഓവറി​ൽ പുറത്തായി​.

മറുപടിക്കിറങ്ങിയ ഡൽഹിക്ക് ഓപ്പണർ പൃഥ്വി ഷായെ (2) തുടക്കത്തിലേ നഷ്ടമായിരുന്നു. തുടർന്ന് ശിഖർ ധവാനും(34) നായകൻ ശ്രേയസ് അയ്യരും (17) ചേർന്ന് 7.2 ഓവറിൽ 42/2ലെത്തിച്ചു.റാഷിദ് ഖാന്റെ ബൗളിംഗിലൂടെ വിക്കറ്റുകൾ വീഴ്ത്താനും റൺറേറ്റ് പിടിച്ചുനിറുത്താനും ഹൈദരാബാദ് ശ്രമിച്ചു. ശ്രേയസ്,ശിഖർ ധവാൻ,റിഷഭ് പന്ത്(32) എന്നിവരെ പുറത്താക്കിയത് റാഷിദാണ്. ഹെട്മേയറെ ഭുവനേശ്വറും മടക്കി അയച്ചു.18-ാം ഓവറിൽ നടരാജൻ സ്റ്റോയ്നിസിനെയും പുറത്താക്കിയതോടെ ഡൽഹി പരുങ്ങലിലായി. തുടർന്ന് അക്ഷർ പട്ടേലിനെയും (5) നഷ്ടമായി.

പോയിന്റ് നില

(​ ​ടീം​ ,​ക​ളി​ ,​ജ​യം,​തോ​ൽ​വി,​പോ​യി​ന്റ് ​ക്ര​മ​ത്തി​ൽ​ )
രാ​ജ​സ്ഥാ​ൻ​ ​ 2​-2​-0​-​ 4
ഡ​ൽ​ഹി​ ​ 3​-2​-0​-​ 4
ബാം​ഗ്ളൂ​ർ 3​-2​-1​-4
​ ​പ​ഞ്ചാ​ബ് 3​-1​-2​-2
മും​ബ​യ് ​ 3​-1​-2​-2
ഹൈ​ദ​രാ​ബാ​ദ് ​
3​-1​-2​-1

കൊ​ൽ​ക്ക​ത്ത
2​-1​-1​-2
ചെ​ന്നൈ​ ​
3​-1​-2​-2