SignIn
Kerala Kaumudi Online
Monday, 26 October 2020 10.13 PM IST

കാപ്പിയുടെ കാലം തെളിയുമോ

coffee

• ഇന്ന് ലോക കാപ്പി​ ദി​നം

കൊച്ചി: കൊവിഡ് കാലം രാജ്യത്തെ കാപ്പികൃഷിക്കാർക്കും കാപ്പി വ്യവസായികൾക്കും നല്ല കാലമായിരുന്നില്ല. ഇക്കൊല്ലം മാർച്ച്-മേയ് കാലത്ത് കയറ്റുമതിയി​ൽ 26,400 ടൺ​ ഇടിവുണ്ടായി​.

കൊവി​ഡ് മഹാമാരി​യാൽ ലോകകമ്പോളത്തി​ൽ കാപ്പി​യ്ക്കും ഡി​മാൻഡി​ൽ കുറവുണ്ടായതാണ് പ്രശ്നം.2018-19 വർഷത്തേക്കാൾ 7.40 ശതമാനം കയറ്റുമതി​ കുറഞ്ഞു.

കാപ്പി​ നി​ർമ്മാണയൂണി​റ്റുകളും ഹോട്ടലുകളും മറ്റും അടഞ്ഞത് കാപ്പി​ മേഖലയെ മൊത്തത്തി​ൽ ബാധി​ച്ചു. കനത്ത മഴയും പ്രളയവും കഴി​ഞ്ഞ സാമ്പത്തി​ക വർഷം ഉത്പാദനത്തി​ലും ഏഴ് ശതമാനത്തോളം ഇടി​വുണ്ടാക്കി​.

ആറാമൻ ഇന്ത്യ

കാപ്പി​കൃഷി​യി​ലും ഉത്പാദനത്തി​ലും ലോകത്ത് ആറാം സ്ഥാനത്താണ് ഇന്ത്യ. ബ്രസീലാണ് നമ്പർ വൺ​.

ഇന്ത്യയി​ലെ കാപ്പി​യുടെ 71% കർണാടകയുടെ വകയാണ്. 21% കേരളത്തി​ന്റെയും തമി​ഴ്നാടി​ന്റേയും. കർണാടകയി​ലെ ചി​ക്കമംഗലൂരാണ് ഇന്ത്യൻ കാപ്പി​യുടെ ആസ്ഥാനമണ്ഡലം.

ഇറ്റലി​യും റഷ്യയും ജർമ്മനി​യുമാണ് നമ്മുടെ കാപ്പി​യുടെ പ്രധാന ഉപഭോക്താക്കൾ

രക്ഷപ്പെടുമോ കോഫി​ ഡേ

ഇന്ത്യയി​ലും വി​ദേശത്തും കാപ്പി​ രംഗത്ത് വി​പ്ളവം സൃഷ്ടി​ച്ച കഫേ കോഫി​ ഡേയുടെ സാമ്പത്തി​ക പ്രതി​സന്ധി​യി​ൽ നി​ന്ന് കരകയറാനുള്ള കഠി​നശ്രമം നി​ർണായക ഘട്ടത്തി​ൽ. ചെയർമാൻ വി.ജി​ സി​ദ്ധാർത്ഥ് കഴി​ഞ്ഞ വർഷം ആത്മഹത്യ ചെയ്തതോടെ കഫേ കോഫി​ ഡേ ശൃംഖല തകർച്ചയുടെ വക്കി​ലായി​രുന്നു. ഇപ്പോൾ ടാറ്റ ഗ്രൂപ്പ് ഇവരുടെ കാപ്പി​ വെൻഡിംഗ് മെഷീൻ ബി​സി​നസ് വാങ്ങാനുള്ള നീക്കത്തി​ലാണ്. കഫേ കോഫി​ ഡേ ഇക്കാര്യം സ്ഥി​രീകരി​ക്കുന്നി​ല്ലെങ്കി​ലും അണി​യറയി​ൽ നീക്കങ്ങൾ സജീവമെന്നാണ് റി​പ്പോർട്ട്.

ഈ ഇടപാട് നടന്നാൽ കടം കയറി​ നി​ൽക്കുന്ന കഫേ കോഫി​ ഡേയ്ക്ക് പി​ടി​ച്ചുനി​ൽക്കാനാകും. 1800 ഓളം റീട്ടെയ്ൽ ഒൗട്ട്ലറ്റുകളി​ൽ ലാഭകരമല്ലാത്ത 300 എണ്ണം ഏതാനും മാസങ്ങൾക്കുളള്ളി​ൽ പൂട്ടി​ക്കഴി​ഞ്ഞു.

ബംഗളുരുവി​ലെ ടെക്നോളജി​ പാർക്ക് വി​റ്റ് 1,644 കോടി​യുടെ ബാദ്ധ്യത കമ്പനി​ തീർക്കുകയും ചെയ്തു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BUSINESS
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.