SignIn
Kerala Kaumudi Online
Saturday, 24 October 2020 6.51 AM IST

ലൈഫ്: സി.ബി.ഐക്കെതിരെ പോർമുഖം തുറന്ന് സർക്കാർ

life

തിരുവനന്തപുരം:ലൈഫ് കോഴക്കേസിൽ സി.ബി.ഐയുടെ എഫ്.ഐ.ആർ റദ്ദാക്കാൻ ഹൈക്കോടതിയിൽ നൽകിയ ഹർജിക്കൊപ്പം, വിജിലൻസിനെക്കൊണ്ട് അഴിമതിക്കേസെടുപ്പിച്ചും സി.ബി.ഐയ്ക്കെതിരെ പോർമുഖം തുറക്കുകയാണ് സർക്കാർ.

വിദേശസഹായ നിയന്ത്രണചട്ടം(എഫ്.സി.ആർ.എ) ലംഘിച്ചതിനാണ് നിലവിൽ സി.ബി.ഐ കേസ്. ലൈഫ് കരാറിൽ അഴിമതി കണ്ടെത്തിയതിനാൽ അഴിമതിനിരോധന നിയമം കൂടി ചുമത്താൻ സി.ബി.ഐ നിയമോപദേശം തേടിയതിനു പിന്നാലെയാണ് ,തിരുവനന്തപുരം വിജിലൻസ് കോടതിയിൽ വിജിലൻസ് എസ്.ഐ.യു-1 എസ്.പി കെ.ഇ.ബൈജു എഫ്.ഐ.ആർ നൽകിയത്. പദ്ധതിയിൽ സർക്കാർ ഉദ്യോഗസ്ഥരുടെയും നിർമ്മാണ കമ്പനികളുടെയും അഴിമതി അന്വേഷിക്കാനാണിത്. നിലവിൽ ആരെയും പ്രതിയാക്കിയിട്ടില്ലെങ്കിലും, കമ്പനിയുടമകളടക്കം പ്രതിയാവുമെന്ന് വിജിലൻസ് പറയുന്നു. ലൈഫ് മിഷനിലെ ഉദ്യോഗസ്ഥർക്ക് അഴിമതിയിൽ പങ്കുണ്ടോയെന്നും അന്വേഷിക്കും. അഴിമതി നിരോധനനിയമത്തിലെ 17(എ)ചട്ടപ്രകാരമാണ് കേസെടുക്കാൻ ആഭ്യന്തര വകുപ്പ് അനുമതി നൽകിയത്.വിദേശ സഹായനിയന്ത്രണ ചട്ടത്തിന്റെ ഭാഗമായുള്ള അഴിമതി അന്വേഷിക്കാൻ സി.ബി.ഐയ്ക്ക് അധികാരമുള്ളതിനാൽ, വിജിലൻസിന്റെ എഫ്.ഐ.ആർ നിലനിൽക്കാനിടയില്ല.

സി.ബി.ഐ അഴിമതിക്കുറ്റം ചുമത്തിയാൽ, റെഡ്ക്രസന്റുമായി കരാറൊപ്പിട്ട ലൈഫ് മിഷൻ സി.ഇ.ഒ യു.വി.ജോസടക്കം ഏതാനും ഐ.എ.എസുകാർ പ്രതികളാവാനിടയുണ്ട്. ലൈഫ് മിഷൻ ചെയർമാനായ മുഖ്യമന്ത്രി, വൈസ്ചെയർമാനായ തദ്ദേശമന്ത്രി, കോഴയിടപാട് വെളിപ്പെടുത്തിയ രണ്ട് മന്ത്രിമാർ എന്നിവരും അന്വേഷണപരിധിയിൽ വരും. ഇതിലെ അപകടം തിരിച്ചറിഞ്ഞാണ് സർക്കാരിന്റെ തിടുക്കത്തിലുള്ള നടപടികൾ.

 വിജിലൻസിന് അധികാരമില്ല

വിദേശ സഹായത്തെക്കുറിച്ചും അതിലെ അഴിമതിയെക്കുറിച്ചും അന്വേഷിക്കാൻ വിജിലൻസിന് അധികാരമില്ല. ഒരു കോടിക്ക് താഴെയുള്ള വിദേശസഹായത്തെക്കുറിച്ച് ക്രൈംബ്രാഞ്ചിലെ എസ്.ഐ വരെയുള്ള ഉദ്യോഗസ്ഥർക്ക് അന്വേഷിക്കാം. വടക്കാഞ്ചേരി ലൈഫ് പദ്ധതിക്കായി യു.എ.ഇ റെഡ്ക്രസന്റ് നൽകിയത് ഒരു കോടി യു.എ.ഇ ദിർഹമാണ് (20.37കോടി രൂപ).

കുരുക്കുകൾ

 കേന്ദ്രാനുമതി തേടാതെ കരാറുണ്ടാക്കിയ ശേഷം, ചീഫ്സെക്രട്ടറി അദ്ധ്യക്ഷനായ ഉന്നതാധികാര സമിതിയാണ് പദ്ധതി അംഗീകരിച്ചത്.

 എഫ്.സി.ആർ.എ ചട്ടത്തിലെ സെക്ഷൻ 3(1)(ബി) പ്രകാരം ജഡ്ജിമാർ, സർക്കാർ ഉദ്യോഗസ്ഥർ, സർക്കാ‌ർ നിയന്ത്രണത്തിലുള്ള സ്ഥാപനങ്ങളിലെ ജീവനക്കാ‌ർ തുടങ്ങിയവർ വിദേശസഹായം സ്വീകരിക്കാൻ പാടില്ല.

 സർക്കാരിന് പണം സ്വീകരിക്കണമെങ്കിലും കേന്ദ്രത്തിന്റെ മുൻകൂർ അനുമതി വേണം.

 സംസ്ഥാന സർക്കാരിന്റെ പേരുപയോഗിച്ചാണ് വിദേശ സഹായംസ്വീകരിച്ചത്. കരാറുകാരന് പണം നൽകിയതല്ല, സർക്കാരുമായുള്ള ധാരണാപത്രമാണ് യഥാർത്ഥ ഇടപാടെന്ന് സി.ബി.ഐ.

 വി​ജി​ല​ൻ​സ് ​കേ​സ് ​ആ​രെ​യും​ ​പ്ര​തി​ചേ​ർ​ക്കാ​തെ

വ​ട​ക്കാ​ഞ്ചേ​രി​യി​ലെ​ ​ലൈ​ഫ് ​മി​ഷ​ൻ​ ​പ​ദ്ധ​യു​മാ​യി​ ​ബ​ന്ധ​പ്പെ​ട്ട് ​വി​ജി​ല​ൻ​സ് ​കേ​സെ​ടു​ത്തു.​ ​ആ​രെ​യും​ ​പ്ര​തി​ചേ​ർ​ത്തി​ട്ടി​ല്ല.​ ​വി​ജി​ല​ൻ​സി​ന്റെ​ ​തി​രു​വ​ന​ന്ത​പു​രം​ ​പൂ​ജ​പ്പു​ര​യി​ലെ​ ​സ്‌​പെ​ഷ്യ​ൽ​ ​യൂ​ണി​​​റ്റ് ​ഒ​ന്നാ​ണ് ​കേ​സെ​ടു​ത്ത​ത്.​ ​ഇ​ന്ന​ലെ​ ​വൈ​കി​ട്ട് ​തി​രു​വ​ന​ന്ത​പു​രം​ ​വി​ജി​ല​ൻ​സ് ​കോ​ട​തി​യി​ൽ​ ​എ​ഫ്‌.​ഐ.​ആ​ർ​ ​സ​മ​ർ​പി​ച്ചു.​ ​ലൈ​ഫ് ​മി​ഷ​നും​ ​റെ​ഡ് ​ക്ര​സ​ന്റു​മാ​യു​ള്ള​ ​ക​രാ​ർ,​ ​യൂ​ണി​ടാ​ക് ​ക​മ്പ​നി​ ​എ​ങ്ങ​നെ​ ​ക​രാ​റി​ന്റെ​ ​ഭാ​ഗ​മാ​യി,​ ​ക​മ്മി​ഷ​നാ​യി​ ​എ​ത്ര​ ​രൂ​പ​ ​ന​ൽ​കി,​ ​ക​രാ​റി​ൽ​ ​സ്വ​ർ​ണ​ക്ക​ട​ത്തു​ ​കേ​സി​ലെ​ ​പ്ര​തി​ക​ളു​ടെ​ ​പ​ങ്ക് ​തു​ട​ങ്ങി​യ​ ​കാ​ര്യ​ങ്ങ​ളാ​ണ് ​വി​ജി​ല​ൻ​സ് ​പ​രി​ശോ​ധി​ക്കു​ന്ന​ത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LIFE MISSION
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.