SignIn
Kerala Kaumudi Online
Saturday, 28 November 2020 7.53 AM IST

മൺകൂരയിൽ ഉറങ്ങുന്നതിനിടെ പാമ്പുകടിയേറ്റ് മരിച്ച ബാലികയുടെ കുടുംബത്തിന് വാവയുടെ സ്നേഹവീട്

vava

പത്തനാപുരം: മൺകൂരയിൽ സഹോദരിക്കൊപ്പം നിലത്തു കിടന്നുറങ്ങുന്നതിനിടെ പാമ്പുകടിയേറ്റ് മരിച്ച പത്തുവയസുകാരിയുടെ കുടുംബത്തിന് സുഹൃത്തുക്കളുടെ സഹായത്തോടെ വാവ സുരേഷ് വീടുവച്ച് നൽകും.

പ​​​ത്ത​​​നാ​​​പു​​​രം​ ​​​​പ​​​ഞ്ചാ​​​യ​​​ത്തി​​​ലെ​ ​മാ​​​ങ്കോ​​​ട് ​അം​​​ബേ​​​ദ്​​ക​ർ​ ​ഗ്രാ​​​മ​​​ത്തി​ൽ​ ​ച​​​രു​​​വി​​​ള​ ​പു​​​ത്ത​ൻ​​​വീ​​​ട്ടി​ൽ​ ​രാ​​​ജീ​​​വ് ​-​ ​സി​​​ന്ധു​ ​ദ​​​മ്പ​​​തി​​​ക​​​ളു​​​ടെ​ ​മൂ​​​ത്ത​ ​മ​​​ക​ൾ​ ​ആ​​​ദി​​​ത്യയുടെ വിയോഗം കേരളകൗമുദിയിലൂടെയാണ് വാവ അറിഞ്ഞത്. കഴിഞ്ഞ തിങ്കളാഴ്ച വാവ ആദിത്യയുടെ വീട് സന്ദർശിച്ചു. മലപ്പുറത്തുള്ള പ്രവാസി സുഹൃത്തുക്കൾ വാവ സുരേഷിന് വീട് നിർമ്മിച്ച് നൽകാമെന്ന് അടുത്തിടെ അറിയിച്ചിരുന്നു. എന്നാൽ അന്ന് സ്നേഹപൂർവം നിരസിച്ച വാവ ഈ വീട് ആദിത്യയുടെ കുടുംബത്തിന് നൽകണമെന്ന് അഭ്യർത്ഥിക്കുകയായിരുന്നു. കേട്ടപാടെ സുഹൃത്തുക്കളും സമ്മതംമൂളി. വീടുപണി ഉടൻ ആരംഭിക്കുമെന്ന് വീട്ടുകാർക്ക് വാവ ഉറപ്പും നൽകി.

ഈ മാസം 2ന് രാ​​​ത്രി​​​യി​​​ലാ​​​ണ് തറയിലെ മാളത്തിൽ ഒളിച്ചിരുന്ന ശംഖുവരയൻ പാ​​​മ്പ് ​ആദിത്യയുടെ ചെവിയിൽ ​ക​ടി​ച്ച​ത്.​ ​​കുട്ടി ഉണർന്ന് വിവരം അറിയിച്ചെങ്കിലും മ​​​റ്റെ​​​ന്തോ​ ​പ്രാണി ക​​​ടി​​​ച്ച​​​താ​​​കാ​​​മെ​​​ന്നാ​​​ണ് ​മാ​​​താ​​​പി​​​താ​​​ക്ക​ൾ​ ​ക​​​രു​​​തി​​​യ​​​ത്.​ ​എന്നാൽ ​വേ​​​ദ​​​ന​ ​അ​സ​ഹ്യ​മാ​യ​​​തോ​​​ടെ രാ​​​വി​​​ലെ​ 6​ ന്​ ​പ​​​ത്ത​​​നാ​​​പു​​​ര​​​ത്തെ​ ​സ്വ​​​കാ​​​ര്യ​ ​ആ​​​ശു​​​പ​​​ത്രി​​​യി​ൽ​ ​എ​​​ത്തിക്കുകയായിരുന്നു. അവിടെനിന്ന് തിരുവല്ലയിലെ പു​​​ഷ്​​പ​​​ഗി​​​രി​ ​മെ​​​ഡി​​​ക്ക​ൽ​ ​കോ​​​ളേ​​​ജി​​​ലേ​​​ക്ക് ​മാ​​​റ്റിയെങ്കിലും രാത്രിയോടെ മരിച്ചു. മാങ്കോട് ഗവ. ഹയർ സെക്കൻഡറി സ്കൂളിലെ അഞ്ചാം ക്ലാസ് വിദ്യാർത്ഥിയായിരുന്നു. പിതാവ് രാജീവ് മുൻപ് വിദേശത്തായിരുന്നു. ഇപ്പോൾ നാട്ടിലുണ്ട്.

മൺകട്ട കൊണ്ട് നിർമ്മിച്ച ഈ വീട്ടിലാണ് രാജീവിന്റെ സഹോദരിയും മക്കളും അടക്കം എട്ടുപേരടങ്ങുന്ന കുടുംബത്തിന്റെ താമസം. തറയും ഭിത്തിയും മേൽക്കൂരയും തകർന്ന വീടിന്റെ മുകൾഭാഗത്ത് പ്ലാസ്റ്റിക് ടാർപ്പോ കെട്ടിയ നിലയിലാണ്. ഏത് നിമിഷവും തകർന്ന് വീഴാവുന്ന സ്ഥിതിയിലാണ് വീട്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: SPECIAL
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.