SignIn
Kerala Kaumudi Online
Tuesday, 20 October 2020 8.59 PM IST

സന്ദീപ് നായർക്കെതിരെ കസ്റ്റംസിന്റെ കോഫെപോസ; അതൃപ്‌തി അറിയിച്ച് എൻ ഐ എ

sandeep-nair

കൊച്ചി: സ്വർണക്കടത്ത് കേസിലെ മുഖ്യപ്രതികളിൽ ഒരാളായ സന്ദീപ് നായർക്കെതിരെ കസ്റ്റംസ് കോഫെപോസ ചുമത്തിയതിൽ എൻ.ഐ.എയ്ക്ക് അതൃപ്‌തി. സന്ദീപ് നായരെ മാപ്പുസാക്ഷിയാക്കാൻ എൻ.ഐ.എ തയ്യാറെടുക്കുന്നതിനിടെയായിരുന്നു കസ്റ്റംസിന്റെ അപ്രതീക്ഷിത നീക്കം. സ്വർണക്കടത്തിലെ പ്രധാനികളായ കെ.ടി റമീസുമായും സ്വപ്‌ന സുരേഷുമായും അടുത്ത ബന്ധമുളള സന്ദീപ് നായരുടെ രഹസ്യമൊഴി നിർണായകമാണെന്നാണ് എൻ.ഐ.എ വിലയിരുത്തുന്നത്. ഇതേ തുടർന്നാണ് കോഫെപോസ ചുമത്തിയ നടപടിക്കെതിരെ എൻ.ഐ.എ കസ്റ്റംസിനെ അതൃപ്‌തി അറിയിച്ചത്. ഒരു വർഷം ജാമ്യം ലഭിക്കാതെ ജയിൽ ശിക്ഷ അനുഭവിക്കേണ്ടി വരുന്ന നിയമമാണ് കോഫെപോസ .

സന്ദീപിന്റെ രഹസ്യമൊഴിക്കായി കസ്റ്റംസും എൻഫോഴ്‌സ്‌മെന്റും എൻ.ഐ.എ കോടതിയെ സമീപിച്ചിട്ടുണ്ട്. രഹസ്യമൊഴി ഒരു കേസിലെ അന്വേഷണ ഉദ്യോഗസ്ഥന് മാത്രമായാണോ നൽകുന്നത് എന്നതിൽ തീരുമാനം അറിയിക്കാൻ കോടതി എൻ.ഐ.എ സംഘത്തോട് ആവശ്യപ്പെട്ടിട്ടുണ്ട്. ഇതു സംബന്ധിച്ചുളള തീരുമാനം ബുധനാഴ്‌ചയോടെ ഉണ്ടാകും.

സ്വർണക്കടത്തിന്റെ മുഴുവൻ വിശദാംശങ്ങളും സന്ദീപിന്റെ രഹസ്യമൊഴിയിലുണ്ട്. അതേസമയം കസ്‌റ്റംസ് ചുമത്തിയ കോഫെപോസ പ്രകാരം ഇവർ ഒരു വർഷത്തെ കരുതൽ തടങ്കലിലാവും. കസ്റ്റംസ് നടപടി സന്ദീപിനെ മാപ്പുസാക്ഷിയാക്കി കേസുമായി മുന്നോട്ടുപോകുന്നതിൽ തടസമാകുമോ എന്ന ആശങ്കയാണ് എൻ.ഐ.എക്ക് ഉളളത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CASE DIARY, GOLD SMUGGLING CASE, NIA, CUSTOMS, SANDEEP NAIR, SWAPNA SURESH, SARITH, M SIVASANKAR
KERALA KAUMUDI EPAPER
TRENDING IN CASE DIARY
VIDEOS
PHOTO GALLERY
TRENDING IN CASE DIARY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.