SignIn
Kerala Kaumudi Online
Friday, 30 October 2020 4.28 AM IST

2021 മാർച്ചിൽ കൊവിഡ് വാക്സിൻ ഏവർക്കും ലഭ്യമാക്കും, ഡിസംബറോടെ 300 ദശലക്ഷം ഡോസുകൾ തയ്യാറാക്കുമെന്നും സെറം   ഇൻസ്റ്റിറ്റ്യൂട്ട്


vaccine

പൂനെ: ഡിസംബർ അവസാനത്തോടെ 200 മുതൽ 300 ദശലക്ഷം വരെയുള്ള കൊവി‌ഡ് വാക്സിൻ ഡോസുകൾ തയ്യാറാക്കുമെന്ന് സെറം ഇൻസ്റ്റിറ്റ്യൂട്ട് എക്സിക്യൂട്ടീവ് ഡയറക്ടർ ഡോ.സുരേഷ് ജാദവ് . ഡ്രഗ് കൺട്രോളർ ജനറൽ ഓഫ് ഇന്ത്യ അനുമതി നൽകിയാൽ 2021 മാർച്ചോടെ കൊവിഡ് വാക്സിൻ ഏവർക്കും ലഭ്യമാക്കുമെന്നും സുരേഷ് ജാദവ് പറഞ്ഞു. കൊവിഡ് വെെറസിനെ നേരിടാൻ അ‌ഞ്ച് വ്യത്യസ്ത തരം ഉത്പന്നങ്ങൾ നിർമിക്കുന്നതായും അദ്ദേഹം അറിയിച്ചു.

ഡ്രഗ് കൺട്രോളർ ജനറൽ ഓഫ് ഇന്ത്യ അനുമതി നൽകിയാൽ ഇതിന് പിന്നാലെ ലോകാരോഗ്യ സംഘടനയുടെ അംഗീകാരം തേടും.ലോകാരോഗ്യ സംഘടനയുടെ അംഗീകാരം ലഭിച്ചാൽ മാത്രമെ ഗാവിയെപോലെയുള്ള അന്താരാഷ്ട്ര സംഘടനകൾ ഈ വാക്സിൻ വാങ്ങുകയുള്ളുവെന്നും സുരേഷ് ജാദവ് പറഞ്ഞു. സെറം ഇൻസ്റ്റിറ്റ്യൂട്ട് ഡി.സി.ജി.ഐയുമായും ലോകാരോഗ്യ സംഘടനയുമായും ഒരേസമയം ബന്ധപ്പെട്ട് മുന്നോട്ട് പോകുന്നതിനാൽ സമയം ലാഭിക്കാനാകുമെന്നും അദ്ദേഹം കൂട്ടിച്ചേർത്തു.
ഇതിലൂടെ 2021 ആദ്യം തന്നെ വാക്സിൻ ഏവരിലും എത്തിക്കാനാകുമെന്നാണ് പ്രതീക്ഷയെന്നും ഡോ.സുരേഷ് ജാദവ് പറഞ്ഞു.

നേരത്തെ വാക്സിൻ നിർമാതാക്കളായ ബ്രിട്ടീഷ് ബഹുരാഷ്ട്ര മരുന്ന് കമ്പനി അസ്ട്ര സെനേക്ക അമേരിക്കയിൽ പരീക്ഷണം താൽക്കാലികമായി നിറുത്തിവച്ചിരുന്നു. പിന്നാലെ ഡി.സി.ജി.ഐ സെറം ഇൻസ്റ്റിറ്റ്യൂട്ടിന് കാരണം കാണിക്കൽ നോട്ടീസ് നൽകി.
തുടർന്ന് വാക്സിൻ പരീക്ഷണം സെറം ഇൻസ്റ്റിറ്റ്യൂട്ടും താല്ക്കാലികമായി നിറുത്തിവച്ചു. പിന്നാലെ ഡി.സി.ജി.ഐയുടെ അനുമതി ലഭിച്ചതിന് ശേഷമാണ് സെറം ഇൻസ്റ്റിറ്റ്യൂട്ട് പരീക്ഷണം ആരംഭിച്ചത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, COVID, THE VACCINE, INDIA
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.