SignIn
Kerala Kaumudi Online
Tuesday, 20 October 2020 8.58 PM IST

'സ്വന്തം സഹോദരനെ വിവാഹം കഴിച്ചു, നിയമവിരുദ്ധമായി രാജ്യത്ത് പ്രവേശിച്ചു':ഇൽഹാൻ ഒമറിനെതിരെ അന്വേഷണം വേണമെന്ന ആവശ്യവുമായി ഡൊണാൾഡ് ട്രംപ്

ilhan-omar

വാഷിംഗ്ടൺ: ഡെമോക്രാറ്റ് പാർട്ടി അംഗവും മിനസോട്ടാ ജനപ്രതിനിധിയുമായ ഇൽഹാൻ ഒമറിനെതിരെ അന്വേഷണം നടത്തണമെന്ന് യു.എസ്. നീതി വകുപ്പിനോട് ആവശ്യപ്പെട്ട് അമേരിക്കൻ പ്രസിഡന്റ് ഡൊണാൾഡ് ട്രംപ്. സ്വന്തം സഹോദരനെ ഇൽഹാൻ വിവാഹം ചെയ്തുവെന്നും അവർ നിയമവിരുദ്ധമായാണ് അമേരിക്കയിൽ പ്രവേശിച്ചതെന്നുമുള്ള അടിസ്ഥാനമില്ലാത്ത ആരോപണങ്ങളും ട്രംപ് ഉന്നയിച്ചു.

ഫ്ലോറിഡയിലെ ഒക്കാലയിൽ നടന്ന ഒരു തിരഞ്ഞെടുപ്പ് റാലിയിലാണ് ട്രംപ് ഈ പരാമർശം നടത്തിയത്. നവംബറിൽ നടക്കുന്ന തിരഞ്ഞെടുപ്പിൽ മിനസോട്ടയിൽ താൻ ജയിക്കുമെന്നും മിനസോട്ടാ ജനപ്രതിനിധി ഇൽഹാൻ 'സൊമാലിയക്കാരി' ആയതിനാൽ അങ്ങനെ തന്നെയാണ് സംഭവിക്കുക എന്നും ട്രംപ് പറയുന്നു.

'അവർക്ക് ഈ രാജ്യത്തോട് വെറുപ്പാണ്, ഒരു സർക്കാർ പോലുമില്ലാത്ത രാജ്യത്തുനിന്നുമാണ് അവ വരുന്നത്, എന്നിട്ട് നമ്മുടെ രാജ്യം എങ്ങനെ ഭരിക്കണമെന്ന് നമ്മോടു പറയുകയാണ്.' ട്രംപ് പറഞ്ഞു.

1995ൽ തന്റെ പന്ത്രണ്ടാം വയസിലാണ് ഇൽഹാൻ ഒമർ സൊമാലിയയിൽ നിന്നും അമേരിക്കയിൽ എത്തുന്നത് ശേഷം തന്റെ പതിനേഴാം വയസിലാണ് ഒമറിന് അമേരിക്കൻ പൗരത്വം ലഭിക്കുന്നത്. 2018ലാണ് ഒമർ കോൺഗ്രസിലേക്ക് തിരഞ്ഞെടുക്കപ്പെടുന്നത്. ഒമർ തന്റെ സഹോദരനെ വിവാഹം കഴിച്ചുകൊണ്ട് ഇമിഗ്രേഷൻ തട്ടിപ്പ് നടത്തിയെന്ന അപവാദപ്രചരണത്തെ അവർ മുൻപ് തള്ളിയിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: US POLLS, ILHAN OMAR, AMERICA, ELECTIONS, US, DONALD TRUMP
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.